یانە پەیلوای سەرنجێوی کۆتا سەرو فەرمایێشەکاو وەزیرو رۆشنویری هەریمو کوردستانو عێراقی، کاکە حەمەو حەمە سەعیدی جەبارەو گۆران و هەورامانیوە.

سەرنجێوی کۆتا سەرو فەرمایێشەکاو وەزیرو رۆشنویری هەریمو کوردستانو عێراقی، کاکە حەمەو حەمە سەعیدی جەبارەو گۆران و هەورامانیوە.

84

سەرنجێوی کۆتا سەرو فەرمایێشەکاو وەزیرو رۆشنویری هەریمو کوردستانو عێراقی، کاکە حەمەو حەمە سەعیدی جەبارەو گۆران و هەورامانیوە.

یاگێ وەشحالینه دماو چنده وەختێ جه کۆچی دمایینو مامۆسا عوسمان محەمەد هەورامی شارو هەلەبجەینه یادمانیه پەی کاکه حەمەی که پێسەو شاعیریه یاگەپا و شۆنماو وێش پیسەو رچەماری جه شیعرەی تازێ هەورامینه جیا ئاستەن کوڕیەش پەی گیریان. ئینه یاگی پەنه زاناینه و دەس وەشی جه راوەبەراو ئا دیداریه مەکەرمێ.
ئەچی کوڕەنە کەسانیە بەشداریشا چەنه کەردەن به تایبەت کاکه حەمەو حەمه سەعیدی پێسەو وەزیرو رەوشنویری و لاوانو حکومەتو هەریمو کوردستانی. ئینه کە کەسیه جه مەقامو وەزیرینه جه مەراسمو شاعیریه هەورامانینە بەشداری کەرۆ یاگی حورمەتی و پەنە زاناینه.
کاکه حه مه دلێو فەرماییشەکاشەنه هوشدارش دان که دسیه پەنامەکی هینا کارەنه که گوایا گەرەکشانەن گۆران و هۆرامانی جه کوردی بڕنانێره وەلێ ئیشارەش ئەپا کەسانه و کارەکەیشا نەکەردەن و نەفەرماوانش که جه کام رایوه گەرەکشانە ئی کاریه کەرا.
ئەڵبەتە یاگێ داخێنه کەسیه پێسەو کاکه حەمەی که سن و ساڵیەش چەنه لوان و فره تا کەم دلێو روداوەکاو ئی دەورانینه بیەن دێر پینەیه یاوان که دسیه هینا کارەنه پەی بڕیەو گۆران و هەورامی جه کوردی و یا ئەگەر زانانش، کەمتەرخەمیش کەردەن و بۆنەو مولاحێزەکاریوە وەرو وێش گێرتەن.
ئیسه پەی ئانەیه کارەکه جه ایبهام بەر بەینە و پیسەو فارسی ماچو: کسی دنبال نخود سیاه نگردد و کومەکیەما کەردە بۆ به فەرماییشەکانو ئادی، بڕیە ئەچا دەسانه و کارەکاشا که گۆرانیشا جه کوردی ترازنان و مەتڕازنا و مە‌ڕناره مەوزمی ڕوه تاکەتێ ئا کەسانە حەز مەکەرا و مەتاوا سەرشاوه په یجۆری کەرانە:

  1. ئەوەلین کەسیه که هەورامانش جه کوردی ڕنیەنەره شەرف خانی بەدلیسین که به نویسیەو کتیوو تاریخو شەرەفنامەی که یۆ جە تاریخە موعتەبەراو کوردین و دلێشەنە به هیچ جوریه نەکەوتن توخنو هەورامانی و نامیەش چوەوە نەوەردەن. هەرچنده روەدای دەورەو خان احمد خانی و هەڵوخانیش ئاوردێنێ و سەلاتینو هەورامانی وەر جه ئەردلانیەکان حکومەتداری وێشا دەس پەنه کەردەن و قەتل و عامو قەڵاو هەورامانی به دەسو خان ئەحمەد خانیچ روەش داینه بەلام تاریخو شەرەفنامەی ئەچا بارەیچوه بێ دەنگه ن و سکوتش کەردەن.

۲. تاریخو کورد و کوردستانی نویسیاو ئاغەی رەمزی کەزازی که ئادیچ به نوبەو وێش هەر پاجوره نه به خاس و نه به خراو ویش نەدان توخنو هەورامانی و گورانیرە.

۳. کتیبو دیداری شیعری کلاسیکی کوردی که ئادیش به نوبەو وێش هیچ کە نامێ شاعیریه گۆران و هه ورامیش نەوردێنه و پاسه رازیانوە که وەلاتو هەورامانی و گورانینە شاعیریەش چەنه نەویەن و نیەن. فرە کتیوێ و فرە چێوێ و فرە کەساتەری هەورامانشا رنیەنەره:

۴. ئا کەسانه که ناستشا دوکتور موحەمەد ئەمین هه ورامانی جه بیارینه مەکتەبیە پەی واناو زوانه باستانیەکاو ایرانی بنیوره چونکه زانینێ زوانی گۆرانی ریشەش مەلوه سەرو ئا زوانانه و زانێنێ زیندەوه کەردەو زوانو گۆران هەورامی خەتەریه گەورەن سەرو زوانی کوردی و ئا تاریخە کە پەیشا سازنان و وەشا کەردەن.
۵. ئا کەسانه و ئا مەسئولانه و ئا کارمەنده هەورامیانه جه ئێران و عیراق و هەریمەنه پۆست و مەقامشا هەن و ئەگەر کەسیه هەورامی راش بگنۆ لاشا یا وێشا مەشاراوه یا به جوریه حاڵیش مەکرا که ویش نەگەوجنۆ و هەورامی قسی نەکەرۆ چون کەسرو شانو ئادیشانه ن.

۶. ئا کەسانه که دەگا و شاره گۆران زوانەکانە نمازا مامۆساکا و ئیمام جمعەکا به هەورامی خوتبه بوانا و وادارشا مەکەرا به زوانی کوردی قسی کەرا و مەردومەکەی حالی کەرا.

۷. ئا کەسانه که نمازا تابلو سەرو دوکانو هەورامیەکان بە زوانو وێشا بۆ.

۸ . ئا کەسانه کە سەواد و بێ سەوادشا ئەگەر سەد ساڵێ هامسایت با جاریه حازرێ نمەوا و نیەنێ چەنی تو یەک کەلیمە به زوانو تۆ، وەش و تشیت چەنی کەرا و ماچان کاکه ئیمه له زوانی ئیوه تێ ناگەین.

۹. ئا کەسانه که میدیا و رادیو و تەلەویزیون نمەوزا ئیختیارو مەردوموو هەورامانی.
۱۰. ئا کەسانه کە جه مەدرسه و مەکتەب و دانشگانه جه وانای و نویسەی بە زوانی ئەدایی بێ وەریت مەکەران و….

ئینانه و دنیایەتەر چێوێ تەری زاهێرو ئا دەسه پەنامەکینێ که گۆران و هۆرامانشا جه کوردی ڕنیەنەرە و هەرپاسە دەسه پەشتینەکاشا که ئێمه خەوەرما نیەن و شایەد کاکه حەمەو حمە سەعیدی خاستەر و فرەتەر ئاگاه بۆ و ئیمەیچ حەز مەکەرمێ بشناسمێشان.
جا ئیسه کاکه حەمه جه مەقاموو مسئولیەت و دڵسوزینە ئەگەر بتاوۆ جە هەر کامو ئا دەسانە و وەربەسانە کەموه کەرو و یا ئەچا بارەوە رۆشنگەری کەرۆ ئاوەخته کومەکیە گەورەش کەردەن به چارو قەزیەکی و پا جۆرە بەشیە وەرچەم جه دەرد و رەنجو گۆران زوانەکا و مەردومو هەورامانی کەموه مەکەرۆ و هەرپاسە ئا وەختە مەعلووم مەونە ئا دەسانە کێنێ و چکارێنێ و هەدفشا چێش بیەن و چێشەن.
سنە. حمەشەریف عەلیڕەمایی. 8/8/1400

 dotnet
Load More In پەیلوای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

گیٛڵیاری جە هەورامانەنە،قازانج، یام وەریٛژ؟

گیٛڵیاری جە هەورامانەنە،قازانج، یام وەریٛژ؟ چیٛویوی ئەوەنەشاریان قازانج بیەن بە تەوەن بنەڕ…