یانە زوان فۆنت font

فۆنت font

69

فۆنت font  

بە ونارایو تایبەو نوسیەکانو زوانی مەواچان فوٙنت، یام پیٛڕەو نویسەکان”خەت”. یام  بیچم و شیٛوەی جیاوازو ئەلف و بای. فوٙنت، خەت کوٙمەڵیٛوە نویسیٛنیٛ، قەوارە و بیچمی جیاوازشان هەنەن، پەی نیشاندای و پەی چاپکەردەی مەشیانیٛ، کە دلیٛو کەمپیوتەرینەو موٙبایلینە هەنیٛ ، بەتایبە زوانو ئینگلیزینە گرسانوە، بەعەرەبی پەنەش مەواچان خەت، بەهەورامیچ هەر خەتش مەواچمیٛ. فۆنت زوانو ئینگلیزینە چنڎە سیفەتێو مەگیروٙنە ویٛ، پسەو قەوارەی کاپیتاڵی، سمۆڵێ، هاڵیگای میانو نویسەکان، ئیتالیک، بۆڵت، چەنی بیچم و تەشکی جیاوازی. ئی خاسیەتیٛ ئیسە بە هامکاری کامپیوتری دلیٛو گردو زوانەکانەنە هەنیٛ، یانی گرد فوٙنتێوی، خەتێوی زوانی مەتاووٙ سودمەنڎ ببوٙ ئەچی خاسیەتان.

فوٙنت بەشیٛوە گولانەن جە خەتی، یانی چنڎە بیچمیٛ و تەشکیٛ جیاوازیٛ فۆنتی هەنیٛ، خەتی هەنیٛ، پەی نمونەی ئەچی نویستەمانە متاومیٛ سەرباسەکەیمان بە فوٙنتێوە، خەتێوە جیاواز، ڕەنگاو رەنگ قەوارەی زل بنویسمیٛ، هەرپاسە متاومیٛ دلیٛگەرو بابەتەکەی بە چنڎ بیچمێ جیاوازیٛ فۆنتی بڕازنمیٛوە.

جاران، ئەوسا بە دەس و قەڵەم نویسیان، هەر ئەچا وەختەوەن وەشنویسەکیٛ خەتیٛ جوراجوٙریٛشا ئاوردیٛنیٛنە، یانی فۆنتی جوار و جوریٛ پەی نویستەی بە خەتی ڕەنگامەو هەمجوٙری جیاواز جە قەوارەنە و قایمی و باریکی خەتەکەینە، بە وەرۆلوای زانستو زوانی و تەکنۆلۆجیای چاپخانە پەیدا بی و چاپ کەردەیو ڕوٙنامەکان و کتیٛبەکان بە خەتی جوانی جوارو جوٙر گەشەش ئەسا، بەرگو کتیٛبی بەجوٙرێ جوان و ڕازیاوە وناریان، دلیٛگەرەکەیچش بە چنڎەها جوٙریٛ تەریٛ، جە درێژەنە خەتی رەنگامەو بریقەدار و بەرز پەیدابی دلیٛو گوٙوارەکانە.

ئیستەیۆ کەمپیوتری بازێوە زلەش بە گەشەو فۆنتی دا جوٙرەها شیٛوە و قەوارەی فوٙنتی پەیدا بی، چە بە زوانو ئینگلیزی یام زوانەکانی تەرو جەهانی. ئەچی ویارنە زوانو کوردیچ چندەها فۆنتیشا ئاردیٛنە، هەورامیچ هەرپاسە، بڕێ فۆنتی کاکە عەودڵای حەبیبی ئاردێنیٛنە.

ئیسە ئی نویستەیە کەمن مەنویسوش سەربارو ئانەی کە ئەلف و با، یان نویسە”حرف” پەنە مەواچانیٛ، بە جورێ تەر پەنەشان مەواچان فۆنت، فۆنتی کوردی، فۆنتی فارسی، فۆنتی هەورامی… کە بە هامکاری تەختە کریٛڵی سەرو لاپتوٙپی و موٙبایلیوە مەرزیوٙرە و پەنەشان مەنویسمیٛ. ئیسە سەرو سیستەمو ویندۆزیوە گرد زوانەکیٛ فۆنتی تایبەو ویٛشان هەن، ئی فوٙنتە بنەرەتنە ئەلف باو زوانەکەیشانە، یام نویسەکیٛ زوانەکەینیٛ کە ئاروٙنە پەنشان مەنویسان و نامیٛ فوٙنتیشان هوٙرگیٛرتێنە. نامیٛ بڕێو فوٙنتا:

 Habibi UH Nazanin

,Calibri, Unikurd chiman, Ali A Samik.  Arial ,times new roman, 

جا مەشوٙ جیاوازی میانو( نویسە، دەنگ، فوٙنت.letter, sound font) بزانمیٛ: نویسە: حرف: ئانەن کە جە بنڕەتنە فیٛرش مەبیمیٛ کە زوان ئەشناسەکیٛ باسش مەکەرانیٛ و بەیەک ویٛنە نەخشش مەکیٛشیوٙنە سەرو کاغەزیوە، دەنگ: ئادەنگەنە کە دەمەو بەرمەیوٙنەو ویٛنەش مەکیشی پسەو نویسەی. وەلێم فۆنت، ویٛنەو نوسیەکەین بە چند شیٛوە و قەوارەی جیاوازو ڕەنگامە، لار و قایم، هەکە کەمپیوتر و موبایلنە هەن، پەی نمونەی ویٛنەو(و) بەپاو جوٙرو فوٙنتەکەی شیٛوە بیچمش مەفاڕیوٙنە، هەر فۆنتێوە بە چنڎ بیچمێ جیاوازو سەرنج کیٛش مەنویسوٙنە، یانی بیچمو (و) جە فوٙنتی ئاریەڵنە جیان جە تایمس نیو رومان، یام بیچمو(و) یام هەر نویسێوە تەری جە فونتەکانو حەبیبینە جیاواز مەرمانوٙنە مڎوٙنە چەمەو.

کریٛڵ واتیٛ: key words  واتیٛ کرێڵییٛ

دەنگ: sound  صوت

نویسە: حرف letter  

فۆنت:font  : پیٛڕەو نویسەکان، بەعەرەبی پەنەش مەواچان”خط” وەلێم هەڵای لاو ویٛماوە نامێوە تایبەش پەی هوٙرنەچنیێنە.

د. ناجح گوڵپی … مسیارو زوانو ئینگیزی، تیلەی دوەمە.10/7/2020

پەی فیٛشتەر دیەیو بابەتی بە زوانو هەورامی سەردای سایتەو هەورامان نێتی بکەردیٛ.

 hewraman
Load More In زوان

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

دیوانو میرزا شەفیٛعی کولیای چاپ و پەخش بی

دیوانو میرزا شەفیٛعی کولیای چاپ و پەخش بی ئی هامنە ڕاوەبەری ڕوٙشنویری و هونەرو هەڵەبجەی کو…