یانە ویر یادت بەرز و پیروٙزەن شاسوارو ویرچەمەو هەورامانی

یادت بەرز و پیروٙزەن شاسوارو ویرچەمەو هەورامانی

143

 یادت بەرز و پیروٙزەن شاسوارو ویرچەمەو هەورامانی

ئیمساڵیچ، ئه‌چی زمسانه‌ سه‌خڵه‌ته‌و ژیوایه‌نه‌، جەمیٛوه‌ ‌بییٛنمیٛ هەتاکو شه‌رت و پەیمانیٛوە کە وه‌ر جه‌ کوٙچیت چەنی هەنتری بەستمان، تازەش بکەرمیٛوە. ئیٛگە قەبرسانو دارسیٛرانو مەریوانین. دیسان جەمو ویریارانو ویرچەمەو هەورامانی جەمەن. پانه‌یچەوه‌ که‌ توٙ نیەنی دلیٛ جەمیٛمانە و هەفت ساڵین دووریت بیەن بە یاگه‌هاڵییانیٛوی گه‌وره‌، 26و ئارگاو گرد ساڵیٛوە ڕوٙحت میٛمانیمان مەکەروٙ و مەکیٛشوٙمان سەرو گوڵکوی نازار‌یٛت. دمایین دیدارته‌نه و په‌ی دیارده‌و هامبه‌شیمان‌ فەرماوات; «یه‌ک‌ چیٛوه‌ن که‌ ئیٛمه‌ش جه‌موه‌ که‌رده‌ن و جەموە مەکەروٙ. ویٛ ئاگاهی و ئانه‌ که‌ هه‌نمیٛ.»

هەر چه‌ند توٙ نیەنی بەڵام دڵ وەشیٛنمیٛ بە تیژەو ڕوٙجیاری که‌ سات به‌ سات هەورە سیاوەکان مەدوٙ لاوە و ویٛش مەوزوٙنەوە دیاری. ئەچیٛگەنە و ئەچی زه‌مانه‌نه‌ ویریاران حەماسەی بەرزشان گیٛرتەن دەسشانوە و باسو ده‌ریاو تاریخی مه‌که‌ران. په‌یامه‌که‌ت یاوان و فامیان. دەنگو ئاهوورایی وه‌ڵاتی مەرزەکانش ویاران و ته‌نانه‌ت موزەو لووریچه‌نە لاپەڕیٛ و نامیٛ مەیانوە جبەر و باسو تەلیلەو نیمەشەوانەو دڵدارانو هەزار و یەک شەوی و کەلیلە و دەمنەیمان جە ئەلئەزهەرو میٛسرینە مارانوە وەرچەم.

ئەچیٛگە هیشتای فریٛنیٛ جە وەرمو بیٛ وەرمینە نەچڵاکیانیٛرە و شەو ڕوٙ داڵغەشان ویٛشان و نامیٛ ویٛشانەن و ئانه‌ که‌ چکوٙنە نامیٛشان بریوٙ و چکوٙنە چەپڵیٛشان پەی کوٙیا. بیٛ خه‌به‌ر ئەچانەی کە ئانه‌ ماریفه‌ت و باوەڕی پوڵایین و یەهەردارین که‌ ئنسانەکان گەورە مەکەروٙ. ئه‌وه‌نه‌بریا پیسه‌و هه‌میشه‌ی، ئیسەیچ نامەکان ڕوانەو ڕوٙحو پیران و گه‌ورامان مەکرمیٛ و قه‌ڵه‌م و ئاوه‌زو ویٛمان گریٛ مه‌ده‌یمیٛ به کاروان و‌ وه‌ریٛسه‌و ماریفه‌تیشانوه‌: بابا یادگار، پیر بنیامین، پیرشاڵیار، مه‌ستووره‌ی ئه‌ردەڵانە، مەولاناو دڵان، باوا شیٛخو بیٛسارانی و خدری ڕواری… کە پەی ژه‌ماره‌یشان و وەسفیشان یەریٛ دانیٛ نوقتیٛ مەنیەوره. یەرە نوقتیٛ کە هەمیشەی دریٛژتەرین قسیٛو عاڵەمی مەکەران….

ئیمساڵیچ ئامایمیٛ بواچمیٛ کە هیشتای سەرو ویر و باوەڕو ویٛمانوە مدراینمیٛ و سەوای ڕوٙشنتەر جە ئاروی مەوینمیٛ. دەسمان دان دەسو هەنگەریوە و هەتاکو ئاسوٙی بیٛ ئه‌وپه‌ڕین، پیٛسەو گرد ئنسانیٛو ئاوەزمەندی، سەربەرزانە و بیٛ باکانه‌ مەژیومیٛ و جە ڕا و مه‌رامی گەورەو ویٛمان لامان نه‌دان و نمەدەیمیٛ.

 سەعدوڵڵا_خوونخام(شەهریار)

 hewraman
Load More In ویر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

فەتە و کوٙنفرانس

فەتە و کوٙنفرانس -سلام بچەها صبحتان بخیر. -سلام ئاقای موٙعەلیٛم سوٙبحیٛ شوٙما هەم بخەیر. -…