چنوریٛ

121

  چنوریٛ 

ئە ی بووڵاوە بڎە ی سە رە تە رە کناچیٛ، ئە ی زە ل پیمی یاخوڎا، ئە من ویٛم بە د بە ختیٛی وخەفەتیٛم کە میٛنیٛ توٙیچ ئینە مانگیٛوە ن زوٙخیٛ عالەمیت کە ردیٛنیٛ دڵمە رە، حە تا ئیسە چوارپە نج دەحفیٛچ پە نە م واتیٛنە بە ڵام حە رسە رە مە وزوٙرە و چیرولچانەنە دە س مەکەروٙ بوٙڵە بوٙڵ منیچ مە جبوورە مەبو بکیانوشۆ سە رو یاگەکیٛشوٙ بنیشوٙرە، بە ڵام ئیترنیاوان گیانم وتاقەتم نەمەنە ن، مشیوٙ ئاروٙ بە حە ر لە وٙنەی بوٙ قسیٛش چە نە کیٛشوورە بزانو پچی پیٛسە مە کە روٙ، حە رچی فکریانیٛنە ئەقڵم بڕش نەدا دەلیلەو ئی کارەیشە بزانوو، بەرپا: ( اللھم صلی علی محمد وعلی آل محمد ).

بە رجا سڵام وٙەشەسیاکانم حاڵتان وە شە ن، تەمرینەکیٛ ھیزیتان ماشەڵڵا بیٛعەیب و نە قسیٛبیٛنیٛ، ئا دەس و پەنجەتانە وە شبوٙ، ھانا گیان بوٙ بەرە بدەشانوٙ پەنە، چنوور ئابوٙ ئیٛگە بزانوو مەگەر ئەمن یاگە گەمەو توٙنان، ئینە چوار پەنج دەفحیٛن تەمرینیٛتان پەنە مەدەو ھەرچند بیٛغەڵت و بەخەتیٛوە فرە وە ش بەڵام دلیٛ دەفتەریٛوە چڕچ و لوٙچ و لاپەڕە چڵکنە کانشەنە مە نویسیشان، حە رچیچ پەنەت ماچوو پیگوٙشتەرە مە لوٙ و پەویرە بە رمەشوٙ، وە ڵڵا وبیلا ئەگەر دەلیلەکیٛش نەواچینە کیانوٙت دەفتەر حەتا تەکلیفت ڕوشنکەرانەی، ئاخر گوٙشنەدە ی بەقسیٛ یوٙی حەد و حدودش ھەن، پچی ویٛت کەردەن ماری توٙپا، واچە بزانوو عیٛللەتوو ئی کارەیتە چیٛشە ن، قەیرەیش پەنەشی یەک دەفحە دەسش کە رد گرە وە و ھوٙڕە، دەسم نیاچیٛرو چەناکەیش و سە رەم ھوربڕنا حە رچەمم لوا چەمە کاڵەکانشەرە کە بیٛیبیٛنیٛ پلوو ونیٛ و غەمیٛوە گەورە دلیٛشانەنە دیاربیٛ، ئایرم گرت و وەقرەم بڕیا، عاقیٛبەت بە حاڵەتیٛوە کەدیاربیٛ خەریکەنە عازاب مەکیٛشوٙ، بەگرەوە گرەو دەنگیٛوە فرە خەمناک واتش: (( ئیجازە خانم مەعالم بابە و ئەم فەعەلەبیٛ بەچە بەدبەختی و چارەڕەشی، ئیٛمە پارجە حەینوو ھەرمانیٛنە سەرو دیواریۆ کەوتەرە و سمتیٛش میٛڕیای چمکە بیمەو کە س و دەسش نەویٛ نەتاواش خەرجوو عەمڵیش کەروٙ ئەرەکەفتە بیەن و ئەدای بەدبەختەم کە نەوەشەنە و ئارتروٙزو ملیشەن بەحەر بەدبەختی و گیانکیٛشاوە مە لوٙ کارەکەری دەوڵەمەندە خوداپەنەدان تا حەق دەسەی کەمش بدان پەنە و ئیٛمە پەنەش بژیومیٛ.

ئی برجە ھەڵای نەتەمامیان ھەتا حەق دەسەکەش بدان پەنە و کە دەواو دەرمانش چەنە بسانم پەی بابیم، پەی ئەدالیٛ چارەرەشیٛم کە جارەی جەپای نەگنوٙ و ئیٛمە بژیونوٙ دەفتەریٛوە تازەیچ بسانان پەی ئەمن کە ئیتر مەجبوورە نەبو بنیشوو دیارۆ ھەتا براکەم ساڵەی جە ئەم گە ورەتەرەن و کەڵاسەو چواریەن جەمەدرەسەنە بەیوە و بنیشوورە بە حەر بەدبەختیەی ھەن حە رچیش دلیٛ دە فتە رەکەینە نویسەن بە پاکونیٛە چڵکن و نیمداشت پاکش کە روونوە و حە رچی سەلیٛقەم ھەن بە خە رجش بدەونە و تەمرینەکانم بیٛغەڵەت و بەخەتیٛوە وە ش و جوانخاس دلیٛ لاپەڕە ژاکیا و چڵکنەکانشەنە بنویسوونە، بەخودا حەرچی ویٛم مەکشوو، ویٛم مەڕوو چا خاستەربەرنمەی، ئیسە دڵت مە ردە رە و ڕازیە بیەی، ئیسە ئیجازەم ھەن بلوو جە بەرۆ دویٛ گوڵمیٛ ئاوی بوەروونە ئاخرگڵوەم  وشکە بیٛینۆ و ناقم گیریان)).ئەیرم گیٛرتەبیٛ و وەقەرەم بڕیابیٛ، واتم لوە لوە ھە تا دڵت ئیناپوٙ ئاوی بوەرە توٙ بی خودا بەخشەم  من ئاگام ئەچینەیە نەویٛ، وەیلا پیٛسە سەھوە و نەدانەم کاریٛیوە نەکەریٛنیٛ، چنوریٛ جە کەڵاسەکیٛنە زیارە مدیەو چندەھا جفتیٛ چەمیٛ پەڕ جە غەم و ھەڵسان  زاق مەدیان پوٙرەمەرە مەژگم ئامەبیٛ قوڵ وھەڵسی زوٙرشان ئەوردەبیٛ کە جە چەمانمنە بیانیٛ بەر وەلێم پە ی ئانەیە مسیارەکیٛ گروایەکەیم نەوینانیٛ و خەفەتی چا زیاتەر بلوٙدڵشانەرە پەشتیم کەردە ئادیشان، خراویش ئانەبیٛ نەتاویٛنیٛ بەدەنگی بەرز بگرەوونە پەی ویٛم، پەی چنوریٛ و ھەزاران چنوریٛ تەریٛ بە بەھانیٛ ئانەیە کە ونەو لووتیٛم وەرە بیٛینە بە پەلە جە کەڵاسەکیٛنە زیانیٛرە.

 ئینە پەنج ساڵیٛن چنوریٛ و ماباقی ھەم کەڵاسەکانش تەماداریٛ ئەوە گیٛڵای ئەمنەنیٛ، جە خەیرەو مە عالمی ویەردان مە بنیادم چندە سەبر و تامڵش ھەن، دووکانە گولانجڵیٛوە سیپاڵ وراسەیم نیانەرە و بەحەرچی خودای کەردەبوٙ قسمەت ڕازیەنان، وە زنیەن روٙحم کەمتەر عازاب مەکیٛشوٙ ! حەرخەم و خەفەتوو کەمدەسی کناچڵیٛوە ئیٛفلیجیٛ و شویٛوە فەوقەلیسانس و کوٙلبەریم وەسیٛن، وەلێم حەر گلەیٛی بان چەنەت ئوٙسا کەریم: (( بە یکی دھی گنج گوناگون — بە یکی نانی آ غشته به خون )) .

نویسار:  یزدان لطفی

 hewraman
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەژمارە و پیمانە و ئەنڎازە؛ کە جاران هەوراماننە بەکارئاومێنیٛ

ئەژمارە و پیمانە و ئەنڎازە؛ کە جاران هەوراماننە بەکارئاومێنیٛ  پیمانە و ئەندازە و ژما…