یانە ئەدەب و هونەر تا کەی تەنیا عەیبەکا وینمیٛ

تا کەی تەنیا عەیبەکا وینمیٛ

56

تا کەی تەنیا عەیبەکا وینمیٛ؟

دنیای کەرە دەمو «فەتە» یەرە هەرگیز سیٛرواردٚەیش پەی نیا. هەواڵو قەدٚر شناسی و چەم پوٙشی هەر نمەزانوٙ. ڕیشەت بەر نیٛ کوٙڕ. خودٚا نەکەروٙ عەیب و ئیرادٚیٛو جە یوٙی وینوٙ، هەر پیٛسەو گەنیٛ لکوٙش پوٙرە و وەرش نمەدٚوٙ. خوٙ چوٙڵ و ئاوەدٚانیچش پەی نیا. ویٛش جە ڕوٙنە سەدٚ سەهویٛ و خەڵەتیٛ کەروٙ، هەر مەرەجیوٙ ئادٚا. «عەبە» ئا کوٙچیٛو دەمکوٙتش دەو. بە خودٚا ئەو ئانەی پشوٙ، توٙیچش بوٙڕ دابی. با داستانەو تووتە توٙپاکەی و حەزرەتوو عیسایتا پەی گیٛڵنوە، ئەوەڕوٙ ماموٙسای نماو جمعەیەنە گیٛڵناوە، درویٛم پەنە مەدٚە فەتەیچ چا بیٛ، لوا بیٛ سەفەو ئەوەڵی، خەریک بیٛ بلوٙنە میٛحرابەکە! بەڵام ئادٚ ئەپی گوٙشیش مژنەووٙش و پەویشا بەرش کەروٙ، یاسین پەی …وانایا!

ماچوٙ ڕویٛو حەزرەتوو عیسای یاگیٛوەنە گوٙزەر کەریٛ، چەمش کەوت کوٙمەڵیو خەڵکی کە تەماشەو چیٛویٛوی کەریٛنیٛ. عیسا لوا وەرتەروٙ تا بزانوٙ ئانە چیٛشا کە چەمشا بڕیەیەنە. وەختیٛو یاوا لاشا، مدٚیوٙ تووتیٛوی توٙپان و هەر یوٙ بە تانە و تەشەرەو چیٛویٛوش پەنە ماچوٙ و عەتەبیٛوش وەنە گیٛروٙ.

یوٙ ماچوٙ: چە حەیوانیٛوی بیٛ قوٙرب و قیمەتا هەر پەی توٙپای خاس بیٛ.

یوٙتەر ماچوٙ: هەرکەسی کوٙشتەن دەسیٛش نەناڵا، تووتەم نەدٚیەن ئنە بەدٚ تەشک.

یوٙتەر ماچوٙ: ئەی مەزاندیٛ تووتە سپڵوٙتا، دەی چیٛوی سپڵوٙت توٙپایش خاسا تا مەنەیش.

خوٙلاسە، هەر یوٙ بە لەونیٛو دەمش پەڕ کەردٚ جە خرابی و جە بیٛ کەڵکی تووتەی. عیسا ماچوٙ: خودٚا دەوامتا بدٚوٙ، یانیٛ شمە ئەچی تووتەیە چیٛویٛوی زەریفتا چەم پەنە نەکەوت. ئەی چی مواچدیٛ ئا ددٚانە چەرمیٛ کە ئەجوٙ سەدەفا، چیٛشیٛنیٛ دەمشەنە. وژدانەنە تا ئیس چیٛوی ئەپا چەرمەیتا چەم پەنە کەوتەن؟

ئیجا خەڵکەکە ماتیٛ و متەییٛریٛ مەنیٛ و لوای فکریٛرە کە بەڕاسی عیسا ڕاس ماچوٙ و ئادٚی جە کوٙمەڵگانە پاسە فیٛریٛ بییٛنیٛ کە تەنیا زەڕەتاڵیەکا وینا و ئەگەر ئەحیانەن زەریفییٛویچشا چەم پەنە کەوت، کەراش چیٛرو لچاوە و نەتەنیا نەواچاش کە ئینکارش کەرا! عیسا کە زاناش مەردٚمەکە لوان دلیٛ ویریٛوی قووڵیەرە، ئیدامەش دا و ماچوٙ: ئانە چی ئیٛمە پاسە فیٛریٛ بییٛنمیٛ کە هەر نوٙقسانیەکا و سەقەتیەکا وینمیٛ، ئانە چی پاسە فیٛریٛ بینمیٛ کە ئەگەر یوٙ جە ئیٛمە گەرەکش بوٙ هەرمانیٛوە کەروٙ، ئندٚە ئیرادٚیٛش وەنە گیٛرمیٛ و پەشوٙکنمیٛش کە نیمە و نیمەچڵ مازوٙش جیا. ئانە چی هەتا زلیٛ بیمیٛ گوٙلانەتەر ویر کەرمیٛوە. ئانە چی ئەگەر یوٙما گەرەکش بوٙ پڕوٙ، باڵیٛش ماڕمیٛ و پەلیٛش کەنمیٛوە. ئانە چی پاسە فیٛریٛ بییٛنمیٛ کە تەنیا عەیبەکا خەڵکی وینمیٛ. شەڵڵای بەشەڵڵال نیمەو ئانەیە کە عیبەکا دەور و بەریەکاما وینمیٛ، هوٙشما لاو عەیبەکا ویٛماوە بوٙ. بەڕاسی نیمەو پەڕوو لیوان دیەی نیشان جە گەورە بیەی ئا بنیادٚمانە کە گەورە ویر کەراوە و نیمەو هاڵیش دیەی، ئانەیە مرمانوٙ کە ئا بنیادٚمە چندٚە گوٙلانە و قەتیسا. با تەنیا چەمما عەیبەکا خەڵکیەو نەبوٙ، با حوٙسنەکا و قابلیەتەکایچ وینمیٛ. باوڕ کەردیٛ هیچ کەس پیٛسەو فەتەی نمەتاووٙ بزڵیٛ وەی کەروٙ و موٙمنوٙ. چەمم ئینا چەو ساحبانی تووتەکە چەنی میٛ پیلا و پەولاشەرە، هەر ئانە نیا ماچش کەروٙ. خودٚا بیٛوەیت کەروٙ ڕوٙڵە گیان، ئاخ کوٙچیٛو گوٙش گیر بیاینی و خرابەو خەڵکیت نەواتایا و خاسەکیٛت پاکیٛ نەکەردٚاینیٛوە، ئیٛتر پرگت نەبیٛ چەنە.

دەی وەڵڵا هەر کەس تووتەو من کوٙشوٙ، شکاتش کەروو، خوٙ خاس خاسیچ مزانوو، کەس پەی شکاتوو تووتە کوٙشتەیچ مەپەرسوٙوە! ماچا دەی تووتە چیٛشا، هەر پەی کوٙشتەی خاسا. ئەوەروٙ ماشینەکەو شارداری پەڕ بیٛ تووتیٛ. جەمیٛشا کەردٚیٛبیٛنیٛ مەزانوو پەی کوٙگەیشا بەردٚیٛ.

وەلی فەتاحی

99/10/9

 hewraman
  • ئەوەڵ شەو

    ئەوەڵ شەو دریٛژەو بەشو دووەمی چەنی بەشو ئاخری. حەمە وەیوە ماروٙ یانە! جە بەشو ئەوڵیەنە وات…
  • ئەوەڵ شەو

    ئەوەڵ شەو حمەڕەزا بەهمەنی ئازیزا؛ ئی داستانو حەمەیە دلیٛ کوٙمەڵگاو هەورامانیەنە روەش داینە…
  • من می گویم «انف» تو نگو «انف»

    من می گویم «انف» تو نگو «انف» وەلی فەتاحی ئیجازە ئاقەی موٙعلیٛم. وەشڵەی ڕاس ماچا ڕویٛو موٙ…
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

شوشمیٛ و نەوسوڎە تا روانسەر چەنی کاک ولی فتاحی نویسەر و محقق

شوشمیٛ و نەوسوڎە تا روانسەر چەنی کاک ولی فتاحی نویسەر و محقق ▫️سلام پەی ڕوحو کاک ولی فتاحی…