یانە گردین پەی هونەرمەند حەمە هەورامی

پەی هونەرمەند حەمە هەورامی

72

 پەی هونەرمەند حەمە هەورامی

کاکە حەمە هەورامی، جە رۆ یەرەشەمەی ٤/ ٦/ ٩٩ پەی ئاخرین جاری، جەکۆساڵانی وکالیسەری، خواحافیزیش کەرد. بەڵام دەنگی داوودی و زوٙڵاڵش ساڵهای ساڵ کویستانەکانو هەورامانی، مەزرەنگانێوە، ئی هۆنەرمەندە وەشەویسە، جەماوەو عومری پڕ بەرەکەتیشەنە، دیفاعیٛ فرێش جە هونەرو گۆرانیا و هەورامانیش کەردە.

کاکە حەمە، نمونەو ئێخلاسی و شەرافەتو ئینسانیەتی بێ، هەر کەسیە تایبەتمەندیە ویش هەن، تایبەتمەندی کاکە حەمەی،سەخاوەت، مێمانداری، وەشەویسی و وەشگەرەکبیەی، دوٙس و رەفێقاش و…بە ئیزافەو هۆنەرمەندیە تەوانای، کاکە حەمەشان پێسەو کەسیە شاخسی جە کۆمەڵگانە، نیشانەشادابێ.

 ئەهمیەتو کارو حەر گۆرانی واچیە، جە چندە چێوێنە خۆلاسەوە مەووٙ:

یوٙ: ئینتێقالو هونەرو گۆرانی واتەی جە نەسڵی ویەردەیوە پەی ئیسەیە و بەرەو دماڕوی و ئینە ئەرکیە هۆنەرمەندانەو سەخڵەتەن کە کارو هەرکەسی  و هەرگۆرانی واچیە نیەن، کەسیە مەتاووٙ کەکارەکاش بە مەعیارو هونەری لەیەکدریاوە. حەمە هەورامی چی راینە بەسەرکەوتەی فرەو مەسەلەکان، دەسەڵاتی هۆنەریش سەروکارەکاوەبێ و چەوپەڕو تواناییوە کارەکاش بە ئەنجام یاونیٛ.

دویٛ: گۆرانیی دێفاعەنە جە فەرهەنگی، جە زوانی و جە هەورامانی پەی نهادینە کەردەیو نامیٛ هەردەکان، هەوارەکان، هانەکان،کەشەکان، رەوڵیە سەرەکی و دیاریش بیەن.

یەریٛ: نەزم دای بە کوٙڕو کۆنیشتا و بە مەراسما، پێسەو زەماوندیٛ، نەورێزی،گەشت و سەیرانی و… جەکوٙلەنە گۆرانیی جە شادی و شیوەن نەقشیە ئەساسی و سەرەکیش هەن.حەمە هەورامی جەگرد وەختێە ئەچی یاگانە، رەوڵیە وەرەچەم و دیاریش بێ. پی کاراوە کە جەکۆمەڵگانە بەردیٛنیٛش راوە و بە دەنگە وەشەکەیش هەتاهەتان کارە هۆنەریەکانش جە ویرو خەڵکی نمەشاوە وپیٛسەو هەساریە پەرشەنگداری جەئاسمانو هەورامانی مەدروٙشیاوە .

 روٙحش شاد و یادش بەخەیربوٙ

حمەشەریف عەلی ڕەمایی

 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

یاگە پاو شیٛعریٛ نەویٛ هەورامییٛ

یاگە پاو شیٛعریٛ نەویٛ هەورامییٛ نمەزانو ئی شیٛعرە یانزە بەیتییٛتا جە «شامی کرماشانی» وانی…