یانە هەواڵیٛ غەزەلیاتیٛو میرزائەولقادری پاوەی جە دوەتوٙ کتیٛبێونە پەخشیٛ بییٛوە

غەزەلیاتیٛو میرزائەولقادری پاوەی جە دوەتوٙ کتیٛبێونە پەخشیٛ بییٛوە

236

غەزەلیاتیٛو میرزائەولقادری پاوەی جە دوەتوٙ کتیٛبیٛونە پەخشیٛ بییٛوە

غەزەلیاتیٛو میراز ئەولقادری پاوەی جە دوە توٙ کتیٛبیٛوی وەرباخەلینە چاپیٛ و پەخشیٛ کرییٛوە، میرزا کە بە هەسارەو غەزەلیاتی نامی بیەن، کوٙئەوەکەردیو ئی شیٛعرایچشە و هەمتەر چاپدایشان، نیشاندایو یاگیٛو ئەدەبیاتینە جە غەزەلەنە بەتایبە ئەدەبیاتو شیٛعرانو گوٙرانی/ هەورامی.

مەتاومیٛنە میرزا ئەولقادری پاوەیی هامشانو سەعدی شیرازی بگیٛرمیٛنە، چون میرزایچ جە ویاریٛ جوٙراو جوٙریٛ و ڕەنگامیٛنە دەسێوی باڵاش بیەن پەی هوٙنای شیٛعران، پیٛسەو تەنزی و مانیٛ و ناڕازی و کوٙمەڵایەتی و بینەبەزنیٛ چەنی شاعرانی تەری و ڕازەشیٛعریٛ و هەجو، هوٙرگیٛڵنای و غەزەلە و چندەها جوٙریٛ تەریٛچ پیٛسە تەرکیب و تەرجیح بەندی، کە یاگیٛ شانازین پەی میلەتو هەورامانی/ گوٙرانی، تا هەتان یاگەدەسش دیارەن و پیٛسەو یادگاریێوە پەڕ ئیٛژانەی پەیمان مەنەنوە.

یوٙتەر جە کتیٛبەکانو میرزا عەبدولقادری پاوەی، هوٙرگیٛڵنای (ڕەوضە الصفا)ین. هەرپاسە ڕازە شیٛعرەو ئاسمان و زەمینی و کولەو ئایرەمەلی دویٛتەر جە شاکارەکانشەنیٛ.

ئینە یەرەم کتیٛبی وەرباخەلین کە وەڵاوگاو ئاروٙی وەڵاو کەردەنوە، کتیٛبو غەزەلیاتو میرزائەولقادری 188 پەلیٛن بە قەوارەی وەرباخەلی(جیبی)، وەڵاوگاو ئاروٙینە چاپ کریان، عەدنان مرادی گلیٛرکەردەنوە و چاپشدان، دەسوەشی و پەنەزانای ئەو کاک عەدنان مرادی و وەڵاوگاو ئاروٙی مەکەرون.

وەڵاوگاو هەورامانی 28/2/2020

 hewraman
Load More In هەواڵیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

دەس؛ ئا واتیٛ، هەکە جە دەسیوە مەدروسیانیٛ

دەس؛ ئا واتیٛ، هەکە جە دەسیوە مەدروسیانیٛ دەس… با  زوانەکەما  ویر نەشوٙو و…