یانە گردین چی قینیتانە؟

چی قینیتانە؟

164

چی قینیتانە؟

یادگارڕەئوف/هەڵەبجە

 ئەگەر هەرباسێ بکەری، سیاسی، کۆمەڵایەتی، دینی، بەدرێژایی ڕوٙی، خولیٛ، جۆراو جۆرێ هەواڵێ نادروسێ، وەخت کوشتەی، بەچیٛوی لا بەلاو تەلەفون کەردەی، تەماشەو تەلەفزیونی بەرنامێ تەنزێ، باس و باتورو خەڵکی، سەیارەئەسای، یانە ئەسای، گاڵتە و گەپ، ئینەو فرە تەریچ بەهیچ شیوێ تێر مەوەرمێ و بەزوانی جیاجیا، وەلێم، تاقەتما نیا بابەتیٛو بەزوانو هۆرامی بوانمێ، هەرئینەیچ نا کۆڕێوە نیەنە بەزوانو شیرینو هۆرامی، هەرئانەیچ نا وەختیٛو یاوی هام زوانیٛویت بەهۆرامی قسێ بکەری چۆلاوە پەنەشا ناوەشا یام شەرم مکەرۆن بواچو هۆرامیەنا. جەگردی سەمەرەتەر بڕێ هەنێ ماچا چی وێت فێرو زوانیوی تەری نمەکەری پسەوئانەیە. یاخو ماچا، فڵان گروپ یان فڵان سەنتەر سەربەفڵانە لایەنی سیاسییا، کەهیچش پاسەنیا تەنیاگوناحەکەشا ئانەن بەهۆرامی قسێ کەرا گەرەکشانە تەکانیوەبدا بەزوانەکەی. بێجگە ئانەی، یام ماچا ئینێ بەهۆرامی قسێ کەراو کۆڕو سیمینار گێڵنا ئامانجیوی خرابشان هەن. ئیسە وەشبەختانە سەنتەرو کلتوری ژیوای نەمێنێ ئی هەرمانێ و خولو ڕازوانیشاکەردەنۆ خولەکە جەلایەن و کاک ناجیح گوڵپی واچیۆوە سودیوی فرەش بەڕازوانی کەردەن و حەقشەن دەسوەشیش وەنەکەرمێ نەک تەفسیری خرابش پەی کەرمێو قینیمابۆ چەنەش، یام واچمێ باهەردەگێوە چەنی قسێ کەرۆ با کەرۆ. وەشەویسا ئینە پەیوەندیش بەڕازوانێو هەن خۆئەگەر دەسەڵات هایش بیۆ ڕوێ با تاومێ واچمێ ئینە ڕازوانا فەرماودێ وسدێش پڕۆگرامو وانای ئەگەریچ هەرپاسە بێخەم بی ئانە زەرەرما نەکەردەن و زوانەکەما بەردەن وەڵێوە پۆکەی حەق نیا قینیمابۆ جەزوانو هۆرامی ومشیۆم چی حەزنەکەرمێ وەڵێ بگنۆنە.

 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

    دماگیٛرو”نە”ی       ئەگەر سەرنجەو زوانو گوٙران- هەورامی بڎەیمیٛ مەوینمیٛ، …