یانە ئەدەب و هونەر ژاروو ماری کوشەندەن یا ژاروو زەردەواڵە

ژاروو ماری کوشەندەن یا ژاروو زەردەواڵە

38

ژاروو ماری کوشەندەن یا ژاروو زەردەواڵە

 شاروٙ

ڕویٛشا زەردەواڵە و مار جەڕ و باسشا بیٛ.
مار واچیٛ: ئیٛنسانەکیٛ جە تەرسی ڕواڵەتوو منەنە مەمرا نەک بوٙنەو ژەحرەکەیمەو!
بەڵام زەردەواڵە قەبووڵش نەکەریٛ.
ماریچ پەی ڕاسی قسەکیٛش، بە شوانیٛوە کە چیٛروو درەختیٛوەنە وتەبیٛ، نزیک کەوتەو و بە زەردەواڵەکەیش وات:
من شوانەکەی گەسوو و ویٛم شارووە، بەڵام توٙ سەروو سەرەیشەو گیزەگیز و ئاما و لوای کەرە.
مار، شوانەش گەست و زەردەواڵە دەسش کەرد چەرخیای سەروو سەرەو شوانەیوە.
شوانە وەرمەنە هوٙرئست و دەسش کەرد بە چەکنای یاگە دەمەکەی و ژەحرەکەش هاڵی کەرد.
کەمیٛوە دەواش وست سەروو زامەکەیش و دماو چن ڕوا وەش بیەو.
دماو ماویٛوە بنەو درەختەکەینە ئیسراحەت کەریٛ کە مار و زەردەواڵە نەخشەیٛوەتەرشا مت پەیش.
ئی جارە زەردەواڵەی دا پوٙوە و مار ویٛش نیشانە دا!
شوانە وەرمەنە هوٙرپڵوٙقیا و تا چەمش کەوت ماری، حەیبەتییٛنە دەسش کەرد ڕەمای!
شوانە، بیناخاتروو تەرسی جە ماری، نە ژەحرەکەش هاڵی کەرد و نە مەڵهەمش دا زامەکەیش.
چن ڕویٛ دماتەر، شوانە بوٙنەو تەرسی جە مارەکەی و واردەی زەردەواڵەیەو مەرد!

فریٛوە جە نەوەشیەکا و گرفتەکایچ پی جوٙرەنیٛ و ئینسان تەنیا بیناخاتروو تەرسای چەنەشا، مەمرانیٛ. پی جوٙرە گردچیٛوە هوٙرگیٛڵوٙوە پەی ئەنەیاوای ئیٛمە جە ژیوای و دوٙخیٛوە کە ئینایمیٛ چەنەش. خاستەرا دنیاوینیما بە گردچیٛویٛ خاس و ئەریٛنی کەرمیٛ. هوٙشما تەڵقینیٛ ژیوایماوە بوٙ!

 فەزای مەجازی

۹۸/۱۲/۸

 hewraman
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەلوەدا، شیٛخی ڕیشەدار جە شیٛخەکانو ھوٙرامانی

ئەلوەدا، شیٛخی ڕیشەدار جە شیٛخەکانو ھوٙرامانی بوٙنەو کوٙچی دمایی کاکە باقی شەفیٛعی،شاعیٛر،…