یانە ئەدەب و هونەر ماما خەیریٛ ئانیشانە کیٛنیٛ؟

ماما خەیریٛ ئانیشانە کیٛنیٛ؟

86

ماما خەیریٛ ئانیشانە کیٛنیٛ؟

_کامیٛ باوانم؟

 _ئانیشانە کە ئەپاسە شیوەن مەکەران و مەماڵان سەرەو ویٛشانەرە. ئەها دورەو دیاریٛنیٛ!

_چەمیٛم کەم حوکمیٛ بییٛنیٛ و نمەوینونەشان.

_جوٙریٛوەنیٛ پیٛسە بواچی غەمیٛوە گەورەشان بوٙ.

 _ئەهووو. ئانیشانە توشیارو موسیبەتیٛنیٛ.

_چە موسیبەتیٛوە؟

_ئانیشانە شەو و ڕوٙشان وەنە تیٛک شیەن. هەر ڕوٙیە هەنیٛ سەرو بەزمیٛوە. وەختو ویٛشەنە مەتاواشان هەرمانیٛ فریٛ بکەران پەریٛ ئەئی وەڵاتەیەو نەکەردشان. زاڕویٛ خەڵکی فریٛشان بەردیٛ لاڕارە و ئەئیسەیچە مەوینی ئەپاسە شیوەنو ویٛشان مەکەران. مەزانان کە فرەو چیٛوانشان جە دەس داینیٛ.

ئا زەمانە ئیٛمە جوانیٛ بیٛنمیٛ و خەریکو وانای و ئەوەوانای کەلامان و فەردانو گەورامان.ئادیشان دەشتەو شارەزوریشان دایبیٛ وەر و گاڵتەشان مەکەرد بە میراسیٛوە کە هەنمان و بیەنمان. ویٛشان تەیار کەردە بیٛنە و بە هەر جوٙریٛوە دڵشان مەواستش و مەیلشان بیٛ مامەڵەشان کەرد چەنیو ئەئی خەڵکیە. ئانە میراسمان بیٛ بەردشان پەی هامسەکەیشان. ئانیٛ تاڵان کەریٛ باخە نەمامان و ویٛران کەریٛ یانەی هەزاران ساڵەیمانەنیٛ. هیچشان بە هیچیوە ناستوە. ئەئیسە کە مەوینان چیٛشان کەردەن بە ویٛشان ئەپاسە نیشتیٛنیٛ چڕ و پوٙ ویٛشان و هەتاکو قامی قیامەتیچ سوکنایی دڵیشان نمەینە و پەیشان سەخڵەتەن. جوانانو ئاروٙیمان دیما و ودیم لاپەڕیٛ کوٙنیٛ مەوزانیٛوە جبەر و هەر ڕوٙیە بە جوٙریٛوە خەجاڵەتباریٛشان مەکەران.

_هەر کەسیٛوەبان، هەر چیٛوەشان کەردە بیەبوٙ دیارەن غەمیٛوە قوڵ هەن بەینو دڵیشانە و ئەپی زویچە سەبوریشان پەی نمەینە.

_ئەئینیشانە جە ویر بەرەوە و ویٛڵشان بکەرە با بتلیان بە دەرد و زامانو ویٛشانوە. هەر چیٛوەشان نەکەرد خانەشان نەئاوا. جە قەوڵو ئەمنوە مەژنوی هەر ئا ڕا کە گیٛرتەنەتان وەر دریٛژە بدەیدیٛ، میراسو ویەردەی زیندە بکەردیٛوە و چەنی ئاروٙی پیٛکیٛندیٛشوە پیٛوەرە. هەزاران هەزاران کەسیٛ ئەچامنیشانەیچ سەرو زەمینیوە بان نمەتاوان و نمەکریوٙنیٛ پەیشان میراسیمان بەرانیٛ لاڕارە. با بە دەردەو ویٛشانوە بان. ئەئی دارە بناوانە کە ئیسە ئیٛمە بنەشەنە سیاینمیٛوە، چندها ساڵیٛش ویاراینیٛ و بە زەحمەتو باب و باپیرانیمانوە یاوان پەنە و مەگەر خودا ویٛش بزانوٙنە ویەردەنە چندە زەحمەت و تەقالاشان دابوٙنە پەیش و ئیسە ئیتر ڕیشیٛش بەردیٛنیٛرە و هیچ کەسیٛوە نمەتاووٙن بن بڕش بکەروٙ.

چەمیٛم وازیٛ کەردیٛ. گردو لاشەیم فیسیابیٛنە هارەق و سەڵاتو سوبحی بوڵەنگوٙ مزگیو مەحەلیٛکمانش ئاردەبیٛوە سەرو دەنگان.

سەعدوڵڵا_خونخام (شەهریار)

 dotnet
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەجو دلیٛ شیٛعرەکانو شیٛخ ڕەزای تاڵەبانینە

شیکاری ئەدەبین سەرو شیٛعرەکانو شیٛخ ڕەزاو تاڵەبانی، بە قەڵەم و ئەندیٛشەو ئەسحەد هەورامی، ب…