دڵی عەوداڵ

47

دڵی عەوداڵ

موٙڵەتت موازونە  مەردەی، بازەم با بژیون. بژیونه‌ پەی ئانەیه‌ موژە‌کانش تەی کەرون دڵم. بازە با ئه‌چی کەشو خەیاڵیشەنە، هەواش هوٙرلوشون. بازە با چیٛش چراوی ئەوەکوشیاینیٛ بگریسنوشانه‌. بازە با ئەرخەوانە مەردەکان حەی بکەرون بە ڕەنگو باڵایش.

 موٙڵەتم بدە با تاریکایه‌‌کان ڕام پەنە نارانیٛوه‌ بەس و نەیارانیچ ڕوٙح نەکەران قەقنەس. ئاخر ئەر نیگامان نەهوٙنیان پیٛوە کامە هەسارە زەڕینیٛ ئاسمانو ئەوینینە مه‌نەخشیوٙن؟ تکانە موٙڵەتم بدە. موڵەتم بدە جاریٛو پەی هەمیشەی.

هەناسە ئەر بوەو توٙی نەدوٙنه‌ سەردەن و لەش ئەر تینی توٙش نەبوٙنه‌ مەردەن. زامانم تیمار بکەرە و ئی لایەلایه‌یه‌ چرپنە گوٙشانمەرە و دلیٛ بیٛشکیٛ دڵیتەنە بجمنەم. دەسپیٛچەنەکانم شل بینە، با ئەر نیازو گڕوگاڵیم بی دەسم بەربارونە.

 ئینکاری نمەکەرە. چنده‌ جاریٛ بواچون ئی پەڕ و ئەو پەڕ کەردەی ئه‌چی ڕوٙخانە وەرپانەینە مەلە زانای خاسش گەرەکه‌ن. لیٛرەی هاڵی تەنانەت پەی شەڕیچ دەردە نمەی. بزنەمەرە! ئه‌چی شارە چوٙڵە بیٛ ویٛتەینە بزنەمەرە! ئاسمانی بیٛ هەسارەم پەی چیٛشین؟ من دلیٛ ئی سیاویە بیٛ ئەو پەڕینەینە تەنیا ڕوٙشنایی توٙم وەسیٛن.  وەرچەمتەنگی پەی دالیٛو ڕوشنایی کارو توٙ نیەن، جوامیٛر بەو و بزنەمەرە.

ساوه‌و  ماچیم دارو وەشەسیایموٙ کەوتەرە دامنەت. ژیران ساڵان مەکەوتیٛ شوٙنەو جازبەی، ئەی توٙ کەفتی شوٙنەو کامە یاسای کە دڵم سەرو شوٙنش نەمەندە و ئه‌چا دورگە ناشناسەنە عەوداڵت بی؟ واز بارەنە، من فڕایم چکوٙن؟ بە کام باڵ و بە کامە هیٛز؟ من هەر جوجەڵە خشپە کەرەکیٛ بنەو باڵیچت بو وەسیٛمەن.

ئادرەس مەواڕە، توٙ ئیٛستەوەیم نیازەن. بازە با دڵ ئاسودە چەمیە چەرخنون دنیارە. خەمو ئەوه‌ گیٛڵای و نەگیٛڵایت کوشتیٛناش. یاگیٛت نموارە و پەرسگاو دڵیمەنە پەی ویٛت شاو بوتانی به‌نه‌. گرد ڕوٙیە مەگنون وەرو پایات و نەزر و نیازەکانمان بژنەوە، ئەی خوداییشا پەی کەی نیانەرە؟

 ئاوەزم پەیچیٛشین؟ کوٙم بەروٙنە؟ نا گیانە، ئه‌ندە عاقیبەت شەڕە نەبییٛنان هەڵای. من هەنا و چەمیه‌ی چەمەڕا و دڵیە بەرەڵا. من هەتیمچیٛنا. دڵیەم هەن، نەتوٙی هەزار شڕه‌ کوٙنانە هوٙرم پیٛچان. هەڵای نەماڵیانەرە، ئەر ماڵیشەرە ماڵو ویٛت بوٙ.

نەرمین رەحمەتی

 hewraman
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

فەتە و کوٙنفرانس

فەتە و کوٙنفرانس -سلام بچەها صبحتان بخیر. -سلام ئاقای موٙعەلیٛم سوٙبحیٛ شوٙما هەم بخەیر. -…