یانە هەورامانی بشناسدیٛ وەڵاوگاو هەورامانی و ئەرکو سەروشانەیش

وەڵاوگاو هەورامانی و ئەرکو سەروشانەیش

106

وەڵاوگاو هەورامانی و ئەرکو سەروشانەیش

سایتەو هەورامان نێتی دویٛ ساڵیٛ و نیمەن هەرمانە مەکەروٙنە، جە بنەڕەتنە پەی ئانەی مەرزیێنەرە کە هەرچی نویستەی هەورامی هەنەن بە بیٛ جیاوازی پەیلوای و ویری و جوٙرو نویستەی وەڵاوش بکەروٙنوە، تەنیا بە نیاز و مەبەست و پاریزنای و کوٙگاکەردەیو نویستەی هەورامی و پاریٛزنای زوانەکەیمان جە خاموٙش بیەی، چی ویارەنە دریخیم نەکەردەن جە وەڵاوکەردەی نویستەیو گردو نویسارەکانو هەورامانی، یانی سایتەو هەورامان نێتی یانە و پەڕەو گردیمان بیەن. ئەگەر بابەتو نویسارێوی هەورامیم نیارەو چەنی پەیلوایو توٙ نەگونجیا، ئانە وەڵاوگاو هەورامانی و یانەوەیەکەش وەرپەرس نیەن چەنەش، ئانە پەیلوایو نویسارەکەی ویٛشەن،  پەیلواو یانەوەی نیەن. ئیمەی هەورامی تاقە سایتێوەمان هەنە و گەرەکمەن  ببوٙنە بە سەکوٙو گردو پەیلواجیاوازەکانو هەورامی، پەی گردو نویستە جیاوازەکانو هەورامانی. هەریوٙمان بە جوٙریٛ یام بە تەشکی جیاواز مەنویسوٙنە، سایتەو هەورامانی وەرپەرسە نیەنە جە پەیلوایو نویسارەکانیش. وەلێم جە هەمان کاتنە منیەوشرە، ئیتر توی هامرام نمەبوٙ قینیت جەمن بگنوٙ، وەختەکارێنە توٙ نویستەی هامڕێوە هەورامی منت گەرەک نیەن.

شوٙنیەرە سەرنجە مڎەو کە بڕێ جاریٛ نویستەو چندە برادەرێ تەنانەت هنو ویٛچم، لوقەتیٛش وەنە مەگیران و مەواچان ئینە کەی هەورامین نویستەنت، کەی هەورامی پاسنەن، کەس نمەیاوشنە، من وەلتەر جە واتارێنە ئانارەم کەردەبیٛ پی جوٙرە پەیلوایە، کە وەڵتەریچ بیەن و پەرچمان دانەو،  گرفتەکیٛ ئانیٛنە ئاکەسیٛ کە لوقەتیٛ مەگیرانیٛ ویٛشان یەک کەلیمە هەورامی یەک پەڕە نویستەی هەورامیشان نیەن و نەنویستەن، یام ڕاچارمان پەی نمەنیارە و بواچان ئەپاسە نا ئەپیٛسنە بنویسدیٛ، دەی ئاسمان بەرزو زەمین نزم، من کە لوٙقەتم گیٛرت مەشوٙ پەرچەو لوٙقەتەکەیچم بوٙنە ڕانمونیش بکەروٙنە. یام هیچشان نیانپەنە مەواچان ئیمە کەسی بەڵەدو خاوەن مەدرەکمان نیەن، ئینە هەرمانەو بڕاونامەدارانە! دەی براکەم کە ئینە هەرمانەو بڕوانامەداری و تەخەسوسینە توٙ چی لوقەتیٛ بیٛ یاگیٛ مەگیٛرینە. تەماڎارەنی بنیشمیٛ تا مەدرەکداریٛ جە ئەڎای بانیٛ و بەیان بە هەورامی بنویسان. بڕوانامەداریٛچمان هەنیٛ، وەلێم دەگاپەرسیٛ گاڵتەشان مەیوٙ وەنە.  دڵنیا بیدیٛ نویسەری هەورامی هەتا پەیش بکریوٙنە واتیٛ هەورامی رەسەنیٛ بەکار ماوەروٙنە، ڕەنگا دەگاکیٛ توٙنە ئی واتیٛ نە بوٙنە وەلێم لاو منۆ هەنە، مەشوٙم پی جوٙرە باریشەو دلیٛو تومارەش بکەرینە. چونکە ئا نویسارە هەورامییٛ تایبە ویٛشا نیانرە پەی هەورامی نویستەی، حەزیچ مەکەران جوانترین و ڕیٛک و پیٛک تەرین مانادارتەرین نویستە بنویسانیٛ وکەلک جە بەڵگەنامە کوٙنەکانمان هوٙربگیرانیٛ، جە شاعرانو گورانی- هەورامانی، هەرپاسە هەردەم ئینێ تەقەلان پەی زینڎە کەردیەو گردو ئا کەلیمان کە خەریکە بفوٙتیان دلیٛو لەهجە جیاوازەکانو زوانو گورانینە.

یاگیٛ تەرۆ بوختانی پەی وەڵاوگاو هەورامانی مەکەران، ئاکەسیٛ کە بوختانی مەکرانیٛ، ویٛشا سەروەنە شیٛویێنیٛ و زوانو فەرهەنگو ویٛشان ورەتەن، دەمێو مەواچان ئینە ئیتلاعاتو ئیرانی نیانرە پەی فوتنای زوانو هەورامی، یاگیٛو تەروٙ پینە تیٛر نمەوەروٙ مەیوٙنە مەواچونە ئی سایتە پکاکای نیانرە پەی نابودی زوانو هەورامی، ئی کەسیٛ خاس مزانو پەیلوایشان چەنینە و کیٛ چوٙڵەخرتیٛشان مەڎوٙنە، وەلێم بوختانەکیٛشا پیٛسەو کەرگڵیٛ دەمو واو پایزی ملوٙنە هیچ شوٙنەمای جیا نمازوٙنە. ئینڎا سایتەو هەورامان نێتی ئنڎەو توکاو سەرەو شمەی ویٛورەشی واتیٛ و ڕستیٛ و واتاریٛ هەورامیش وەڵاویٛ کەردیٛنێوە کوگاش کەردیٛنیٛ و پاریٛزنێنیٛش، توٙ نمەزانیچ هەورامی بنویسی وەلێم دەمت گەرمەن پەی بوختان کەردەی.

واوەی مەواچونە وەڵاوگاو هەورامانی بە بیٛ جیاوازی هنو گردو هەورامیەکان، ئینا خزمەتو فەرهەنگو زوانو هەورامینە، دڵنیایچتان مەکەروونە کە چوزەش هەورامانەنە کەردەن و ڕیٛخیٛش بەئاوەو هیچ لایێوە نەدارێنە بیٛجەگە وەرواوەو هەسونیٛ و داڵانی، ڕوٙ بەڕوٙ  قەد وباڵاش نەخشین تەر مەبوٙنە، وە جە خزمەتیچ سەرەمڕەن بە پەشتیوانی خوای و دڵسوزانو هەورامانی.

د. ناجح گوڵپی  یانەوەی وەڵاوگاو هەورامانی 2/5/2020

 hewraman
Load More In هەورامانی بشناسدیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەژمارە و پیمانە و ئەنڎازە؛ کە جاران هەوراماننە بەکارئاومێنیٛ

ئەژمارە و پیمانە و ئەنڎازە؛ کە جاران هەوراماننە بەکارئاومێنیٛ  پیمانە و ئەندازە و ژما…