یانە زانای ویروسو کروٙنای ئوروپاش ئاوردەن زیلەتەر و زەنگو هەڕەشیٛش زڕناوە.

ویروسو کروٙنای ئوروپاش ئاوردەن زیلەتەر و زەنگو هەڕەشیٛش زڕناوە.

96


ویروسو کروٙنای ئوٙروپاش ئاوردەن زیلەتەر و زەنگو هەڕەشیٛش زڕناوە.


سوچڵانیٛوە ویروس دنیاش کەردە وڵەو و نەفەس کەشش نیەن ، تەرسی و وەحشەتیٛوەش وستەن دلیٛ وەڵاتان ئەوپەڕش دیار نەووٙ. ئانە سەرمایەدارو و سیاسەتمەدارەن وڵە بیەنە دینار پەیش.
کروٙنا ڕەحمش نیەن مواچی لەشکەرو موٙغوٙلی و ئەرتەشو ئامریکای پیٛسە داعەشیٛ و شیٛتی دەسیٛ مەشانوٙ شەلو قەم مەکەروٙ نمەپەرسوٙ کیٛنی چن ساڵیٛتەن ،کوٙڕو کیٛنی جولەکەنی یا موٙسڵمان ، دزەنی یا حیز داش بنەو گوٙشو هەر کەسیەرە سیٛخش مەکەروٙ یا کابرا فرە شانس دار بوٙ گوٙشیش مەزڕیانیٛ و چەمیٛش هەساریٛ مەکەران.
ویروسو کروٙنای دنیاو مافیاو سەرمایە داریش تەحتیلە کەردەو و یەخیٛ مەسەرفگەراییش دڕیە و بەرەو کارخانەو فەسادو سەرمایە داریش هاڕدەنە یوٙ ، نیشانەش دا ئیٛقتساد یانی پەشم و کەشکی تەنیا وەسیلیٛوەن پەی بەردە کەردەی بەشەرەکانو ئیٛستعمارو دنیای بە دەسو وەڵاتە ملهوٙڕەکانوٙ ،بە قەوڵو بڕیٛ ڕوٙشنفکران نەزمی نەوینی جەهانیش شیٛونان و بازارشانش تەختە کەردەن.
نیشانەش دا دنیا تەحتیلەیٛچ بوٙ مەکریوٙ ، دنیایوە وەشتەرەنە فرەیچ خاستەر ،تەمیستەرەنە هیچ نەو دوکەڵو کارخانەو زوٙڵمو زوٙری و ناعەداڵەتی سەرمایەداری جاریٛ نمەلوٙ هەڵقمانەرە.
نیشانەش دا پوڵیٛوە کە ئاڐیشان بە شیٛوەی ویٛشانە باو کەردەن دنیارە پەی تاسنای و هوٙسار کەردەی دنیای بەکارش ماوران وەیٛلا هیچ ئەساسو بنەمایوەش نیەن. هەی ئیٛنسانی فشەکەرو و غەربی جە تەسەورو ئیٛمەنە موٙدیٛڕن ، پچی نقت چنیان نمەینوٙ گوٙ ؟؟؟
کوٙن ئا بەهشتە خیاڵیتانە وەشتان کەردەن بە بوٙقو زڕنا مەچڕدیٛش گوٙشیٛ ئیٛمەرە ،بەش کروٙنا بوەروٙتانو بوٙ سەرەوەرو سیستمو سەرمایە داری ، سیستمیٛوە نا هەقو نا بەرابەر سیستمیٛوە قەیخا و ڕەعیەت وەشکەر ، سیستمیٛوە زدیٛ ئیٛنسانی و گرد چیو بە پوڵ وینای کە بە ئەبزاریٛ چەم پەڕ کەریٛ زەریفیٛ مەسنوٙعییٛ نامیٛشان نیاینیٛ هەقوقو بەشەری و دیٛموٙکراسی و هەقوٙقو ژەنیٛو بەرابەری جنسی و دینی و چرت و پرتیٛ پی قسانە هیچ غارتشان کەردیمیٛ و بیەمیٛ بەردەو و موٙستعەمەرە دوٙلاری و غەربی ، شعور و فەرهەنگو و ئیٛنسانیەتو حوٙرمەتو و گەورەو وردی واڵەو براو خانەوادیچشان چەنە ئەسەیٛمیٛ و نامیٛ وەشەو ڕوٙشنفکریشان پوٙوە نیایٛمیٛ تا تەمام نقما بچنان .
کروٙنا پەل پسانوٙ پەلو سەرمایە داری مەوڕوٙ ، ئاوەخت پەی پەلیٛوە نانی لەمەو یوٙیشان دڕیە مەزانمیٛ ئیٛمە گرد چیو ما هەن ئاڐیٛ تەنیا پوڵشان بیەن ، ئەگەر غەرب پی شیٛوە دنیاش گرتیٛنە دەس سەرگە وەریٛسش جە دەسشەنە بەرە پشوٙ ، ئیتر جەنگو و تاڵان و ئیٛستعمارشان بە شیٛوەی نەزمی نەوینی جەهانیشان جە دنیانە ڕەنگەن موتەوەقف بوٙ ئاوەخت پەکەو نان واردەیچشان مەگنوٙ ئاڐیٛ مەمانانیٛوە ویٛشانو سەنعەتشان با تریتو سەنعەتیشان بوەران بە ئیٛقتسادوٙ .
کروٙنا هیچ نا بازارو زاڕوٙڵە بازی پەڵاستیکو حەڵەوی و ئاسنیش تاوناوە و کەردش پەڕوٙ شڕە.
کروٙنا نیشانەش دا نە ئاسن و نە ماشینو نە حەڵەوی دەردەش واردە ،لانی کەم پەی ماویٛوەیچ بیەن حەرەکەتو نابودی زەمینیش جە مەسرەفی فرە جە حەدو مەعادنیەنە جە دەسو ئی سیستمە موٙدڕنە بیٛ ڕەحمەینە مدرنا .
هیچ نا کروٙنا پەنەش واتیمیٛ تەنیا بەڐەنی سالم و خوٙراکو ئاو نانەن جە تەگنانە میاو فریاو بەشەریەتی نە تکنوٙلژی و سەنعەتی بی ڕەویەو بیٛ مەسرەف.

هوٙنیار هورام 22/3/2020

 hewraman
Load More In زانای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەورامی فڵتە فڵتا یام ئا چیٛوە قەرچیێ و ئاوسبیەێو دەسو ئیستعماری درکناش؟

هەورامی فڵتە فڵتا یام ئا چیٛوە قەرچیێ و ئاوسبیەێو دەسو ئیستعماری درکناش؟ جە پەرچەو ئا کەسی…