یانە گردین چەنی کیٛ هوٙرزی و منیشی؟

چەنی کیٛ هوٙرزی و منیشی؟

16

چەنی کیٛ هوٙرزی و منیشی؟

فرە زامەت نیا و ویرەو کەردٚەی قووڵشیچش گەرەک نیا. سەبریٛوو دویٛ فویٛ. ماچا: ئەگەر چەنی عەتر ورەشی هوٙرس و نیشت کەری لیباسەکیٛت بوەو عەتر و گوٙڵاوی مدٚا و ئەگەر سەرو دوکانو ئاسنگەریەو بنیشیەرە چانەیەنە کە جلەکیٛت وڵەشا بوٙنە! مەزانی چی ماچا کەسایەتی هەر کەسیٛوی میانگینو کەسایەتی ئا پەنج کەسیەنە کە فرەتەرین ئاموٙشوٙشا پیٛوەرە هەنە؟ دەیجا ئەگەر چامنە بوٙ پەنەوازا تا سەرو ئانیشاوە کە نزیکیٛمانیٛ فرەتەر ویر کەرمیٛوە و بە پاریٛز هەڵس و کەوتشا چەنی کەرمیٛ. ئەگەر تا ئیسە نەزانانما و ئاگاداریٛ نەبییٛنمیٛ، با ئیسەولای بزانمیٛ و فرەتەر هوٙشما لاو ویٛماوە بوٙ. ئاها فارس ماچوٙ:

تو اول بگو با کیان زیستی

پس آنگە بگویم کە تو کیستی

 دەی خوٙ هەورامیچەنە هەن بەڵام دالیٛو گوٙلا و بنیادٚم خرووکش میٛوەنە واچوٙش و تەرسوو کەردیٛم کەشەوری: نە شیٛتی…! قەدٚیما واتەن کابرا پەوکەی ژیرا دیواخانەنە گەورە بیەن. ڕەنگا ئەگەر تاتەو ئەمیر کەبیری چاشتکەرو پاشاو قاجاری نەبیایا، هەرگیز ئا پیاشە چەنە هوٙرنەکەوتایا. ئەگەر مەجبوریٛنمیٛ کە چەنی ئادٚا و تاتەو واڵەو برا و هامسەر و زاڕوٙڵەیما ژیومیٛ و ڕەنگا جە دنیای دیجیتاڵو ئاروٙیچەنە فرەیچ مەجبووریٛ نەبیمیٛ و بڕیٛو وەختا لازما تا بازیٛو ئەچی ئازیزایچە قرتنمیٛ و کەمتەریٛشا کەرمیٛوە، خوٙ متاومیٛ جە هوٙرچنیەی دوٙس و برادەریمانە دەس بە گوٙچان و وردٚتەر جممیٛوە، هەر وەرو ئانەی بیەیشا هەم وەشیش هەن و هەم مسیبەت. هەم متاووٙ خاس و هەم متاووٙ خراب بوٙ. بەڕاسی هوٙرچنیەی ڕەفیٛقی و هامکار و هام هەرمانی سەلیٛقەش گەرەکا. یوٙ ماچوٙ تا وا پەنەتا هوٙرسوڕیوٙ ئەچی تەحرە بنیادٚما دووری کەردیٛ:

-کەسیٛو کە پەشتەو سەرەو خەڵکیەو قسیٛ کەروٙ.

-کەسیٛو کە پەی شمە قوٙرب و ئەرزش نمەنیوٙرە.

-کەسیٛو کە ناهمیٛدٚیٛتا کەروٙ.

-کەسیٛو کە بەخیٛڵیتا وەنە بەروٙ.

-کەسیٛو کە هەیتا هەیتا خەبریٛ گولیٛتا مدٚوٙپەنە.

-کەسیٛو کە گوٙلانە تەماشەتا کەروٙ.

-کەسیٛو کە هەق و ناهەق بەهانیٛتا وەنەگیٛروٙ.

-کەسیٛو کە کتیب نموانوٙوە.

وەلی فەتاحی  9/11/99

 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

شوشمیٛ و نەوسوڎە تا روانسەر چەنی کاک ولی فتاحی نویسەر و محقق

شوشمیٛ و نەوسوڎە تا روانسەر چەنی کاک ولی فتاحی نویسەر و محقق ▫️سلام پەی ڕوحو کاک ولی فتاحی…