یانە گردین بە بوٙنەو ساڵڕوٙ مەرگو کاکە محەمەدی مسەفازادەیۆ

بە بوٙنەو ساڵڕوٙ مەرگو کاکە محەمەدی مسەفازادەیۆ

76

پەی ساڵڕوٙ مەرگو کاکە !حەمەد مستەفا زادەی، جە پەلو فەیسبوکو ماموٙسا سیامەند هەورامی، ئی چنڎە دیٛڕە نویستەما پەی هوٙرچنیێندیٛ… وەڵاوگاو هەورامانی مەکەروٙش دیاری پەیتان.

کاکە مسەفا حەیف و سەد حەیف کە نیەنی تا ۉینی، چەنی زۉانەکەت ڕاساو ئارەزو تؤنە ژیۉانۆ و پەی ۉەری پەلې شانؤ و سەرو گرد پېچېۉیەنە هەڕە مدؤ بەرەو دەمو ئاۉەزو ئانیشاۉە کە ناحەزېش بېنې و کؤسپې ئارېنېنە ڕاش. یادت هەر مەنؤ کاکە مسەفا، یادت بە خێر.


بە بوٙنەو ساڵڕوٙ مەرگو کاکە محەمەدی مسەفازادەیۆ
ڕوٙ ١٣٩١\١٠\٢٦ کاکە محمەد مسەفازادە پەی دما جاری سەرەش نیاۉە و گردما داخدارېش کەردیمې. چا وەختانە زۉانی هۆرامی سەختتەرین ڕۉەکا ژیۉایش ۉیارې و لۉای کاکە محەمەدی زەدېۉی گۆرە بې ئۆ کارۉانو ڕاۉیارا هەرمانەو ئی زۉانیە. کاکە محەمەد یوٙ جە هەماڵە ۉەنە بڕیاکا و یوٙ جە ڕابەرە ڕا ئەژناساکا بې. نەبیەی کاکە محەمەدی گرد یاگېۉۆ دیار بې و جە گرد سەنگەرېۉەنە یاگېش هاڵیە بې. بەڵام یارەکې ڕاو کاکە محەمەدی سەرسەختانە عەزمشا جەزم کەرد کە نازا ئا کارۉانە مدرایش بێنە ڕا. دیارا ئاسان نەبې و تیرې ژارینې دماکۆتەیی و توٙپې غەرەزینې کەمې نەبېنې. بەڵام دەی ئانې سەرەڕاو زامەت نیایشا هەر پاسە کە جە هیچ یاگېۉو دنیایەنە نەتاۉانشا ۉەر بە هەرمانا مەردمی جە ڕاو بە دەس ئاردەی مافا وېشانە گېرا، لا ئېمەیچۆ هەمان چارەنوس چەمەڕاشا بې.
هەماڵەکې کاکە محەمەدی سینەو قەلەماشا سپەر کەرد و داخەو جە دەس دای هەماڵی وەشەۉیسیشا کەرد بە تەۉان و لۉێ گژې نا بسامانیارە. دیارا زۉانی هۆرامی هەڵای هەر فرەش ئینا ۉەرەنە بەڵام چەمېۉ ئۆ ۉیەردەیما مرمانوٙ کە ڕێۉەی فرېچ ئامێنمې.
چا وەختۆ تا بە ئاروٙ سەیەو ڕەۉەندی دنیایەنە و پاڵو زامەتا شمەی وەشەۉیسیەنە، فرە چېۉې گوڵې ئا وەختې ڕەنگەشا کاڵە بیېنۆ و فرە چېۉې تازېچ یاگېشا گرتېنە.
ئاروٙ مەردمو ئېمەیچ هامرا چەنی مەردمو خاۉەن ئاۉەزو دنیای وەشتەر یاۉانەنە زۉان و تاریفا زۉانی و گرنگی زۉانی. ئاروٙ ئیتر تاریفې عەشیرەتیې نەتەۉەی ڕوەو ئاۉەدانیشا نەمەنېنە و تاریفې تازې و سەردەمیانې ئینێ دلېنە. ئاروٙ ئیتر کەس مەتاۉوٙ بە ئاسان ئا پەرچەمە نا ئینسانیا بەرزې کەروٙۉە و شەرم نەگېروٙش. ۉیەڕې کوردسانیچ ئەرمانانشا کە ڕاسیې ئینێ کام کوٙگانە و درۉې کامە دوٙڵەنە. هەر پاسە بەرشا ۉستەن کە جە مافا وې ۉیەردەی چ زەرەرایېۉ ماروٙ ملەرە.
دلې ئینشانە هەن کە زۉانی هۆرامیچ باڵاش کەردەن و قامەتش کېشتەن. مەردمو هۆرامانی و بە تایبەت جوانې قەڵەم بە دەسې ئیسە خاس یاۉێنېنە کە چەنی پەشتەو قسا بواناۉە و ڕاو وېشا بەر کەرا و ڕا نەدا کە چېرو هیچ پاساۉېۉیەنە مافې ئینسانیېشا چەنە شاریاۉە و چەنە کریا.
حەیف کاکە محەمەد نیا دلېمانە تا ئی وەزعې ۉینوٙ و پەی ساتېۉیچ بیەن خاترە ئاسودە کەروٙ. یاگېشەنە کە گرد ساڵېۉ چی ڕۉەنە بە یادو کاکە محەمەدی وەشەۉیسیۆ چەمېۉ ۉزمې ئۆ ۉیەردەیما و پەیمانە تازې کەرمېۉە کە هەر سەرو ئا سرشتیە درېژەدەرې ڕاکې کاک محەمەدی مسەفازدەی بیمې.
مەنتەقەو ئېمەنە پارېزنای زۉانی هۆرامی، چەنی پارېزنای دیموٙکراسی و مافا ئینسانی سەخت لۉێنېنە پاڵو یوٙی. بە نسبەتو وېچماۉە جیا چینیشا، ئینە پارېزنای مافو وېمانە و ئەرکمانە و ئەرکی ئینسانیمانە.
یادو کاکە محمەدی مسەفا زادەی هەر بەرز و گرامی بوٙ!
ڕاو پارېزناو زۉانی هۆرامیچ پەر ڕاۉیارە!
سیامەند هۆرامی

 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خوٙلوو ڕازوانوو هەورامی شارو هەڵەبجەینە مەلوٙ ڕاوە

خوٙلوو ڕازوانوو هەورامی شارو هەڵەبجەینە مەلوٙ ڕاوە دماو هەرادیای ئامادەکاریەکان پەی خوٙلوو…