دیڎارو ماموٙسا عوسمان هەورامی ملوٙڕاوە
دیڎارو ماموٙسا عوسمان محمەد هەورامی پەی ئەدەبو هەورامانی سەوای ڕوٙ شەممەی 30/10/2021 ، شارو هەڵەبجەینە ملوٙنە ڕاوە. دیڎارەکە ماوەو ڕوێ مەخواینوٙ، سات دەو بەیانی دەس پەنە مەکەروٙنە و چوارو دما نیمەڕوٙی متەمامیوٙنە.
ئی دیڎارە گلیٛرگاو مارگرێتی ڕیٛکوستەن، چیٛرو چەمڎاری وەزیرو ڕوٙشنویری هەریٛمو کوردەسانینە. چی دیڎارنە چندە جوٙیای(وشکنای) زانستییٛ پیٛشکەش مەکریانیٛ سەرو ئەدەبو هەورامانی، بە بەشداری نویاسەرانو ئیدیم و ئەودیمو هەورامانی.
گلیٛرگاو پەروەردیی مارگرێتی تایبەتەن بە هەرمان و کاری پەروەردەیی، ماموٙسا عوسمانی ڕەحمەتی کەسێوی بە توانا بیٛ جە ویارو پەروەردەینە، بەتایبە پەروەردەو زاڕوٙڵانە، هەر پی بوٙنەوە ئی دیدارەشان ڕیٛکوستەی پەی ڕەحمەتی.
یاگیٛ: هەڵەبجە، هوٙڵو موٙنوٙمێنتو شەهدانو هەڵەبجەی
سات: دەو بەیانی تا چوارو ویٛرەگای
ئامای پەی گردین
ئامادەکەردە هەواڵی: وەڵاوگاو هەورامانی
