یانە ئەدەب و هونەر لاشیٛوی دڕیا، میٛلەتیٛوی دڕیایەن

لاشیٛوی دڕیا، میٛلەتیٛوی دڕیایەن

62

لاشیٛوی دڕیا، میٛلەتیٛوی دڕیایەن

خەمو ئاخریتان ببوٙ!!!!

شمە سەبوریو کیٛ مەدەیدیٛوە؟ مەردەکان؟ ژەنە مات و سەرپوٙش دڕیایەکان؟ مەڵاییٛوی کە زاڕوٙش دەوڵەت نامیٛشەن؟ پیایە شەوکارەکان؟ ئەڵماس خانو کەنوڵەی؟ هەڵو خانی؟ موٙتەکیٛلی حاکمو شارو گوٙرانی(پاڵنگان) جە ساڵەو ۷۰٦ ی وەڵ جە میلادی؟ دیٛوسەرشیٛتانەی حاکمو دیٛوەزناوی جە قاڕنەو ۵ی کوٙچی مانگی؟

شمە سەرسڵامەتیو کیٛ مەدەیدیٛوە؟ بە ئاراییٛشوە مەرگو ویٛتاننە بەشداری مەکەردیٛ، ئەریٛ؟

لاشیٛوی دڕیا هنو یەک دانە خانەوادەی نیەن. بوەو ئا لاشەیە ئینا وجودو ئیٛمەنە. وە ئیٛمە وەر جە جەسەدیٛوی بوەمان هوٙرئیٛستیٛنە.

ئینە میٛلەتیٛوەن تیرواران کریان نەک جوانیٛو. هەرگیز نمەبوٙ ئیشتیبا بکەرمیٛ. وە ئیٛمە هەڵای مەخومیٛ عەینو لاشیٛوی وەرم پوٙرە کەوتەی. هەڵای تەرکو خوەیمان نەکەردەن. مەزاندیٛ چی؟ چونکای وجودمان هاڵیوە کریان: نە حەماسیٛو نە ئوستوریٛو. وە جە بەرانبەرو هەر خیانەتیٛوینە چوٙک دەریٛنمیٛ. ئەچی سەرزەمینەنە گردچیٛو تەمام بیەن، ( نون خ)شاکارو نەقدیمانەن و قوڵتەرین زامەکیٛ دوکەڵو جگەریٛوی کە حەزمان مەوازوٙ زو بنیشوٙنەوە سەرو پەڵە هەورەکان و بلوٙ بواروٙنە دلیٛو دەریایە شەکەتەکان.

قوٙربانییٛنمیٛ. وە پەی پەرسەو ویٛتان هەنگامه بنیەیدیٛ کوڕ و کناچەکان. ژیوایو ئیٛمەمانان بیٛ ماناتەرین ژیوایەن. ژیواییٛوی سوک و سیس و سەرد. وەشبەختی! هەرگیز . ئیٛنسانی گوٙران زوان نەقشەو نابودیش کیٛشیان. وە ویٛمان ئەچی ڕانە یاوەری دەریٛنمیٛ.

مەشوٙم بە تیرواران بیەیو جوانیٛوی ئەوەڵین چیٛویٛو کە شەویٛ وەختو وتی بژنەومیٛنەش ئینە ببوٙنە: بوەو لاشەی گەنایمان. وە ئی بویٛ ببوٙنە باییس بپڕوٙمانوە سەرە، نەوسمیٛ، وە نەقشەو ئیٛنقلابیٛوی بکیٛشمیٛنە. هەتا بتاومیٛ ئا بویٛ جە ویٛمان دورە بدارمیٛوە.

وەختو ئیٛنقلابیەن، ئیٛنقلابو گوٙرانەکان. وە ئیٛمە مەرگو ویٛمان قەبوڵ مەکەرمیٛ و ڕەستاخیز مەکەرمیٛنە. مەیمیٛنەوە سەرو دەوری، وە ئەپاسە سرودە مەوانمیٛ قەلبەکانمان بوزمیٛنە هانو خروٙشیٛوی جاویٛدانی. وە لافاوو هونیٛمان ببەروٙنە کەشتیەکانو پەلامار دەران کە پاڵو شارینە نیشتیٛنیٛ ئەو لیتە.

وەختو ئیٛنقلابیەن…                                                                                                                                                                                                                                                                نویسەر: مەحمود قادری

زوان و ئەدەبیاتو گوٙرانی                                                                                                                                                                                                                                                                                           

 hewraman
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

فەتە و کوٙنفرانس

فەتە و کوٙنفرانس -سلام بچەها صبحتان بخیر. -سلام ئاقای موٙعەلیٛم سوٙبحیٛ شوٙما هەم بخەیر. -…