یانە ئەدەب و هونەر داستانەو ئازارەو ئیٛمە سەخڵەتەنە

داستانەو ئازارەو ئیٛمە سەخڵەتەنە

56

داستانەو ئازارەو ئیٛمە سەخڵەتەنە

 سەخڵەتەن ئاروٙ ویژدانت زینده‌ بوٙنه‌ و داڵغەت، هاڕیای کیبیه‌و میلله‌تیٛو بوٙ کە هیچش بە ویٛشوە ناستەنوە. میلله‌تیٛو که‌ دایم کارش ئانەن چیٛش بکەروٙ و چیٛش نەکەروٙ تا ئەوتەری قەبوڵش بوٙنە.

ئه‌وته‌ریوی زیٛهنی و بیٛ بنه‌ما که‌ گه‌وره‌ییش بوٙنه‌ش وردی فه‌رزکه‌رده‌و ویٛشه‌ن نه‌ک قه‌وی بیه‌و ئادی. ئەگەر پەی واچیٛوە سادیٛ مەنه‌بوٙرە تا ئەوتەریش حاڵی بکەروٙ مەشیوٙم هەزاران هەڕیٛ بپیموٙ تا پیٛسەو بەشەری بدیانیٛش پوٙری، تەنانەت ئەگەر گردو وجودیش نیابوٙنەش ئیختیارش تاکه‌تیٛ لاو ڕەفیٛقە بیٛگانەکەیشەنە کەم ناوەروٙ.

 سەخڵەتەن پەی ئینسانی هامزوان و با شەرافەتی وەختیٛوە مەوینوٙ هام وەڵاتیەکەش، هام تیرەکەش، ملش ئاسته‌نەرە پەی کەسیٛوە چڵکنی تا ویٛش نەکەروٙ پیٛسەو ئادی قەبوڵش نەبوٙنە.

 دنیاییٛ میراس و ئه‌ده‌بیات و هونه‌رت بوٙنە، هەزاران شاعیٛریٛ بلیمەتیٛت بانیٛ، شاو ناما، شاهنامەت بوٙنە، سیاچەمانه‌ و که‌لام و عیرفانت بوٙنه‌ و هەزاران قارەمانیٛ و دنیا بەحسو حەماسەی و چه‌نیه‌تی بیه‌ت بکەروٙ بەڵام توٙ کاریٛوت سه‌رئاما بوٙنه‌ منەتەو کەسیٛوە بکیٛشی که‌ ئه‌گه‌ر چادی سه‌رته‌ر نه‌بینه‌ بیٛ شه‌ک که‌مته‌ر نه‌بیه‌نی و نیه‌نینی.

 ئیٛنسانی یه‌هه‌ردار ئەگەر ڕوٙیە چن دانیٛ تاڵیٛ جە سەرەیش چەرمیٛ نەبانیٛ هیشتای کەمەن وەختیٛو مەوینوٙ کەسانیٛوە وه‌رده‌سی و بیٛگاری قەبوڵ مەکەران و خەیاڵشان خاوەن ئەچانەی جە دنیاو ئاروٙینە چیٛش مەگوزەریوٙ و چیٛش نمەگوزەریوٙ.

بە هەزاران جوٙریٛ سووک مەکریوٙ و مەهاڕیوٙ پیٛوەرە هەتاکو پیٛسەو نائینسانیٛوی تەماشا بکریوٙ، مەشیوٙم بە هەزاران جوٙریٛ ویٛشان وردی بکەراوە، تەحقیر بکەران و بارانەرە حەدو نوٙکه‌ر سفه‌تیٛوی تاکه‌تیٛ بازانه‌ بلانیٛ چیرو سیٛوه‌ریشان و که‌رانیش شانازی ژیوایشان.

 ئیٛمە تاوانباریٛ بیەیمیٛ کە بیەیمیٛ بە زاڕوٙ ئی وەڵاتیە!

سەعدوٙڵڵا_خوونخام (شەهریار)

 hewraman
  • چوار دانیٛ کروٙنێ!

    چوار دانیٛ کروٙنێ!  نویسەر رسول موحدیان جە هاڵیگای قەسالەین  هوٙرگیٛڵنای ئاریا یوسفی دماو …
  • فەتە حەیبەتییٛ کروٙنای یانەنە نیشتەنەرە

    فەتە حەیبەتییٛ کروٙنای یانەنە نیشتەنەرە –خوٙ درویٛشا نەدٚاینە:مەرگ چەنی هاوماڵی جەژن…
  • ئای ئەڎالیٛ گیان

    ئای ئەڎالیٛ گیان ڕازێوی وەشەنە، سەعدوڵا خونخامی هورگیٛڵنێنە سەرو زوانو گوٙران/ هەورامی، فە…
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەلوەدا، شیٛخی ڕیشەدار جە شیٛخەکانو ھوٙرامانی

ئەلوەدا، شیٛخی ڕیشەدار جە شیٛخەکانو ھوٙرامانی بوٙنەو کوٙچی دمایی کاکە باقی شەفیٛعی،شاعیٛر،…