یانە گردین هەلبجەو هوٙرامانی دیمەنو ملەتیٛوە بیٛ ساحیب و بیٛ یانەی

هەلبجەو هوٙرامانی دیمەنو ملەتیٛوە بیٛ ساحیب و بیٛ یانەی

106


هەلبجەو هوٙرامانی دیمەنو ملەتیٛوە بیٛ ساحیب و بیٛ یانەی

نویسەر: ژیار سلامەتیان .
یاران کیٛتەرەن وەک من ماتەم بوٙ           وەهارش پاییز پاییزش خەم بوٙ
جە دڵەیم پەرسام مەگەر چیٛش خیٛزیان      فەسڵی وەهار بیٛ، بی گەلاڕیٛزان
ڕوٙحو مەردمو گوٙرانی جە هوٙرامانەنە، پەڕەن ڕەنج و دەردیٛ تاڕیٛخەییٛ کە هەر کامشان کارەڕەهاتیٛوەش پیمانەن. بەڵام دەردەو هەڵبجەی ڕەنجیٛوە دەرونی و ساڕیٛژ نەبیە و جە ویرنەبریان. ئەگەر ئینسانی هوٙرامانی یەک جە سەد “شەرف” و “وژدانیش” بوزوٙنە کار، مەشوٙ هەلبجەو هوٙرامانی و ژنوساید کەردە٥ هەزار گوٙران زوانان ئەو ویرش نەبەروٙنەوە. ئەگەر ئینسانیٛوە ساحیب شەرافت و کەرامەتیٛ بیمیٛ سەرینی کارەڕەهاتو هەلەبجەیەنە خاستەرەن تا قامی قیامەت یەریٛ ئەسڵیٛ بپاریٛزنمیٛ و بەرمیٛشان ڕاوە:

ئەسڵو یوٙوەمی: ئینسانی گوٙران زوان، نوٙکەری هیچ نیزام و ساختاریٛوە سیاسی نەکەروٙنە. قەرار گیٛرتەو هەر هوٙرامانییٛوە چیٛرو هەر “ئیسمیٛوەنە” چە بە نامیٛو کوردایەتی، چە ئیرانچیەتی، عەرەبیەت، و دفاع ئەو ئەمپریالیسمو ئیٛروپا و ئەمریکای بە هەر دیمەنیٛوە، گەورەتەرین خیانەتەن دەرهەق بە ملەتو گوٙرانی و خیانەت بە ٥هەزار شەهیدو هەلەبجەیەن.
ئەسلو دوهەمی: مەشوٙم سەرو گردینە ئەمریکا و ئەلمان، هەر پاسە ئانان کە کار ئاسانیشان کەرد پەی ژنوسایدو هەڵبجەی، هەتا قامی قیامەت بە دژمەنی دەسەکاسەو ویٛمان بژناسمیٛشان و مەرگشان پەی ئاواتە بوازمیٛنە و هەر یاگیٛ و کەلەبەریٛوەنە پەیمان بکریوٙنە، زەربە بیاونمیٛ لاو ئەئی دوٙلەتانە، و دەولەتەکانو ئاروٙ لاو ویٛچمان بە هەمان دەستور. لازمەن بواچون هەر هوٙرامانییٛوە دماو هەلەبجەی بلوٙ و ببوٙ بە پەناهەندەو ئەلمانی و ئەمریکای و ویٛش بە ئیرانی و عیٛراقی و کورد بدوٙ قەلەم، پیٛسەو ئانەیەنە جە کوشتەی و ژنوسایدو هەلەبجەیەنە یاردی داگیرکەرانش دابوٙ.
ئەسڵو یەروٙمی: پەی دفاع ئەو هویەتی وناوینو ٥هەزار شەهیدو هەلەبجەی، مەردمو ئیمە مەشوٙ هەمیشە ئیسرار سەرو ڕوٙحو مللی گوٙران بییەی و هوٙرامانی بیەیش بکەروٙنە. و هویەتی تاریٛخەیی، فەرهەنگی و سیاسی ویٛش ئەو ویر نەبەروٙنەوە. هەمیشەی کەرامەت و ئەخلاقیاتو مەردمو هوٙرامانی و ملەتو گوٙرانی بوزوٙنە وەرو گرد ملەت و تایفیٛوە و هیچ وەخت ویٛش بە هویەتو دیگەرانی تاریف نەکەروٙنە و ویٛش بە بەشیوە ئەو کەسی نەدوٙ قەلەم.
زوان و ئەدەبیاتو گوٙرانی

 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەلوەدا، شیٛخی ڕیشەدار جە شیٛخەکانو ھوٙرامانی

ئەلوەدا، شیٛخی ڕیشەدار جە شیٛخەکانو ھوٙرامانی بوٙنەو کوٙچی دمایی کاکە باقی شەفیٛعی،شاعیٛر،…