یانە پەیلوای تەنیا ئەوەجەمان بە ویٛئاگایی مەردمو گوٙرانیەن

تەنیا ئەوەجەمان بە ویٛئاگایی مەردمو گوٙرانیەن

39

تەنیا ئەوەجەمان بە ویٛئاگایی مەردمو گوٙرانیەن

واتشان بە کابراییٛ گوٙران زوانی پەی چیٛش نەبیەی بە کورد یا فارس یا تورک یا عەرەب؟، جە جوابەنە واتش: ئەمن بیانی بە کوردیچ و تورکیچ، عەرەبیچ و فارسیچ، بەڵام دماو مدەتیٛوە ژیوای دلیٛ ئەئی فەرهەنگانە پەیم بەرکەوت کە “بژیوانی” ئەمن و ڕەستەگاری هەرەقەتینو ئەمن تەنیا دلیٛ فەرهەنگو گوٙران/هوٙرامانینە ئیمکانش هەن. پەوچی دیسان گیٛڵانیوە پەی باوشەو وەتەنی و ڕەستەگار بیانی.ئەگەر ئەچی سەردەمەنە مەردمو گوٙران/هوٙرامانی بە دروٙسی بەهرە ئەچی مەسەلانە کە واروە ئینشاشان مەکەرونە ببەرانە، ئیمانم هەن کە ئەئی جامیٛعە مەژیووٙنەوە و دەسو ئیدی  و ئەویوە ڕوٙزگارش مەبوٙنە. ئەوسا ئیٛتر هیچ ئەغیاریٛ نمەتاووٙنە سەرو سەرزەمینو ئیٛمەوە جاڕ بدوٙوەنە. ئەگەر ئیٛمە مەوازمیٛنە ملەتیٛوە ڕەستەگار بسازنمیٛنە مەشوٙم نیرو ئینسانیەکەیش تەربیەت بکەرمیٛنە، تەربیەتیٛوە کە ژە فەرهەنگ، سونەت، ئەخلاقیات، و داب و نەریتو گوٙران/هوٙرامانیوە هوٙرخیٛزیابوٙنە، ئیٛمە داواو ئینسانیٛوە مەکەرمیٛنە کە بە ڕوٙحیٛوە گوٙران/هوٙرامانی تەربیەت بکریوٙنە. جەسیٛوەمان مەشوٙم سازنابوٙنە کە دیمەن و ڕوٙحو مەردمیٛوە نیکنامی بنمانوٙنە.

بیٛسارانی، مەلاخدر،مەلاحەسەن، شیٛخ مستەفا، سان سەهاک، هەسەن سان، جافرسان، مەستورەخانمە، ماموٙسا عوسمان کیٛمنەیی، شیٛخ عوسمان، . . .بە ڕوٙحیٛ گوٙران/هوٙرامانی تەربیەتیٛ کریاینیٛ. پەوچی نامیٛشان عەینو گوٙرانینە، و گوٙران عەینو ئانان. مەردمو ئیٛمە لازمەن ڕاگاو گەورەکانش بگیٛروٙنە وەر. ژە نوٙکەری دیگەری و ئەویتەرینە بەی جبەر. ویٛش بە نوٙکەر و گزیرو کەسی نەزانوٙنە و نەدوٙ قەلەم. بە مانای کامڵەکەش، “ویٛش بوٙنە و ویٛش” ئا ئیگوە کە چیٛرخانەکەش “روٙحیٛ گوٙرانەن”

ڕٶحیٛ گوٙران/هوٙرامان: مەنزورم، هەمکاری، یاردیدای، ئیٛحترام، شەهامەت، دلیٛری، دەرکو رەنجی، پەیوەندی چەنیو خوای، تەبیٛعەتی، دیگەری، میٛمان نەوازی، پوٙرەپەرمای، شەرافەت، گەورەیی، ڕەیشچەرمەیی، . . . ئینانە بەشیٛوە کەمەنیٛ ئەچا ڕوٙحەیە کە تەنیا هنو ئیٛمەنیٛ و لاو ملەتو گوٙران/هوٙرامانیوە تایبەتەنیٛ کە لازمەن زاڕوٙکانمان و جوانانمان ئەپی مەفهومانە کە هەزاران ساڵەن ژە دەرونو ملەتو گوٙرانینە نەقششان بەستەن تەربیەت بکەرمیٛنە.

ئەچی سەردەمەنە پەی وەرانوەر بییەیوەی چەنیو دژمەنەکانو ئەئی ملەتەیە، پەی وەرانوەری کەردەی جە پارچەپارچەکەردەو ئەئی ملەتەیە، و پەی دفاع ژە کەرامەت و شەرافەتو ئەئی ملەتەیە نیازمان بە نیرویٛوە  ئینسانیەن کە ئەئی مەسەلانەشە پەی موهیٛم و ئەرزشمەندیٛ ببان: وانای، زانای، علم، ئەخلاق، شعور، ماریفەت، نەزم، دروٙس ئەنەیاوای ژە مەسەلەکان، دەرکو ڕەنج، دەرد، گەورەیی و نیکنامی گوٙرانەکان، ڕوٙحیٛ گوٙرانیەت، تەعەهود و تەعەلوق بە گوٙران/هوٙرامانی. ویٛپایی، نوٙکەری نەکەردەی ئەویتەری. دیگەری نەسازنای. دەرکو ئەمرەی سیاسی/فەرهەنگیەو گوٙرانی”.

نویسەر: ژیار سڵامەتیان

 hewraman
Load More In پەیلوای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

دیوانو میرزا شەفیٛعی کولیای چاپ و پەخش بی

دیوانو میرزا شەفیٛعی کولیای چاپ و پەخش بی ئی هامنە ڕاوەبەری ڕوٙشنویری و هونەرو هەڵەبجەی کو…