یانە هەواڵیٛ یوەم ئەرمانگاو ویٛنەکیٛشتەی خورماڵنە لواڕاوە

یوەم ئەرمانگاو ویٛنەکیٛشتەی خورماڵنە لواڕاوە

45

یوەم ئەرمانگاو ویٛنەکیٛشتەی خورماڵنە لواڕاوە

چاشتنگاو ڕوٙ پەنجشەمەی 16/1/2020 دەم ژمارو دەی، ئەرمانگاو ویٛنە کیٛشتەی پەی هونەرمەند(هاوکار گوڵپی) لوا ڕاوە، بەنامو نیشانی(هونەر جە پاو هونەرینە)، ئی ئەرمانگاو ویٛنە کیٛشتەیە جە لاو بەشو ڕوٙشنویری خورماڵیوە هامکاری و پەشتیوانی کریان. ئەرمانگاکە بە ئامادەبیەی وەرپەرسانو خورماڵی و هونەر دوسان لوا ڕاوە، هەتا ویٛرەگا دریٛژەش کیٛشا، ئەچی هەرمانە هونەریێنە ویٛنەو شانزە هونەرمەندانو گوٙرانی واچیٛو هەورامانی کیٛشیابیٛ، بە پیمانەو”50*70 سم”  ماموٙسایان( عوسمان کەیمنەیی، حەمەحسین کەیمنەیی، شەفیٛع کەیمنەیی، جەمیل نەوسودی، عەلی گوڵپی، سەباح هەورامی، فەتحولا ئەمینی، نوزاد نەسروڵا، عەتا زەڵمی، فەرزاد شوشمەیی، ئیسماعیل هانە گەرمڵەیی، سەعدی نەوسودی، سیروان کەیمنەیی، حمە ئەمین خواشتی، جەهانبەخش نەوسودی، وەهبی سوسەکانەیی). ئەرمانگاکە یاگیٛ پەنەزانای و دەسوەشی ئامادە بیابیٛ، هاوکار گوڵپی بەرشیەو کوٙلیٛجو هونەرەجوانەکانو سلیٛمانین، پار ساڵ وانایش تەمامنان، چاوەختەوەن چنڎە کاریٛ هونەریش کەردیٛنیٛ و یاگە دەسش دیارەن. ئینە یوەم ئەرمانگای هونەریش بیٛ کە بە ڕەسمی کریانەوە،  وەڵاوگاو هەورامانی دەس وەشی و خەرمانە بەرەکەتش وەنە کەروٙنە. 18/1/2020

 hewraman
Load More In هەواڵیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەر گوٙشیٛو بوٙ پەی ئەژنەویەی؛ تەقەو پاو ئی رازا مەی

ئەر گوٙشیٛو بوٙ پەی ئەژنەویەی؛ تەقەو پاو ئی رازا مەی هوٙرئەوەگیٛڵنای؛ ڕەنگین زەمانەو قەدٚی…