یانە هەورامانی بشناسدیٛ ئەلوەدا، شیٛخی ڕیشەدار جە شیٛخەکانو ھوٙرامانی

ئەلوەدا، شیٛخی ڕیشەدار جە شیٛخەکانو ھوٙرامانی

217

ئەلوەدا، شیٛخی ڕیشەدار جە شیٛخەکانو ھوٙرامانی

بوٙنەو کوٙچی دمایی کاکە باقی شەفیٛعی،شاعیٛر،ھوٙنەروەر،دڵسوٙزپەی پاریٛزوانی و گلیٛرکاری کەلەپووری ھوٙرامی.

یوٙجە  جە تایوەتیە ڕیشەدارە فەخرخوٙڵقیٛنەکا خەڵکوو ھوٙرامانی دیٛرزەمانوٙ تاڕوٙزگارو ژیوای کاکە باقی بە شاھیٛڎی سەڎان کەشکوٙڵ،بەیاز(دەس نویس)جە حەقایەت،شیٛعر،ویەردەوانی [میٛژوو]،سەرئامای تاڵو شیرین وتا .د… پاگرتەی و سەرھوٙر ـ دای ژیری،زانایی ونمانای ئیراڎە ھەرپاسە بەروستەی توانای پەشت بینیا بە فیٛرکاری ویٛ وەڵاتی (خوٙماڵی) ھوٙرامانی بیەن. ئینە کە دانسقەیی کەم ویٛنەش بە وەرپانی پوٙدیارەن .

ڕەنگا بەشەکا تەری وەڵاتینە فرە کەسایەتی ویٛڕسکیٛ چیٛمنیٛ مان بانی کە شوٙنەو زانیایی و عیٛلمی کەوتیٛبان، سەفەرشا پەی دوورەوڵاتاکەردەبوٙتا تەجرەبەو زاناییشا باڵاکەروٙ.ئینە بەگردوو پیمانەکاجە ھوٙرامان سەروملش بە ھوٙرسەنگنای چەنی یاگەکا تەری وڵاتی بەرزتەرو گەنجینەی بە قیمەتش دەوڵەمەنڎتەر ھمارکریان.

ئەر گوٙشەچەمیٛ وردتەر وزم ئەو بەرھەمە جیامەنە وەرپانەکا دەسڕەنجو ژەن و پیای ھوٙرامی یان ھوٙرامی بەرھەمی ، ئاوەختە یاگیٛ گلەیی کەس یان کەسانیٛ پەی تانەوەنە دای و ویٛ ھوٙرکیٛشایمان ڕاش نمەگنوٙتا واچان ناحەقیمان کەردەن.

 سەربارو ڕەنج بە کوٙڵی و مانیایی نەژناسی ھوٙرامیەکا چ پەی کاسبی و نەخت کەردەی بەرھەمی دەسی یا حاسڵاتوو باخەکاشان، ویٛڵی شاران پەی ھەرمانبەری، فرەوفراوان جە مەشایخە دەس ڕەنگینەکا ھوٙرامانی پەنە یاوای ویٛشان و دەسە یاوی بە ھوٙروەزای ئەو بەرزی قولەو زانایی  ویٛژە و یٛژەوانی یا ھەربواریٛتەربیەبوٙجە ھانەی ھەمیشە پەڕجوٙش و خروٙش و زەراڵ و دەوڵەمەنڎی ھوٙرامانی ھوٙرگوٙسەن.

باس کەردەی یا نامەبەردەی یوٙ یوٙئابڵیمەتا جە توانا ئی نویسەکوتایە نمەگونجیوٙ. چیٛگە حەزو نویسەری ئانەن ئیشارەتی کوٙتا وزیوٙ سەرووئاحەولە گەورە،بەرھەمدارە دەوڵەمەنڎە ویٛڕسکەینە وڵینانمانەن یاونا دەسو تاکیٛ پیٛسەکاکە باقی  تادیسان پیٛخاموو نمانای ئیراڎەو ئاشکرا کەردەیوٙ توانای تایوەتی تاکی ھوٙرامی یاونوٙگوٙشیٛ وەچەو ئاروٙی .

کاکە باقی خزمەتکاری بیٛ بەشکریا جە وانای، خزمەتکاری پلە واری مەڎرەسەی، کەمدەس پیٛسە فروە ھەژارکریاکا ھوٙرامانی کە دایم چەنی ئەژدەھاو ژیوای پەی تیٛرکەردەو لەمەو زاڕوٙکاش جەنگ و داوانەبیٛ، ئاژیوای تاقەت پڕووکنە کە سەرتا پاو لەشوو ھوٙرامانی چیریشەنەناڵیٛ نەتاواش مازیش چەمنوٙبەڵکوو ھوٙش و ویری بەرزەفڕش لاپاڵوو گرفتە گەورەکا ژیواینەوست سەرووڕاسەڕاو ڕچەوباوو باپیریش تا تاووٙواچوٙ: “بەھەشتی عەشقە ئەم ھوٙرامانە” .

ھەریاگیٛ عیٛشق، وەشەسیای، ئیراڎەو متمانە بە ویٛ بیەی کریوٙ سەرچەمە ،فرەو پەڕچینەکاوەرگرتەیشان تووشوو مەڕیایی کریوٙ.

ئینە ئا ھەرمانە فیٛرکارانەوھیٛشتاربە برەویٛ بیٛ کە سەردەمانی فرە دماتەرجە ژیوای میرزائەولقاڎر،میرزا شەفیٛع، سەیدی ، تا بیٛسارانی و مەولەوی و سەڎانی تەرھەمدیس کاکە باقی پیٛسە مەشایخەکا وەڵیٛ ویٛش تەنیا بە پەشت بەسەی بە ئیراڎەو ویٛش ھەڵبەت بە یاردی چنوورەکەو یانەیش پەی نمانای ھەرەقەتینی بوٙ چنوورو شاھوٙی وستش ئەو سەروو شانە ی شکوٙ ـ داریش .

کاکە باقی دەنگوو شمشاڵە ئارامبەخشەکەیش چەنی سوٙزی سوٙزداری شیٛعریٛ ویٛمانیٛ تیٛکەڵ بە یوٙی کەردیٛ تا قەراخو کەلوپەلە سەرەتاییەکا ژیوای خەڵکووھوٙرامانینە دەسەملانیٛ یوٙتری پەی فیٛرکاری نەسڵەکا دماڕوٙی وڵاتە ساحیوکەرامە تە کەیش بان .

باقی شاعیٛر، باقی ھوٙنەرمەند، باقی پاریٛزەرو نەریتەکا ژیوای جە ھوٙرامان بە گردیوٙی دەسەڵاتدارو بیٛ دەسەڵاتیٛ وڵاتی سەلەمناش کەس تواناو ڕاگیری، ئیراڎە و قورخ کەردەی ئیراڎەو ژیوای سەردەمیانەی ئی خەڵکەڕیشەداریشە دریٛزماوەنە نیەن، ئاڎ نیشانەش دا بە دەس و گیرفانەی بەتاڵ تاکی ھوٙرامی ویەردەی سەربەرزانەش ھارپاسە تا ئاروٙ یاونان دماڕوٙویٛش سەروو ڕیشە دیٛرینیەوویٛش بە سەرئەنجام یاونوٙ. یاڎ و یادگارونامیٛش بەرزتەر.

[چنوور نامیٛ یوٙجە جگەرکوٙشە دڵسوٙزو یاردیدەرە کاک باقی] .

سدیٛق بابایی ٤/٤/٢٠٢٠

دەس نویسیٛ پیٛشکەشی تایوەتوو کاکە باقی شەفیٛعی کە ساڵەو١٣٨٥ مانگی ١٢٠٦زاینی بە نویسەری.

 hewraman
Load More In هەورامانی بشناسدیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەژمارە و پیمانە و ئەنڎازە؛ کە جاران هەوراماننە بەکارئاومێنیٛ

ئەژمارە و پیمانە و ئەنڎازە؛ کە جاران هەوراماننە بەکارئاومێنیٛ  پیمانە و ئەندازە و ژما…