یانە هەواڵیٛ لالوٙ حەمەساڵحو عەودڵا پاشاو سەرو پیری

لالوٙ حەمەساڵحو عەودڵا پاشاو سەرو پیری

181

لالوٙ حەمەساڵحو عەودڵا پاشاو سەرو پیری

داخوٙم چنڎ نەفەریٛ جە جوانا هەورامانی ئی پیای چی عەکسو وارینە بژناسا؟ داخوٙم چنڎ نەفەریٛ جە هەوراماننە ئی چنڎە ساڵە سەردایو ئی پیایشا کەرڎە بوٙ ؟ کی مزانوٙ چکوٙو هەورامانی وەرچەم کەوتەن؟

کی مزانوٙ چنڎها ساڵیٛ بە سەخڵەت، جە ئاسایشنە و جە شەڕنە کارو خزمەتش دەسش ئاستەن بیٛ وەرچەمکەوتەی تاخیٛ بە کەمانیٛ ژاڵانەش بڕیەن تا ویٛش یاونان هەورامان و زەماونەو پیری تا واچا و جاڕ بڎا دەسکەردیٛ حەیوان سەرەبڕیەی، ئانا لالوٙ حەمەساڵح کاوڕەکەش سەرە بڕی. لالوٙ حەمە ساڵح و عەودڵا پاشای، سەروپیری بە پاو ڕەسمو یاساو زەماونەو پیری چنڎها ساڵیٛ بیەبیٛ یاگەڎارو تاتەو بابایش ئەوەڵ نەفەر کاوڕو بەرەو پیریش سەرە بڕیەن و دماو ئانەی لوانەو سەروپیری چاشتە لەزەتیەکیٛ پیریش وەشەکەرڎیٛنە پەی خەڵکو دەگاو سەرو پیری،  جا ڕەسم پاسە بیەن هەتا یەک نەفەر جە تایفەو پاشایاو سەروپیری ئەوەڵ کاوڕش سەرە نەبڕیەبوٙ هیچ کەس حەقش نەبیەن حەیوان سەرەبڕوٙنە . داخەم مەشوٙ یەریٛ ساڵیٛن لالوٙ حەمەساڵح پەییٛکەوتەن  ڕەسمەکەما کە هیچ لا بەرڎەن!!  بیٛجگەم چنڎ ماموٙسای وەشەسیای و جەماعەتێ خەڵکو ئازیزو دەگاو سەرو پیری کەس سەردایێ ئی پیایشە نەکەرڎەن، چی یەرە ساڵەنە کاکە حسەین کوٙڕو لالوٙ حەمەساڵحی ناستەنش چاشتەکیٛ سەرو پیری پەکەش گنوٙ بە خەرج و ئەرک و ویٛش و  خانەوادەیشاوە چاشتەکیٛشا وەشە کەرڎیٛنەو یاونیٛنەشا گرڎو خەڵکو سەرو پیریرە، فرە دیارا زەماونەو پیرو هەورامانی ئەرکو گرڎو تایفەکاو هەورامانی بییٛنە و نیشاندەرو هاوماڵی خەڵکو هەورامانی بیەن هەرچنڎ ئیسە کەمیٛ کز بیەن.  ئیسە کە کڵاوڕوٙچنیٛ سەرو پیری پیٛسە ساڵانی  دماو عەسرو یەرەشمەی ملوٙ ڕاوە، چ وەشا بلمیٛ سەرو یاسای وەڵینی و هەرمانەکیٛ پشتاو پشت یاووٙ دەسو جوانا و سەبا واچا و جاڕ بڎا حەیوانەکا سەرە بڕدیٛ ئانا حسەین و حەمە ساڵحو عەودڵا پاشای ئەوەڵ کاوڕش سەرە بڕی.( ان شاءاللە زیرەوانیٛ یانەو پیری و کاربەدسیٛ زەماونەو پیری ئینەی وزا وەرچەم).ئاواتەوازو سەربەرزی هەورامانی عەباس شەریفی

 hewraman
Load More In هەواڵیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەلوەدا، شیٛخی ڕیشەدار جە شیٛخەکانو ھوٙرامانی

ئەلوەدا، شیٛخی ڕیشەدار جە شیٛخەکانو ھوٙرامانی بوٙنەو کوٙچی دمایی کاکە باقی شەفیٛعی،شاعیٛر،…