یانە گردین مەسەلیٛ هەورامییٛ …تڕ

مەسەلیٛ هەورامییٛ …تڕ

7

مەسەلیٛ هەورامییٛ …تڕ

ئیجارە مەلمیٛ خزمەتو بڕێ (ئیدەم ediom)ان، دەربارەو(تڕ)ی، پەڕچینێ قایم بوٙنە ڕوەتانە، ئیدیەم، یانی قسیٛ توکڵداریٛ، یانی قسەکیٛ پیٛسەو واتەکیٛ نیەنیٛ هەکە ماچینەش، چیٛرۆ مانێوە تەرەش هەنەن، مەشوٙ هاگاڎاریٛ بیمیٛ، ئیدیەمی جە مەسەلیٛ(واتیٛو وەرینان) جیا بکەرمیٛوە.

  1. تڕ ئاما پاوەرێوە نمەمدروٙوە: بڕێ هەرمانێ مەیان وەەرۆ دەسەڵاتو کەسیشا نمەمەڕیۆ ملەرە پەرچیٛ نمەدریاوە و دەسەنە بەر مشانە، یانی توٙ نمتاوی کوٙنتروٙڵشان بکەری.
  2. تڕلەو ویٛم و تسلەو ویٛم: سەرەت کز بکەری پەی ویٛت یانەو ویٛتەنە هەقو هیچیت نەبۆنە، دنیا ئاوی بەرۆش فیفییٛت بێ وەنە، یام حەز نمەکەری هیچ کەس بە هەرمان و کاریت بزانوٙنە، سڕ پوٙش، بیٛجگەم ویٛت. کەس بەسڕو تڕیش نمزانوٙ.
  3. بەهانیٛ تڕی نانی یەوینا: وەختێنە هەرمانێ ناجۆرە و خراپە مەکەری یام دەستەنە بەرمشوٙنە، مەکەریش خەتاو فڵانە چیٛوی. نانی یەوین قەوەتەن جە نانی گەنمینی پەوکای ئینەشان نیان مل.
  4. تڕیٛشا بڕی: یاگیٛ ویٛشەنە سەرکوتشان کەردو هەرمانەکیٛش پەکەش کەوتە، تەک و جمشان بڕی. یام تڕیٛم بڕی، یانی بەهانیٛم بڕی.
  5. تڕان دمو هەریرە: یانی ئاوڕوش شی، هەرمانەکیٛش قۆڕە بیٛ و ئاماوە چیٛرو سفری.
  6. تڕ زل: بەکەسێ ماچا هەکە ویٛش بە زل بزانوٙ، لوتە بەرز.
  7. تڕیٛش بە پیک نمەمەڕیا: یانی کەسێ ویٛ بەزل زان”ویٛش گیٛرتەن گەزو نیمێ هەڵاوە
  8. تریٛش لوێنیٛ و تسیٛش مەنیٛنیٛ:کەسێ یام دژمنەکەیت، وەرانوەرکەیت جە کیٛوەڵکیٛنە ببەزنی و خەریکبوٙ تەمام تەختو زەمینیش بکەری ئانڎە قەوەتش پەنە نەمەنبۆ،مەواچیٛ تڕیٛش لوێنیٛ، تسیٛش مەنیٛنیٛ، یانی قەوەتو ئەوەڵیش پەنە نەمەن.
  9. تڕو دماییش داوە: یانی فرە مانیان و ئتر هیچش پەنە نمەکریوٙ تەواناش نەمەنەن، هام ماناو وەڵینین.
  10. ئی تڕکەڵەکە سەر نمەگیٛروٙ: هەرمانیٛ بیٛسەرو وەریٛ، فرە ساحیبیٛ، فرە پەیلواییٛ یاگیٛوەنە سەرنمەگیٛران، چون فشوٙڵیٛ و ناهیٛقم ،گۆترەییٛنیٛ، سەرو بنەڕەتی هیقمی و ژیرانەی نەبڕیێنیٛ.
  11. تڕیٛش نمازا تسیٛش بەربشا:کەسێوە وێش بەقۆزبزانۆ، بە فیز بلۆ سەرو زەمینیرە، لوتەش پەی عاسمانی بڎیوٙ، ویٛش بەزل بزانوٙ، عەزەمەتش زلەن.
  12. تڕیٛش تڕیٛ نیەنیٛ: یانی فیز و هەواش هەر فرە زلەن، تڕیٛش شاتڕیٛنیٛ.
  13. تڕیٛ زلیٛو قننەی هاڵیە: کەسێ کە دەمی هەراش و قسیٛ زلیٛش ببان و کەردەوەش نەبوٙ پاڵشانە.
  14. تڕێ چیاش پەی ئاستۆ: یانی هەرمانەکیٛش پەنەکەرد، پەنڎەکیٛش پەنەدا و هیچ هەقیچش نەبی سەرۆ، کابرای داماگ هیچش دەسگیر نەبی.
  15. تڕبڕو قسەکەری قسە نەکەردەیا: وەختێ کەسێوە قسیٛ تاڵیٛ و ناشیرینیٛ وەراوەرت بکەروٙ خاستەر پاسەن کە جوابش نەدەیەو، چی کاتنە ویٛت بە هامشانو ئاڎی نمەزانی.
  16. تڕ کەنوٙ پەرزەوانش مدوٙ وەر: بە کەسێوی ڕەزیلو چەکلی مەواچان.
  17. توٙکڵو تڕی گیٛروٙوە: یام توٙکڵو تسی گیٛروٙوە، کەسێوە رژدو چەکل.
  18. تڕ حێو: وەختێ هەرمانیٛ بە لارو ویٛری مەکەران، یام مەکوٙشی هەرمانێوە بکەری وەلیٛ نەتاوی، مەواچات پەنە تڕ حێو. یام قسێوە سەیرە و سەمەریٛ بژنەوی مەاچی تڕحێو، کە ئەچیٛگەنە پسەو ئامرازو سەرسامی بەکار مەیوٙنە.
  19. پیٛسەو تڕو بنەو گومیٛ لوا: کەسێ یام چیٛوێ بیٛسەروشوٙن بلوٙ و گم ببوٙنە، یام ڕاو هیچیٛرە ویٛش بڎوٙنە کوشتەی.
  20. تڕوٙ ئیجا عننە فشاروٙ: هەرمانەکیٛ دەسشەنە بەرمشوٙ ئیجا ویرش مەگنۆوە، یانی چیٛوێ هەرمنێ یام فرسەتێ خاس دەستەنە بەربشوٙ ئیجا بواچی ئەی مەرگ بەخوا دەسمەنە بەرشی.
  21. دماو تڕیٛ خەمشیٛ بڕی: دماو تڕای عننە فشارای.
  22. پەڕو تڕات قاچیٛ بکیٛشەرە: یانی ئیسراحەتو ویٛت هوربگیٛرە.
  23. بە تڕیٛ حمام گەرم نمەکریوٙ: یانی گرد هەرمانێوە دەسینەو پەنەوازو ویٛش گەرەکشەن هەتا پوٙڕنیش، توٙ هەکە دەرەقەتو هەرمانە سەختان نمەی نمەبوٙ پڕینە دلیٛش بواچی مەکەرونەش.
  24. پیٛسە هەری تڕوٙ: یانی کەسێ بیٛئەقڵ و قسە نەزان، دەم هەراش، چەنەباز، قسەکیٛش یاگیٛ نەگیٛران. یام مەواچی کابرا تڕنەن، تڕکەنەن.
  25. ڕەگو تڕاش گیٛرتەن: یانی یاگێوە هەستیارەش کەوتیٛنە دەسو دژمنەکەیش،ن ەیارەکەیش، ئتر جوڵەش بڕیەن، پەی نمونەی خاڵەو لاوزی بگنوٙنە دەسو نەیارەکەیت، توچ نەیاری جوڵە بکەری، وەروئانەی نەواچوٙنەش بە خەڵکی تەری.
  26. ئیٛڎ تڕا ئاڎ بەر پڕا: یانی ئیٛڎ ئەو فڵانە کەسی ڕەحمەتی مشوٙ هەکە ئامان یاگیٛش، ئەو لوان ئیٛڎ ئاوٙمان، عەینو یوٙینی.
  27. ئا تڕە پەنەش بیٛ کەندش: یانی قسیٛ وێش کەردەش، ئانە دڵشەنەبیٛ واتش.
  28. تڕ براو تسیەن: یانی کەسێ خراپ ئەکید براکەش خراپ بەرمشۆ، دز، دروٙزن،پەروٙزن.
  29. تڕ بوٙ و کەوتەبوٙ دەمو بیٛگانەی: یانی خاڵەی لاوازەت بگنوٙنە دەسو دژمەنکەیت.
  30. تڕیٛش گوٙزەڵیٛ ماڕا: کەسێ تڕزل، تڕێش وەزی ماڕا، هەم تڕزل و عنوان زل.
  31. چەنی تڕو ویٛش جەنگ کەروٙ(گژیوٙ): کەسێوە کەم چیکڵان و توڕە.
  32. خێرو بێرش پەی خەڵکی و تڕو تسش پەی ئێمە: کەسێو یانەو توٙنە بنیشوٙرەو بوەروٙ وبوسوٙ و بدڕوٙ، وەلێ بلوٙ هەرمان و کار و مانیای پەی خەڵکی تەری بکەروٙ ، خەیرەش نەبوٙ پەی یانەو تاتەیش .
  33. تڕم دەرە ملوٙ، تسم دەرە: یانی کەس بە سڕ و تڕیم نمزانوٙنە.
  34. گردش تڕێ نماروٙ: جاری چامنە هەن فرە تەنگەتاوەنی، بەتایبە وەختو عەمەلیاتی خوا خواتەن تڕێ بکەنی، نمیاری وەرو تەقەڵەکان زوٙر بکەری، حەز کەری بیٛ زوٙر و پیٛسەو جارانی تڕێ بکەنی.
  35. بە دەتڕێ دەسو دیمش نمەمەڕیوٙ: کەسێوە ویٛپاو نماکەر و خوا تەرس.
  36. تسی دەس بڕیا: کەسێ گەرەکشەن تس بکەنوٙ، وەلێم ببوٙنە بەتڕە، پاسە مەواچوٙ.
  37. تەشپی تڕان: من بەتەمامی ماناو ئینیە نمزانو، وەلێم کەسێ کە فرەکویش، تیٛڵا تڕەن بکەری، پەڕو تەشپیێ تڕیٛ بکەنوٙ، پا کەسیە مەواچی تەشپی تڕانم کەرد.
  38. تیٛڵا تڕن: دلیٛ کۆ، بە تیٛڵا دەی وەنە.(تڕن: ڕیٛخەو چەمەو تڕنای)ین، بە تەشکو چەمەی نەویەری، چون چەمەی دەنگین، دەنگە سروشتیەکیٛ، هەکە تریچ یوٙ چانیشان، پیٛسە نامیٛ بکەریشان وەشە مەبوٙنە(تڕن، میاون، باڕن، حیلن).
  39. تڕەلەمان: یانی کەسێ لەمەش بماسوٙ و پەڕەبوٙ هەوا، یانی هەمیشە تڕن بوٙنە، تڕیٛ بکەنوٙ.
  40. ماچا کابرا مزگینە مەتڕوٙ پەی ئینەی نامیٛ بەرکەروٙ.
  41. سڕ و تڕ، تڕو تفاق، تڕو تایفە، ئینە جۆرێ قسیٛنیٛ بە ساختارو تاکید کەردەی بەکار مەیانیٛ، کە ماناو ئا واتیٛ مەبەخشانیٛ هەکە چەنیشان ئامێنە.
  42. دما قسیٛما بە واتێوی وەریناینی جە برا کاکەیەکانمان، وەرگی واتەنش( ساچمە تس و دەمانچە تڕمەن، دەس و قەڵماسن جەرگ و دڵ بڕمەن).

د.ناجح گوڵپی 16/10/2017… تازەئەوەکەردەی 9/11 /2020 چەنی یوەم وارانو پەڵەی

Image may contain: 1 person, closeup
 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

یاگە پاو شیٛعریٛ نەویٛ هەورامییٛ

یاگە پاو شیٛعریٛ نەویٛ هەورامییٛ نمەزانو ئی شیٛعرە یانزە بەیتییٛتا جە «شامی کرماشانی» وانی…