یانە هەواڵیٛ کوٙنیشتیٛوە سەرو شیٛعریٛ کلاسیکییٛ مەلوٙنە ڕاوە

کوٙنیشتیٛوە سەرو شیٛعریٛ کلاسیکییٛ مەلوٙنە ڕاوە

215

کوٙنیشتیٛوە سەرو شیٛعریٛ کلاسیکییٛ مەلوٙنە ڕاوە

روٙ ٩٨/١١/١٣ی کوٙنیشتیٛوە، پەی حیٛکمەت مەحەممەدی ڕیٛکوزیا، سەرو ڕەوتو شیعریٛ کلاسیکییٛ هەورامیانیٛ بە وینگایێوە سەردەمیانە،چەنی ئامادە بیەی تاقمیٛو جە لایەنگیرانو شیٛعریٛ هەورامییٛ جە دەفتەرو ئەنجومەنوو ڕوٙجیارینە/ مەریوان لوا ڕاوە . ئەچی کوٙنیشتەنە ئەوەوانای پەی سەبکە کلاسیکەکان کریا: مەسنەوی، غەزەڵە، دوەبەیتییٛ، چوارینە، قەتعەو… هتد. ڕاوەبەرو کوٙنیشتی باسێوە تیٛر و تەسەلش وست ڕووە. دماتەر ڕوٙشنایش وست سەرو غەزەڵیٛ و تاریخچەو ئی شیٛوە شیٛعرییٛ جە هەورامانەنە، کە مەگیٛڵوٙوە پەی ٣٠٠ ساڵان چیوەڵی جە لاو شیٛخ شەهابەدینی کاکوٙ زەکریای، بەدریٛژی سەرو تەشکو ئی شیٛعریٛ باسکریا. جەدریٛژەو کوٙنیشتەکەینە دەلاقەو مەسنەوی کریاوە، سەرو بنەماو ئانەی کە دەقی دە هیٛجایی(بڕگەیی) پەی واتەی دلیٛ گوٙرانیانە سازگارا و چەنی سروشتو هەورامانی تاووٙ  وەشتەر ڕازیوٙوە،گەشە و تروٙقی دریان بە سەبکوو مەسنەوی. جەدریٛژەو کوٙنیشتەکەینە هەرکام جە ئازیزا: ڕەئوٙف مەحموودپور، ئەیوب حەقبین، عەبدوللاڕەحیمی، شادی سەعدوٙللایی، مەهوەش دروٙستکار، سابیر عەزیزی، هوٙمایون فەتاحی، کوورش ئەمینی، سەرنجە و پەیلوای ویٛشان باسکەرد پەی بەشداران. دماتەر کوٙنیشتەکە بە بڕێ پەرسیٛ جە لاو بەشدارانیوە  دریٛژەش پەنە دریا و پەرچەشان دریاوە لاو حکمەت محەمەدیوە. دماین بەشو کوٙنیشتەکەی ڕازیاوە بە شیٛعر وانایوە جەلاو: ئەیوب حەقبین، یاسر ڕەشیدی، سابیرعەزیزی.

ئا: وەڵاوگاو هەورامانی

 hewraman
Load More In هەواڵیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

دیوانو میرزا شەفیٛعی کولیای چاپ و پەخش بی

دیوانو میرزا شەفیٛعی کولیای چاپ و پەخش بی ئی هامنە ڕاوەبەری ڕوٙشنویری و هونەرو هەڵەبجەی کو…