وانەراو ئەدەبیاتی ڕەخنەیی چەمەڕاو بەرهەمی تازەی بیدیٛ
کتیٛبێوی ئەدەبی- ڕەخنەیی و تیئوٙریکی سەروو شیٛعرەو ئاروٙو هورامانی ئینا ڕاوە:
هوٙرزانە: زەنجیرە باسیٛ تیئوٙریکی- ڕەخنەییٛ شیٛعریٛ سەردەمیانیٛ هەورامی
نویسەر: عادڵ محەمەدپوور
ئی کتیٛبە سیٛنزەهەمین بەرهەمو دماو تەرحیٛ و چەکەریای و چراوکەی؛ چوارەمین کتیٛبو ڕەخنە و شیکاری نویسەرین کە حەوزەو شیٛعرەی هورامییٛنە منویسیوٙ و پیٛشکەش بە کتیٛبخانەکەیما کریوٙنە. تەوەرش ڕەخنەی ئەدەبی و وینگای تیئوٙریکی و شیکاری شیٛعریٛ سەردەمیانیٛ هەورامین. دەراویٛ سەرەکییٛش شیٛعرەی ئازادٚە و غەزەڵەی ئاروٙیانیٛنە. ئی کتیٛبە جە پەنج کاویٛ(فصل) و ویس و یەک بەشیٛ جیاوازیٛ و یوٙ شوٙنەو یوٙی دلیٛنەیی و ٢٢٣ لاپەلیٛنە، قەوامش گیٛرتەن. چی بەشانە سەرو فەلسەفەو دەقە شیٛوازخیٛزنەکا، فوٙرمی هونەری، تەجروٙبیٛ تازیٛ، هونەرسازیٛ دەقی، شیکاریی بوٙتیقایی نمونیٛ هەر دوی جوٙرەکا؛ ئازادٚە و غەزەڵە باسیٛ فەننییٛ کریاینیٛ و ڕادەی زوانی، ویری و ئەدەبیشان دیاری کریان.
ئی کتیٛبە مەریوان لاو پەخشکاریی ئەوین چاپ و وەڵا کریوٙوە
پاڵپەشتیی ماڵیش سننوٙقو پاڵپەشتی جە نویسەراو هەورامانی(واران) جە پاوە بیەن.
