یانە ویر دەردەدڵیە ویٛمانە

دەردەدڵیە ویٛمانە

89

دەردەدڵیە ویٛمانە

هەورامان گەرایی تەنیا ڕەسانەنە هەن. هەورامان واقعیەتنە کەلەلان

بڕێ وەختیٛ کە مەتنیە موانیوە وە یا خەریکیٛنمیٛ قەڵەم مەگیٛرمیٛ دەس و گەرکمانە چیٛویە بنویسمیٛ، نمەزانی جە کام دەردیٛ هەورامانی بنویسمیٛ ، هەڵای نمەزانمیٛ چەنیش بنویسمیٛ و بە لەهجەو دەگاکیٛمان یا بە لەهجەو لایەتەری و
نمەزانیٛ چەنیش بنویسمیٛ کە دەسیە نارەحتیٛ نەبانیٛ و دەسیە چەپڵیٛمان پەی کوا.
ئاروٙ ئەگەر فەزای مەجازینە تەماشە بکەرمیٛ دەیان مەقالیٛ و هەزاران مەتنیٛ و کەسانیو هەنیٛ کە خەریکیٛنیٛ پەی هەورامانی هەرمانە مەکەران، وەختیە واقعیەتنە بەیمیٛ جبەر مەوینمیٛ کە هیچش پاسە نەبیەن وتەنیا ویس نەفەریٛنیٛ خەریکیٛ زەحمەتینیٛ.

ئاروٙ هەورامان تەنیا ئیٛیحتیاجش بە فەزای مجازی نیەن، هەورامان ئیٛحتیاجش پانەی هەن کە واقعیەتنە هەرمانەش پەی بکریوٙ .
نەک گرکەس یاگیٛ ویٛشەنە بیەن خەم وەروو هەورامانی و بەداخەوە واقعیەتنە هیچش نەکەردەن و نەبیەنش.
دەسەگەرایی و وەراوەر و هنترینوە مردای هیچ دەردیٛوەوەو هەورامانی دەوا نمەکەروٙ.
ئاروٙ هەورامان ئیٛحتیاجش بە کەسانیوی هەن کە پەی مەنەیش و پەی فەرهەنگیش و پەی زوانیش هەرمانە بکەران نەک هەورامانی بکەرانیٛ پەیجەو پاش بنیاپوٙر و ویٛشان هوٙروەزنان.

ئینیٛ پەرسیٛوەنیٛ کە مشوٙم پەیجوٙریٛ و قەڵەم بەدەسیٛ هەورامانی بنیشارەو وەراوەروخەڵکوو هەورامانی وەڵامشا بڐاوە. 

چی هەزاران ساڵیٛ جە عوٙمرو زوانوهەورامی مەگوزەریوٙ، هەڵای زوانیە میٛعیارو ڕازوانیە یوٙگیرما نیەن؟

چی هەڵای هەورامان نمەتاووٙ ساحیبو فەرهەنگسەرای بوٙ؟

چی مشوٙم خەم وەرەکیٛ هەورامانی هەریوٙ پەیویٛش و هەر دەسیە پەی ویٛشان هەرمانە بکەران؟

چی نمەنیشارە و بەهام فکری یوٙیی جە واقعیەتنە هەرمانە بکەران؟

مشوٙم منی تاکی هەورامی تا کەی ماتڵ بوونە تا شمە یوٙترینی گیٛردیٛ و شمە قسیٛتا یوٙیی بگیٛروٙ تا شایەد منیچ ببوو بە ساحیوو زوانیە یوٙگیری هەورامی؟ ببوو بە ساحیبو فەرهەنگسەرای؟
ببوو بە کاریە سەرم وەنە نەشیٛویوٙ چەنی بنویسوو و بوانوووە؟
بە داخەوە دەیان تاقمیٛ و کاناڵیٛ جە فەزای مەجازینە هەنیٛ پەنجشا قسیٛشا یوٙی نمەگیٛرا.
وەراوەروو یوٙترینوە مدرای هیچ دەردیٛوەو هەورامانی دەوا نمەکەروٙ .

ئاروٙ چیٛش کریان پەی نەوەو دما ڕوٙی چە تەماموو ویارەکانە تا نەمەنوٙ جیا و ڕوە ناروٙ بە فەرهەنگی بیٛگانەی؟

چی بەرنامیە گوٙشی هەورامی پەی زاروٙڵەکاما یا نەرم ئەفزاریە هەورامیە نمەوینمیٛ دلیٛ گوٙشیەکامانە وەزنمیٛشرە
ئایا هەورامان بەرنامەنویسش نیا یا هەنیٛش جە ویٛر شینیٛ و پاڵپشتی نمەکریا؟

خەتاو چیٛشینە هەڵای منی هەورامی حەسرەتوو شەبکیە تەلەوزیوٙنی موەروو؟

ئاروٙ مشوٙم جوٙریە جوەو ئەدەبیاتی و… هوٙربکریوٙ کە نەوەو دماڕوٙ هەورامانی تەژنە بکەروٙ، نەک چەنەش دوور بگنوٙوە.
وەختیە موینی جوانیە هەوارمی هیچ عەلاقیٛوەش نیا بە سیاوچەمانەی بە زوانی هەورامی وە یا جل و بەرگیش داخیٛ موەری و نارەحەت مەبی وە ئینە هوٙر مەگیٛڵوٙوە پەی ئانەی هەڵای ئا جوانە نەیاوانە، هەڵای تەژنەو ئەدەبیات و فەرهەنگیش نەکریان¸ هەڵای نمەزانمیٛ چەنی جوانوو عەسرو ئاروٙی بکەرمیٛ کاریە ڕوە باروٙ بە فەرهەنگەکەو ویٛش و کیٛ بیەی ویٛش بیوٙزوٙوە، ئینە دەردیٛوە فرە گرانەنە وەختیە مەوینمیٛ بە زوانیە تەر هەست و ئیٛحساسوو ویٛش مەوزوٙجبەر و گوٙش نمەڎوٙنیٛ بە زوان و ئەدەبیات و فەرهنگی بنەڕەتی ویٛش.
وە دەیان دەردەدڵیٛتەر کە فریٛشا نمەتاومیٛ بنویسمیٛ.

بەشکەم ڕوٙیە بەی قەڵەم فیٛداو هەوارمانی کریوٙ نەک هەورامان فیٛداو قەلەمی بوٙ.

حسەین خوورا

 hewraman
Load More In ویر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

فەتە و کوٙنفرانس

فەتە و کوٙنفرانس -سلام بچەها صبحتان بخیر. -سلام ئاقای موٙعەلیٛم سوٙبحیٛ شوٙما هەم بخەیر. -…