یانە پەیلوای کوٙچو هەورامیا و خەسارەت یاونای بە زوانی ئەدایی

کوٙچو هەورامیا و خەسارەت یاونای بە زوانی ئەدایی

112

کوٙچو هەورامیا و خەسارەت یاونای بە زوانی ئەدایی

نویسەر: سەباح شیانی. سنە

هەورامان بە یەرە مەحاڵەکەوە یانیٛ تەخت، لهوٙن، ژاوەروٙ، دەیان ساڵیٛن بە بوٙنەو کەم دەرئامەدی وە نەبیەی مەعاشی خاستەر پەی ژیوای مەردمش هەمیشە هەنیٛ ڕاو کوٙچکەردەیٛوە، کەمتەر مەحاڵ و شاریە هەن جە ئیٛرانەنە کە هەورامی پاش نەنیابوٙنە،

ئینە جگە چانەیە پاشەکەوتی ماڵی خاسش بیەن و تا ڕادەیە تاوانشا ویٛشا سەرو پایوە مدراوە، بیەن سەبەبو ئانەیە کە فرە چیٛوایەتەر بە دەس بارا، هەم زاڕوٙشا و خانەوادەکاشا بە ڕوٙ بانیٛوە، یانی دەسڕەسی ئاسانی بە عیلم وە زانشت وە ئایەندەیە ڕوٙشنتەر!

بەڵام داخەکەم ! ئی گرد زەحمەت و تەلاش و ڕەنجە ئەساسی تەرین مافو ئیٛنسانیش جە دماڕوٙشانش سانان؟!

بیٛ ئانەیە ویٛشا جە ویٛشا ئاگاداری با زوان و فەرهەنگشا چەنی بیٛگانەی تیٛکەڵ بیەن،

شایەد بڕیٛوە فرەکەم تاوابوٙشا چی زوٙڵمیە کە جە حەقو ویٛشا کەردەن ڕاو نەجاتیشا ئیٛستەبوە، ئاڎیچ بە سەرپەرەشتی کەسانیٛوە دڵسوٙزوو فەرهەنگوو میللەتەکەیٛشا،

کە هەم جە ژەن و ژەن وازەنە وە هەم جە فیٛرکەردە  و فیٛربیەو زوانی ئەدایی،

ڕاسەن کە ماچا میللەتیٛوە زیندەن کە زوانش وە فەرهەنگش زیندە بوٙ، ئە رکوو بنەماڵەی یا خانەوادەکا چی سەردەمەنە کە زوانی ئەدایی کەوتەن وەرو خەتەر و تەرسەو فوٙتیاینە نازا چینەیە زیاتەر خەسارەت و زیان بیاونوٙ بە دماڕوٙ کوٙمەڵگاکەیٛما !

براوواڵە هەورامی…..!

بەڵی شمە کە وەرپەرسیٛندی جە دماڕوٙ زاڕوەکانتان، تا ئا یاگیٛ ڕادەستا هەن بە موٙتالیٛعە و وەنەواری چەنی قسەکەردەی هەمیشەیی بە زوانی ئەدایی ئایندەو هەورامانی بارمتەکەرم.

حەرکەس هەن جە حەرشار و دەگایە غەریوەنە مەتاووٙ بە یارگیری هەورامیەکا بیٛزووە و فرەتەر ئیسە تەلەفوونەن، ئامەشوٙن، شەونشینین!فەزای مەجازین وە……مەکتەب خانەیە ویقلانە بنیوٙرە پەی گوٙفتمانی بە زوانی ئەدایی، پەیٛغام کیاستەی وە نامە نویستەی با بە زوانی ئەدایی بوٙ. تەنانەت ئەگەر ئیرادش بوٙ موٙشکڵ نیەن، دمایی بە دەس پەنەیاوای کتیٛبایەوە بە ڕانویسو هەورامیانەی مەتاودی ئا ئیرادانە لابەردیٛ، مووسیقای هەورامی، شریتەگوٙشدای و نەواری ویدیویی جە گەشتە هەورامیانەکانە ڕاکاریە تەریٛنی، چی دەورەو زەمانەنە ئەگەر حەرکەس ویرو ویٛشەنە نەبوٙ کەس نیەن جە ویرشەنە،

بەشکەم پی شیٛوە وە بە تەقالاو دڵسوٙزانو هەورامانی وە ئیٛنسانایٛوە عەمەڵگەرا زوانی هەورامی ئی حەتە سووری سەرشوە نەمانوٙ، ئینە ئەرکەو گردیمانەن، هەورامان و هەورامی  بە زوانو فەرهەنگو ویٛشوە جوانەن.

مەندیٛ بەسڵامەتی و لاشە ساغی

 hewraman
Load More In پەیلوای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

فەتە و کوٙنفرانس

فەتە و کوٙنفرانس -سلام بچەها صبحتان بخیر. -سلام ئاقای موٙعەلیٛم سوٙبحیٛ شوٙما هەم بخەیر. -…