یانە گردین ئا چەمچە، حەر پەی ئا چڵکاویٛ خاسا

ئا چەمچە، حەر پەی ئا چڵکاویٛ خاسا

88

                         ئا چەمچە، حەر پەی ئا چڵکاویٛ خاسا

ب/ شەوقی عەلی ــ شەیدا

20/ 7/ 2020

فرەو وەختی، سەرەو ویٛما میٛشنمیٛ پاکەساوە، هەکە جەحەقیقەتی نمەیاوانە، یام میاوانەو دڎانیٛش نمەنیا پوٙرە

وەلیم، قەڎیمیەکیٛما، وەختشا، فرە چانەیە بەگۆرەتەرو ئێژاتەر زانان، هەکە بکوشاش پا تەشکە کەساوە، پۆکــەی، حەر بەیەک واتە، مەژگو ویوترینیشا، ڕوٙزگار کەردەن چاسەرئیٛشەیەو واتــــەنشا: کـوٙرە کـوٙڵش چـەنـە بـڎە، (ئا چەمچە، حەر پەی ئا چڵکاویٛ خاسا!) بەڕاسی ڕاسشا فەرماوان، ڕیٛک ئەجوٙ پەی ئاروٙ ئیٛـمەشا واتیـــٛنــە! شەڵڵای بەشەڵڵای، ئی واتیٛمە زووتەر ئەژنییٛبێ! ئای چنڎ مەژگـم ئیٛشنــا پاکــــەســـە هــــۆرامیــاوە، هــەکــە پەنەشا ناوەش بیٛ واتێم، هۆرامی زوانا، یام، هۆرامی مللەتا، دەسکەریٛنــیٛ بە لـــەتــەرە ڕستەی بـــیٛ پــەژم!                                                                                   

( ئاخر شمە نمەزاندیٛ چیٛش ئینا مانەکیٛنە ) حەر( فیشەکیٛ منیەیدیٛ تاریکیۆ)( ئاخر، ئەربواچو: یەک، مشیوٙم بواچو: دویٛچ ) ئەنڎا، پەیامەکەم نمەیاووٙ، ئاخر، پۆکەی ئنڎە زگار بیٛنیٛ، چون( ئاخورمێ ئاڎیشا واردیٛ بیٛ، پیٛشەکەش ئینا کیسەمەنە!)  چون، ویٛم زانیٛنیٛ، چیٛششا مەخسەڎاو چکوٙوە تانو پوەکەی پیٛکا، وەشبەختانە حیچ وەخت، نەخەڵەتیانا بە شیرین و فەرهاڎەکاشا، چون زانیٛنیٛ( ئاخوشە خوشە گردش شوٙت نیا!)( ئاسمان بەرزو زەمین سەخت)( من ماچو: نیٛراو ئاڎ ماچوٙ: دوٙشەش) گەرەکشەن کوٙنیشتەکەی، جەڕاو منۆ بفاڕوٙ، هەتا ( من بواچو: سیر و ئاڎیچ بوچوٙ: پیاز) ئاخر، خوٙ من، پەی سیرو پیازی نەچڕیانا، خوٙڵک نامەکەنە نویسیان: پەی خزمەت کەردەیو زوان و فەرهەنگی هۆرامی، وەلیم، هەکە تەماشە مکەرو (بانیٛواو دویٛ هەوێ ) ئاخر، وەختیٛو منت خوڵکە کەردەنا بەنامیٛ خەموەریت، پەی ئاوەڎانی هۆرامانی، چی، باسو کاولستانیم پەی مکەری؟! ئینە ئینەنە هەکە ماچوٙ: (نانش نیاو لویٛ پیازی سانیٛ ) توٙ، ویٛت پیٛسەو مەییٛ ئینای چیرو گژمەو وەرگاو ئاکاولستانەیۆ، کەچی، خەمتا وەرگەکیٛش چیٛوشا بیٛشوٙ؟ ئاخر، خوٙ ماچا: هۆرامییٛ زیرەکیٛنیٛ، کاغەزی، چەرمە مواناوە، ئەرپاسەبوٙ هەکە وچیان، ئانە خەریکا بواچو: زیرەکیەکـــەت( خەنجەرەکیٛ، کابرایەنە) . ئاخر، کەی خوڎا ڕابەردارشا، توٙ، من بکەری، بەدیمەکەو دیوارو ئا کەسەیە، هەکە، بەنەمەنەو هەردویما یەسنەشەنە و زەماونڎە مکەروٙ؟! ڕەحمەت بابەو ئانەیە واتش:  ( ئاساوی کەم هاڕما دیەن، وەلیم ئاساوی هیچ نەهاڕما نەڎیەن ) ئاخر، کیٛ دیەنش، ئانزان بەدەسو ویٛش، پێنجە(سردی) بنیوٙ، دیوارو یانەکەیشۆ جەوەختیٛوەنە، هەکە بزانوٙ چادەگێنە، دزیوی نامی هەن، ئادزەیچە هامساشا؟! بڕیٛو کەسیٛ هەنیٛ، بەختەشانە (ئاساوی دێـمیشا مگیٛڵوٙ) ئەنڎا، ئا قسیٛ، ئاڎ مکەروٙشا، من بکەروشا، شاربەدەرم مکەرا، ئاخـر، خـوٙ ژنـیەنـــم( بیەن ماشوٙ دلیٛ وڵوٙشیٛ) وەلیم نەزانانم ( بیەن گاوەو دلیٛ گوٙرەکا)ئاخر هەکە ویٛت ( بیەنی قوٙڵو  وەرو قازانیٛ) چی پەی ویٛت تیٛر نمەوەریو پەی ویٛت نمەکاسیەیەرەو کوٙڵ بڎەی چاکەسا هەکە قینیشا چا قازانیٛنە؟! تەڵاقەکەو بارام بەگیم ویر ئاماوە هەکە ماچوٙ:( کەس ناشیرین نیا، ویٛش ویٛش ناشیرین مکەروٙ) ڕەحمەت بابەو ئانەیە هەکە واتش: ( جە بیٛ خەبەرا، کەشکەک سەڵڵەوات) ئاخر خوٙ بڕیٛو کەسیٛ هەنیٛ گردو تەقەلێشا، پەی لەمیٛشانەو بیٛ هاگاو مەغبەر، چانەیە هەکە ڕوٙوە مڎوٙ، ئاخر خوٙ قینەو ئانەیم نیەنە، هەکە پەی لەمیٛش مژیوٙوٙ، داخەو ئانەیە کوٙشتەنا، بەتەشکیٛو لەمـەش ماسنوٙ، هەکـە یویچش کــەنــد،  (تەشپی تڕانـەش، گەرەکــا).                                                                                                                     بەشوـــ  2ـــ                                        

 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

دیوانو میرزا شەفیٛعی کولیای چاپ و پەخش بی

دیوانو میرزا شەفیٛعی کولیای چاپ و پەخش بی ئی هامنە ڕاوەبەری ڕوٙشنویری و هونەرو هەڵەبجەی کو…