یانە هەواڵیٛ واتارەو ڕوٙو دەگاو گوڵپی

واتارەو ڕوٙو دەگاو گوڵپی

59

                                                    بەنامیٛ خوڎای

ئازیزانم، خەڵکو دەگاو گوڵپی، قەوم و قیلە، هامسا و بەراسا، کەسایەتی و میٛمانە وەشەسیاکان گردیتان خیٛربەیدیٛ پەی ئاهەنگەو ڕوٙو دەگاو گوڵپی. ئومیٛد مکەرو چندە ساتێوی وەش چەنیمان بەردیٛ سەر. ئاروٙ چیٛگەنە گلیٛریٛ بییٛنمیٛوە پیٛسەو هەم ماڵی، هام دەگای هام زوانی تا زیاتەر ئاشنا بیمیٛوە بە یوترینی و واوەی بە دەگاکیٛمان و بە خەڵکەکەیش و پەیوەندیەکاما تازیٛ بکەرمیٛوە، پەی ئانەی جە ئیسەتیٛنە و دماڕوٙنە دەسەوام و دەسبار و پەشتەو پەناو یوترینی بیمیٛ، پەرسمیٛوە ئەو یوترینی، سەردای و قەومایەتیمان پتەوتەر بکەرمیٛوە، خاوەنداری زیاتەر بکەرمیٛ جە دەگاکیٛمان، گرد کەس ویٛش بە وەرپەرس بنیوٙرە جە ئاستو دەگاکیٛشنە. ئومیٛدم هەن ئی گلیرۆ بیەیە ببوٙن بە هاندەرما پەی زیاتەر ئاوەدانی دەگاکیٛما.

گردما مزانمیٛ دەگاو ئیمە یوٙ جە دەگا گەورەکانو هەورامانی بیٛ، وەلێم ئیسە مەوینمنیٛ تەنیا شوٙنەماکیٛش مەنیٛنە، کە ماییٛ دڵتەنگین پەی گردیمان، ئاروٙ وەردەمو کەلارە کوٙنەکانو گوڵپینە ڕوٙ دگاکیٛما بەرمیٛ ڕاوە، حەیفەن پەی ئیٛمە بدەیمیٛ یانە وڕیاکامرە و کەکێ نەبوٙ میٛمانەما،کە هیچ دەسێ ئاوەدانیش نەیاوان لا، نە لاو حکومەتیوە نەلاو ویٛچماوە، جا تا زووەن هەنگامیٛ بنیەمیٛ پەی ئاوەدان کەردەیشەو، هەریوٙ بە چیٛوێ، بە پروٙژێ، خزمەتێ، بەرنامێ. مەشیا کەسایەتیە داراکیٛما هەنگامیٛ زیاتەریٛشان نیێنیٛ پەی ئاوەدانی دەگای، چون گوڵپ جە ویەردەنە تاریخێ پەڕ شانازی و ڕوٙشنش بیٛ، با دریٛژە بدەیمیٛ پا شانازیا نازمیٛ کوٙریاوە. با بگیٛڵمیٛوە پەی خاسیەتە جوانەکاو دلیٛ دەگاکیٛما کە ماییٛ سەربەرزی و کامەرانی خەلکو دەگای بیٛنیٛ. جا هەر ئەچیٛگەنە دواو وەشکەردەی قاسەو دەگای بەنامیٛ(دەسەوام)ی مەکەروٙ، چون ئی قاسە پەیوەندیەکاما زیاتەر پتەو مکەروٙ، هامکاری و هەم ماڵی وەشتەر مکەروٙ.

 کوٙتا جار ماچمیٛ، داواو چەنە ویەردەی مکەرمیٛ ئەو هەر کەم و کوڵییٛ کە هەن ئاهەنگەکیٛنە، بەتایبە ئەگەر ویٛنەو کەسێ ڕەحمەتیما ویر شیەبوٙ گلەییٛش سەرو سەریما، ئیشەڵا پەی ئیجاری چارەسەریٛشا مکەرمیٛ بە هامکاری گردیما، چون داواو هامکاریما کەردە جە هاگاداریەکامانە، وەلێم بەپاو حەزو ئیٛمە هامکاری نەبیٛ.

چیٛگەیچەو سپاس و پەنەزانی ویٛما و شمەی میاونمیٛ بە ئیدارەو ناحیەو بیاریٛ، پوٙلیس و ئاسایش کە ئەمنیەتو ئاهەنگەکیٛ مپاریٛزنا. سپاسو پەنەزانای پەی گرد و ئا گوڵپیا کە هامکاریٛ بینیٛ جە لوایڕاوە ئی ئاهەنگیٛ.

 بەڵێ پەی ئاوەدانی و سەربەرزی دەگاو گوڵپی

                                              ئەنجومەنو دەگاو گوڵپی

                                                          د. ناجح گوڵپی

                                                              18/3/2022

 dotnet
Load More In هەواڵیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

کتیٛبو (مانائەشناسای و مەبەستئەشناسای- سیمانتیک و پراگماتیک) چاپ و پەخش بی

کتیٛبو (مانائەشناسای و مەبەستئەشناسای- سیمانتیک و پراگماتیک) چاپ و پەخش بی تازەتەرین بەروی…