یانە ئەدەب و هونەر فەتە فرە باوڕش بە وانای«ئانلاین»ی نیا

فەتە فرە باوڕش بە وانای«ئانلاین»ی نیا

65

فەتە فرە باوڕش بە وانای«ئانلاین»ی نیا
وەروو کروٙنای مەدٚرەسە تەعتیلا و فەتەیچ وەروو ئانەیە فرە جە کروٙنای تەرسوٙ، پەی ویٛش یانەنە نیشتەنەرە و بە گووشی چەنی مەدٚرەسەی و ماموٙسای و ماباقی زاڕوٙڵەکا پێوەندٚیش هەن. هەر وەروو ئینەیە داواش کەردٚە جە ماموٙسای تا داستانێوەشا پەی گێڵنوٙوە، بەشکووم تاوێو سەرگەرمێ با و چێوێویچش چەنە مسا. فەتە فرە باوڕش بە وانای«ئانلاین»ی نیا. ئەجوٙش لاقرتییٛنیٛ! چەولایچەو ناحەقش نیا، هەم خەتوو دەگاکێ ئادٚیشا خرابا و هەم ئێنترنێت زایێفا و هەم بڕێو جە زاڕوٙڵەکا گووشی عالشا نیا.
ماموٙسا ئی داستانیٛشە نیارە و داواش کەردٚە تا هەرکام جە مسیارەکا پەی جەلەسەی ئایەندٚەی پەیلواو وێشا بنویسا و بننیاشەرە.
ڕواسە بە شیٛرێوی ئاورای کە لاسش کیٛشیا بیٛ، ماچوٙ: توٙ هەری کوشە تا هەم ویٛت سیٛر بوەری و هەم منیچ پیٛشە و پەڵایێوم دەس گنوٙ.
شیٛر ماچوٙ: دەی چەنی کشوش، هوٙش و گوٙشش ئینا سەروو ویٛشەو و تازە میەی مەیتەرەکەیچش یاوا پوٙرە ئاوەختە هەڕەو کوٙگەی کەروو سەرەمەرە. تفەنگێو مدٚوٙ بنەو دەسیم.
ڕواسە ماچوٙ: فەرماوە گەرەکمانە سڵتانوو ویٛشەی هوٙرچنمێ. بێ گوٙمان توٙ هوٙرچنیەی. ئیجا کە هوٙرما چنیەی، بە هەری واچە: ئادەی شەجەرە نامەیت بوانەو پەیما؛ جەد ئەندەر جەد کیٛ بیەنی و کوٙڕوو کێنی و تاتەت کوٙڕوو کیٛ بیەن….ئاوەختە تا دەس کەروٙ شەجەرە وانای، پڕە کوٙڵیٛش و ئەمانش مەدٚە، تاسنەش. منیچ دماوە نەموو…
شیٛر ماچوٙ: باریکەڵڵا ماما ڕواس پەی هوٙش و گوٙشیت. خوٙ برا ژیری بە سەوادٚ داری و بیٛسەوادٚی نیا. چڕیش ئەو هەری و داواش کەردٚ تا شەجەرە نامەکەیچش باروٙ چەنی وێش و بوانوٙشەو. بەڵام هەری بابە ئاسای عەرزش کەردٚ: قوٙربان گیان من سەوادٚم نیا، هەر وەروو ئانەیە نەوڵاویەو و گوٙزەشتەیم فەراموٙش نەکەروو، مەرحووموو تاتەیم بە ناڵبەندٚی ئەسپاراشەرە تا شەجەرەنامەکەیم چیٛروو سموو دمایمەو بنویسوٙ. بێ ئەدٚەبی نەبوٙ جەنابت کە سەوادٚت هەن، بەش بوانیشەو.
تا شیٛر سموو هەریش بەرز کەردٚەو کە گوایا شەجەرە نامەیش بوانوٙوە، هەر پاسە لەقەش دا بەرەو دەموو شیٛری کە سی ددٚانەش کەوتێنە دەمش و لنگاوە قووچ بی و هەر پیٛسەو گروٙڵییٛ تل بیەو.
ڕواسە دویٛ پایش بیٛنیٛ دویٛ تەرش قەرزیٛ کەردٚیٛ و دەسش کەردٚ ڕەمای.
هەر ماچوٙ: ئانە کوٙگە بەرمشی ماما ڕواس؟
ڕواسە ماچوٙ: ملای ملوو پەی سەروو قەبرەو تاتەیم و دەسوەشیش چەنە کەروو کە ناسش بلوو مەدٚرەسە و وانای و نویسەی فیٛرە بوو، ئننا مەشیا من شەجەرە نامەکەو توٙم وانایاوە و تووشوو ئا دەردٚیٛ بیاینێ کە جەنابوو شیٛری تووشش بی. یاگیٛ شوٙکریش باقیەنە کە سەوادٚم نیا. مزانی بڕێو وەختایچ سەوادٚ خرابا!
بە ڕاسی با سەوادٚ بیەیچ بڕێو وەختا دەردٚیسەریٛش هەنیٛ!
بەڕاسی بڕێو جارا نەزانی فرە جە زانایی خاستەرا!
پەی جەلەسەی ئاینەدەی سەرشەو فرەتەر باس و باتوور کەرمیٛ. فەتە بە تایبەت توٙ مشیوٙ ئەچی بارەو پەیلوا و ویٛت بنویسی و بنیەیشەرە پەیما.
وەلی فەتاحی
99/6/24

 hewraman
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

    دماگیٛرو”نە”ی       ئەگەر سەرنجەو زوانو گوٙران- هەورامی بڎەیمیٛ مەوینمیٛ، …