یانە زوان زوانت بوٙ هەندەنی، زوانت نەبوٙ مەردەنی

زوانت بوٙ هەندەنی، زوانت نەبوٙ مەردەنی

67

دماگیٛرو(انە) و (مان)ی

چی باسنە گەرەکمەن باسو ئی دووە دماگیران(دماوەچ) بکەرون، کە مەلانیٛ سەرو ڕیٛخە، قەڎو چەمەی و مەکەرانیٛش بە نامیٛ.

دماگیرو(انە)، هەرچنڎە ئی دماگیرە مەلوٙنە سەرو نامیٛ سادیٛ و یاوەرنامیٛ سادیٛ و مەکروٙنە بەنامیٛ و یاوەرنامیٛ ئەرەتاشیێ، وەلێم ئەچیٛگەنە لیشکی مەوزمیٛ سەرو ڕیٛخەو چەمەی، پەی نمونەی:

لەرزای: لەرزانە: لەرز ڕیٛخەو چەمەین، لەرز+ انە: لەرزانە، لەرزانە نامیٛ ملەوانیٛنە، هەم نامیٛ بەزمێ گورانیان.

پیمای: پیمانە، پیم ڕیٛخەو چەمەین، ئەسڵو واتەکیٛ، پیم + انە: پیمانە، پیمانەو ئەوسای هەورامانەنە کەوچە، تەوریٛزی، گەزە بیێنیٛ.

ئیٛژای: ئیٛژانە، ئیٛژ ڕخەو چەمەین، ئیٛژ + انە: ئیٛژانە، قیمەت، نرخە.

پەخشنای: پەخشانە، پەخش +انە: پەخشانە، یانی نەسری عەرەبی، پەخشانە نامیٛ کناچیٛنە، فرێوە جەکناچانو هەورامانی ئی نامیٛشا هەنەن.

دماگیٛرو(مان)ی مەلوٙنە دماو ڕیٛخە، قەڎو چەمەی، پەی نمونەی.

مدرای: مدرا قەدو چەمەین، مدرا+ مان: مدرامان، یانی ویٛپاو مدرای و وەرگە گیٛرتەی.

تەنیەی: تەنیمان: تەنی قەڎو چەمەین، تەنیمان: تەیمان، وەرو ئاسان واتەی زوان(ن)ش لابەردەن و تەنیا تەیمان مەواچوٙن.

نیشتەی: نیشت قەڎو چەمەین: نیشت+ مان: نیشتمان، یاگیٛ ئەرە نیشتەی، زوانو ئیٛمەنە دویٛ مانیٛش هەنیٛ، زیٛد و نیشتگا، چەنی نیشتمانو زاروٙڵەی.

ڕیٛستەی: ڕیٛس ڕیٛخەو چەمەین، ڕیٛس+ مان: ڕیٛسمان، یانی چیٛوێ هەکە پیٛوەرە بڕیٛسیوٙ، یام ماناو ڕستەی مەڎوٙنە،

واتەی، واچای: وات قەدو چەمەین، واتمان، واچای، واچ ڕیٛخەو چەمەین، واچمان.

سازای، سازنای: ساز ڕیٛخەو چەمەین، ساز +مان: سازمان، مەتاومیٛ بەکارش باوەرمیٛ، هەرپاسە ساختەی کە ئەسڵو چەمەکەین زوانو فارسینە هەن، ساخت قەڎو چەمەکەین، ساخت+ مان: ساختمان. ساختمان و سازمان یانی دروسنەو چیٛوەکەی.

کیٛشتەی، کیٛشای، کیٛشنای، کیٛشیای: کیٛش ڕیٛخەو چەمەین، کیٛش+ مان: کیٛشمان، کیٛشمان نامیٛنە ئەچی چەمەیە وەش مەبوٙنە. ئەوسا چوخو ڕانکی تازە کیٛشمان دیٛنیٛ، بەسیٛنیٛش تفێوە، وارۆ سەنگیٛش نیێنیٛنە، هەرپاسە وەریٛسەی تازیٛ بەنینە کیٛشمان دیٛنیٛ، ئیجا بە ئیدیوٙم واچیٛنیٛ کیٛشمانێوە فڵانەکەسیم دا، یانی تیٛڵاتڕنم کەرد تیٛر کوام.

دماگیرو(دماوەچ) “مان” دماوەچێ کوٙنەن خەریکەن کەمهازو ناچالاکەن، فرەو زوانە ئیٛرانیەکانەنە هەن، پسەو درومانی زوانو کوردینە هەن، فارسیچنە هەن، ئەگەر هەر واتێوەت ویرەنە برای هەمزوانم بنویسەش. قسێوە برا باجەلانەکانمان هەنەن مەواچوٙ(زوانت بوٙ هەندەنی، زوانت نەبوٙ مەردەنی).

د. ناجح گوڵپی، مسیارو تیلەی دوەمو زوانو ئینگلیسی، زانگاو هەڵەبجەی 31/10/20

 hewraman
Load More In زوان

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

یاگە پاو شیٛعریٛ نەویٛ هەورامییٛ

یاگە پاو شیٛعریٛ نەویٛ هەورامییٛ نمەزانو ئی شیٛعرە یانزە بەیتییٛتا جە «شامی کرماشانی» وانی…