یانە هەورامانی بشناسدیٛ شاعیٛر؛ عەتا عەلیپوور

شاعیٛر؛ عەتا عەلیپوور

153

دەلاقەو هەورامانی بشناسدیٛ، ئیجارە لوان لاو شاعیٛریە تەرو مەحاڵو هەورامانی، ژاوەروٙ، دەگا وەشەکیٛ پایگەلانی، هەورامان نێت مەلوٙنە خزمەتو کاکە عەتا عەلی پوری جە پایگەلان، با جە زوانو ویٛشەو گوٙش بگیٛرمیٛ پەیش، بفەرماودیٛ:

بە نامیٛ خوڎای

نامیٛم عەتا عەلیپوور خەڵکو دەگاو پایگەلانی مەحاڵو ژاوەروٙی ڕەنگینی سەربە شاروٙ سەوڵاوای یاگیٛ گەورە شاعیٛرا و عارفا و مەرکەزو عیٛلمی جە مەحاڵەکەنە، پیسەو حاج مەڵا قاسمی، مەڵا ئەحمەوی، مەڵا ئەسعەدی و مەڵا عەبدوولغەفارو و مەڵاحەمەمینی ودەها عالم وزانای پایە بەرزیٛ تەر، ئەدا بیەو ساڵەو 1355ی کوٙچی ڕوجیاری.

دەرس وەنەی سەرەتاییم جە دەگاو پایگەلانینە تەمامنا و دەرسو قورئانی پیروٙزیچم لاو ڕەحمەتی میرزا موحەمەد ئەحمەدیانیوە خەتم کەرد.

چوون حەز بە ئەدەبیاتی کەریٛنا لوانی ڕشتەو ئەدەبیات و علوم ئیٛنسانی و جە دەبیرستانوٙ سەوڵاوایٛ ساڵەو 1376 دیپلوٙمم گرت و ساڵەو 1380 کارشناسی ئەدەبیاتی قەبوڵ بیانی و بە بوٙنەو بڕیە گیر و گرفت و کاریوە نەتاوام ئیٛدامە دەو.

مابەینیە کولەن دەرسم ویٛڵ کەرد و لوانی دلیٛ بازارو جل و بەرگی و ئیسە جانشتەو شاروٙ سنەینا نزیکەو 18 ساڵیٛن.

و بەین بەینیە شیٛعریٛ وانیٛناوە ڕوٙیه لاو دواوینە بیٛنا، هەردەکەشا سوٙچنابیٛ و دارەکا دلیٛ ئاورینە هاوارکەریٛنیٛ و سوٙچنەینیٛ و چاڕوٙوە دڵم جوٙش ئامە و حەز و خوٙلیاو شیٛعرەی کەوت سەرەم و یەکەم شیٛعرەم نویستە پەی ژیوگە و سروشتی.

چوون هەستو شیٛعرەیم باش بیٛ و ڕشتەیچم ئەدەبیات بیٛ  و چوارچوٙ شیٛعرەی پەیم ڕاحەت بیٛ  تاوام دەس پەنە کەروو، شوٙکر پەی خوایٛ لوانی دلیٛ بەحرو شاعیٛری و ئیسە شیٛعرەکام بیەنیٛ ماساوە ڕەنگامەکا، کە گرد لایەوە بسانشا هەنو وبیەنیٛ حەزو دڵەکا …

هەر چەنڎ هیچ وەخت بە ویٛم نماچوو شاعیٛر چوون شاعیٛر نامیٛش بەرزەنە و زەوقش بوەی خاسەو ویٛش هەنە چوون ورەو دڵیم فەرهەنگ و زوانو هەورامی بیٛ و نەتاویٛنا سەرە نامنوو و بیٛ تەفاوەت بوو و تاوام بە شیٛعر واتەی دڵوو ویٛم ئاراموە کەروو

بە جوانی وەشم دەنگوٙ ڕەحمەتی (ماموٙسا سەباح و کاکە مەولووڎ)ی  و  شوٙنی ئادیشارە دەنگوٙ ماموٙسایا ئوٙسمان و جەمیل و حەمەحسەینی .

شوٙکر پەی خوایٛ ئاروٙ جە هەورامانەنە یەکەم کەسەنا کە هەنا شوٙنەو شیٛعرەی دوەبەیتیرە و تاوانم یەک دەفتەرە شیٛعریٛ دوەبەیتییٛ ئامادەو چاپی کەروو .

شیٛعرەکام کلاسیکیٛنیٛ و فرەتەرشا دەردەو کوٙماڵگایٛ وزا وەرچەم و شیٛعریٛ مەعنەوییٛ ،نیشتمانی و………. جە دلیٛ شیٛعرەکامەنە گنا وەرچەم.

چەنی حورمەتیم عەتاعەلیپوور 1399/4/28ی

ئینەیچە چندە پارچە شیٛعریٛم پەی وانەری:

گوڵی جەمین گوڵ ڕیشەی جەرگ و دڵ
پەرێ عەترو تۆ دڵ ئامان وە قوڵ

عەتار کەی عەترش خێزیان وە بۆی تۆ
عەترت ئامێتەن وە هەزاران گوڵ…..عەتا عەلیپوور

زەردی خــەزانی ئەر خەمێ مارۆ
ڕەنگ و ڕۆخسارم ئەر دریۆ شارۆ

بەڵام تۆ هــەنی پەی وەشی دڵیم
پاییز کەی تاوۆ وشک کەرۆ چڵیم
……. عەتا عەلیپور

سینەی بێ کینە لەفزش شیرینەن
ئەلفازش نەدڵ هامڕازی سینەن

وتارش ژاوۆ جا مارۆش زوان
خەڵکی نە واتەیش مەمانا ئەمان
….. عەتا عەلیپوور

وتارش ژاوۆ جا مارۆش زوان
خەڵکی نە واتەیش مەمانا ئەمان
….. عەتا عەلیپوور

سینەی کافووری مروارید گەردەن
سمڵ و مێخەک وە هەم بەند کەردەن

سینەڕێز وە بان ئەلتافی سینە
دوور وستەن وەلام هەزاران کینە…. عەتا عەلی پوور

سازدەر سازێ دەر بسازنە سازم
شش دەر بنازۆ سازی مومتازم

تار و پوود دریان وە نەخشینەی خەم
ڕەگ و ڕێشەی دڵ ڕێسیان سەرجەم

ئێسخوانی بێ موخ چەقیان قاپی دڵ
تڵازمەش ئاردەن ، سەرانتۆی وڵ وڵ

گونا دەورش دان مەنزڵگای مێحوەر
ئۆقرەم نەمەندەن بینانش شش دەر

دووپایەی جەستە بڕیانش پەنجە
چەفت و چوێڵ مەندەن نەکەردەن لەنجە

دەس دریان وە تێخ بێ دەسەڵاتی
جەم کەردەن دەروون غوبار و ماتی

چەمان حەدێقەی گۆشگەڵووی خاڵی
ئەرزاق ڕەق و تەق هاڵیگای هاڵی

سەر دریان وە دەس بەیاخی بێ عار
کەلەی بێ ئەندیش زۆخاو کەردەن یار

ساز نمەبۆ ساز‌ سازدەر وەختشەن
حاکمی سازان نازدەر وەختشەن

سازبدەر وە ساز دەروونەن بێ ساز
ئەسڵ و شەرعی دین بکەر بانگەواز

تا شۆن بکەرۆن حەیەعلەسەلا
ڕەستگار بارۆ حەیەعلەفەلا

ئاوەختەن سازم پەرێ تۆ سازۆ
شش دەری جاڕم سازی تۆ نازۆ….. عەتا عەلی پوور

مانگە تریفەش دان سەروو بانا
ڕۆشنش کەردەن توولەڕاو هانا

تۆیچ با شۆڵیەت بۆ پەرێ زوانی
نەسر و پەخشان و کوڵە داستانی

چڵەکنەرە دڵت حێست وزە کار
سوانۆ زوانیت بنیەوە دیوار

شاغۆڵش کەرە ڕاس و ئوستوار
مۆحکەمش کەرە بەنویستەو وتار

فکرت پەڕ و پان وتارت شیرین
سەمەر برمانۆ وە عێلم و یەقین

سابتش کەرە کە هەورامینی
دینت ئێسلامەن جای شانازینی

زوانت هەورامی ئایینت ئێسلام
تا دنیا دنیان ڕیشەت بەردەوام

ڕەفتار نموونە جل و بەرگ زەریف
جەماڵی ڕۆشن کەماڵی نەزیف

تەقالادەر و کێسەی پەڕ نە زەڕ
نە واتەی خراب گۆشێ کەرە کەڕ

واتەو زانایا وزە خەرمانت
نگیندار مانۆ فەرهەنگ و زوانت

هامڕازت ژیر بۆ تەکبیرش عال بۆ
عاشق هەورامان ساحێو جەلال بۆ …. عەتا عەلیپوور

 hewraman
Load More In هەورامانی بشناسدیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

دەمنای

دەمنای چەمەی سادەی ویەرەن، چاوگی تێپەڕە، transitive infinitive ئینەیچ تەشکو چەمەی ئەرەتاشی…