یانە هەواڵیٛ کاک ڕەفعەت و جاجمە 50 ساڵەکەو هەورامانی

کاک ڕەفعەت و جاجمە 50 ساڵەکەو هەورامانی

30

کاک ڕەفعەت و جاجمە 50 ساڵەکەو هەورامانی
ئاروٙ یانزەو مانگەو شش و دوە هەزارو ویسیوٙ جە خاکو غەریبیەنە، دوٙسێوی دیٛرین، وەش لەفظو کەلام، ئاگا، ڕوٙشنڤیر، هەرپاسە ئاشناو پارێزەر و هامدەردو خەڵکی بەشمەینەتی و هەژاریما تەحویڵو خاکی دا.
ئاروٙ تاکێوی مانیا وئازاد و ورەبەرزما  ڕەوانەو ماوای ئەبەدیش کەرد.
هەرچی وردبیانیوە تا بەڵکەم هەدیێو بیٛزووە کە تەعبیر جە ویەردەی و تارێخی و خاطراتی وەشی زاوڵەیی کاک ڕەفعەتیما کەروٙ، تا پیسە ئاخر یادگاریو وێم پەنەش بەخشو هیچی چامنەم دەست نەکەوت.
پارچێو جاجمو هوٙرامانیم لاوە بئ کە پێسە بیبنی بەکارش ئارێنا. عەمرو ئی پارچە جاجمیە 50 ساڵیٛ بیٛ. ویرم کەردۆ ئا عانە کاک ڕەفعەتما ئینا وەشتەرین دوٙرانو پەنج ساڵەیی و زاوڵەییشەنە هەڵای وەڵات وەشا، وەڵات ڕەنگینا، موٙحێبەت زاڵا،خەڵک سەربەویٛن بە زوانێوی سادە خەڵک ئازادا و وەڵاتیچ پێسە ئیسەی وێرانە نیا.
ویرم کەردۆ ڕەنگا مەنظرەو لەتەرەڕێسەکاو جاجم کەرەکاو ئا عانەو دەگاو خەرپانی تابلوٙییٛ نایاب و وەشبوٙ کە کاک ڕەفعەت چەنی وێش بەروٙش چێرو خاکی. ئانە بیٛ کە ئیتر قەرارو وێم دام و جاجمە پەنجا ساڵەکەو هەورامانیم چەنی کاک ڕەفعەتی ئازیزیما کیاست دلیٛ خاکی، تا بەشکەم بتاووٙ جە سەرداو خاکو غەریبیەنە چەنی یوٙتری جاروبار ڕاز و نیازێوشا بوٙ پیٛوەرە، تا بەشکوم بتاوا دەردی دڵێو کەرا پێوەرە.
ڕوٙحت شادو یادت هەردەم زینڎەن لاماوە ئەی ڕەفێقی دێرین.

 فەرزین خوسرەوی

سەرنجە: ئی نویستەو کاک فەرزینیمە فرە لاوە وەش بیٛ، کاک ڕەفعەتی رەحمەتی زەمانیچ هامڕاو منیچ بیٛ، پەی زیندەئاستەی یادیش وەڵاوگاو هەورامانینە وەڵاوش مکەروە.

کاک رەفعەت خەرپانەیی ڕوٙ 7/6/2020 بە نەوەشی کروٙنای وەڵاوتو سویسدی، یوتوبوری پەی هەتاهەتای ئاستیمیٛش جیا، ئاروٙ ئەسپەردەو خاکی کریان.

 hewraman
Load More In هەواڵیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

دیوانو میرزا شەفیٛعی کولیای چاپ و پەخش بی

دیوانو میرزا شەفیٛعی کولیای چاپ و پەخش بی ئی هامنە ڕاوەبەری ڕوٙشنویری و هونەرو هەڵەبجەی کو…