یانە گردین بنیادٚمیٛ بە جوٙریٛو جە جوٙرا با بە چوار بەشیٛ و ڕەنگا تەنیا جوٙریٛوشا تەقوٙ دڵەو.

بنیادٚمیٛ بە جوٙریٛو جە جوٙرا با بە چوار بەشیٛ و ڕەنگا تەنیا جوٙریٛوشا تەقوٙ دڵەو.

101


بنیادٚمیٛ بە جوٙریٛو جە جوٙرا با بە چوار بەشیٛ و ڕەنگا تەنیا جوٙریٛوشا تەقوٙ دڵەو.

نوٙعو یوٙوەمی: حیلەگەریٛ و زوٙڵیٛ. ئەگەرچی بنیادٚمیٛ فیٛڵبازیٛ و حیڵەگەریٛ ممکینا جە کوٙتا زەمانەنە بیاوا فرەو هەدەفەکاشا و قوٙربانیەکیٛشا دیٛر بە مەکروو فیٛڵەکاشا بزانا، بەڵام ڕویٛ جە ڕوا هەرمانەلارەکیٛشا بەرگنا و مەشاریاوە پەیشا. ئاوەختەنە کە ئیٛتر تریٛشتەشا بوٙڕیٛشش نمەمانوٙ و تەنیا مەناوە.
نوٙعو دوەمی: بیٛحیا و بیٛحوٙرمەتیٛ: ئیٛ جوٙرە بنیادٚمیٛ لاو ویٛشاوە ویٛشا بە شوٙجاع مزانا و هەمیشە گەرەکشانە حەقو گردٚ کەسی بە زوٙر کەرا حەقو ویٛشا و تا ڕادیٛویچ بە زاهیٛر موەفەقیٛ بییٛنیٛ. چوون ئیٛدٚیٛ شەڕ ورەشا و تەرەفشا وەرو حیاو ویٛش کوٙتا میٛ. بەڕاسی پاسە ویر کەراوە کە حەقشانە! یا ئەسڵەن جە تەرسنای خەڵکی تەری بە هەڕەشەو گوٙڕەشە فەخر کەرا و حەزش چەنە بەرا. ئینەنە ماچوٙ:«حیادار جە حیاو ویٛش تەرسوٙ بیٛحیا ماچوٙ جە من تەرسوٙ.»
نوٙعو یەرەمی: بنیادٚمیٛ ساویلکیٛ و سادٚیٛ. سادٚەبیەی موٙسیبەتا هەم پەی ئا شەخسیە و هەم پەی تەرەفی وەراوەریش. پەی ویٛش کە موٙتەئەسفانە هەمیشە ئینا دلیٛ پانە و ویٛش بە گوٙلانە مزانوٙ و ئازارە وینوٙ. هەم پەی وەراوەریش کە چوون کوٙمەڵگاو ئیٛمە کوٙمەڵگایوی روٙشد نەیافتەن جیاتی ئانەیە کوٙمەکو بنیادٚمی سادٚەی کەروٙ، بە پیٛچەوانە، یام تەحقیرش کەروٙ، یام ویٛش گەورەتەر چانەیە کە هەن مرمانوٙ. ئانەنە کە ئادٚیچ گنوٙ دلیٛ سەهویٛ! ئەچوٙش چیٛویٛوا بەڵام هیچ نیا!
نوٙعو چوارەمی: بنیادمیٛ عەقڵانییٛ و ویرمەندٚیٛ. کە توانایی و گەورەیی تەنیا جە عەقڵەنە وینا. هەریاگیٛو لازم بزانا مدرامان کەرا و هەریاگیٛو بزانا حەق بە وەراوەرەکەیشانە حەقیش پەردٚاخت کەرا. ئیٛسرارشا سەرو ئیشتیبایەکاشاوە نیا و کوٙشش کەرا کە تیٛکراریٛشا نەکەراوە. داواو عەفوکەردٚەی جە وەراوەرەکەیشاوە هەرگیز بە عەیب و ئیرادٚ نمەزانا. ئادیٛ بیٛ حیایی بە شوٙجاعەت نمەزانا. زوٙری بە قوٙرەت تاریف نمەکەرا، چوون مزانا عمرو زوٙری کوٙتان بەڵام قوٙرەت ئەوەمەنەیش فرەتەرا. حیلەگەری و فیٛڵبازی بە زرنگی نمەزانا. هەرچیٛویٛوی یاگیٛ ویٛشەنە وینا و مشناسا و قوٙربو ئەرزشش پەی منیارە.
وەلی فەتاحی


 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

بە بوٙنەو ڕوٙ ئوٙروپایی فرەزوانی، ٢٦ مانگەو سیٛپتامبری

بە بوٙنەو ڕوٙ ئوٙروپایی فرەزوانی، ٢٦ مانگەو سیٛپتامبری ٢٦و مانگەو سیٛپتامبروو گرد ساڵیٛو ج…