یانە هەواڵیٛ هونەرمەنڎ حەمە هەورامی کوچی دماینش کەرد

هونەرمەنڎ حەمە هەورامی کوچی دماینش کەرد

208

هونەرمەنڎ حەمە هەورامی کوچی دماینش کەرد

هەواڵو کوچی دماینو کاکە حەمە هەورامی مازی بنی ئەژنەوی. ئاروٙ 25/8/2020 یەرەشەممە، تاقو بەیانیش هونەرمند کاکە حەمە هەورامی پەی دماجار یانە ئاوایش کەرد جە قەوم و خویٛش و دوٙسانش و جە هەورامانی و مازی بنی، گیٛڵاوە پەی یاگیٛ حەقەو ویٛش، ئا یاگیٛ هەکە گردمان مەگیٛڵمیٛوە پەیش.

محمەد حەسابی نامور بە(حەمە هەورامی) ئاروٙ، دماو ماویوی فرەگژیای چەنی نەوەشی، کوچی دماینش کەرد جە سنەنە، دماتەر تەرمەکەش ڕوانەو دەگاو مازیبنی جە ژاوەروٙنە ئەسپەردەو خاکی کریا.

حەمە هەورامی یوٙ بیٛ جە هونەرمەندە گوٙرانی واچەکانو هەورامانی، دەنگێوە زەراڵی، ڕەسەنی هەورامیانەش بیٛ، دەنگش زاڵبیٛ ملو گردو جوٙرەکانو گورانییٛ هەورامیێرە، هەر جە سیاوچەمانەیوە هەتا بەزمیٛ خاویٛ و شادیانیٛ و بەزمیٛ هورپڕای بەتەمامی واچیٛشان.

 کاکە حەمە چا وەختۆن هەن خزمەتو هونەرو گورانییٛ هەوارمییٛش کەردەن، چەنی فرەو گورانی واچەکانو هەورامانی گورانیێش واتیٛنیٛ، پسەو هونەرمەند عوسمان کەیمنەیی و ئوڎیشانی تەریچ، جە فرەو بوٙنەو ئاهەنگە بومیەکانو هەورامانینە ئامادەگیش بیەن.

بە خەم و پەژاوەرە ئاروٙ هەواڵو کوچو کاکە حەمەی هەورامی دوس و هونەر دوسیما ئەژنی، هەسارێوی پرشنگدارو ئاسمانو هونەرو گورانییٛ هەورامی ئاوا بی. بەنامیٛ وەڵاوگاو هەورامانی پەرسەو سەرساقی ویٛمان مەیاونمیٛ بە یانەیشان و بنەیانەیشان و خویٛش و هونەر دوسانو هەورامانی. انا للە و انا الیە راجعون.

وەڵاوگاو هەورامانی hewraman.net 25/8/2020

 hewraman
Load More In هەواڵیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

    دماگیٛرو”نە”ی       ئەگەر سەرنجەو زوانو گوٙران- هەورامی بڎەیمیٛ مەوینمیٛ، …