یانە ویەردە و هەورامانی مەلایر”ملەئایر”

مەلایر”ملەئایر”

105

مەلایر”ملەئایر”

یاگە نامەکیٛ”نامیٛ یاگیٛ” دەلالەت سەروو فەرهەنگی ڕەسەنی و ڕیٛخەد٘اری کەرا کە مشیوٙم ورد٘ سەرەنجشا دەیمیٛ و بنج و بنەوانشا بەربارمیٛ!  گیٛرە فەرماودیٛ دەی بە من چیٛش، دەرد٘ەو چیٛشیٛ وەروٙ و ئا نانیٛ نانە کە ئاروٙ جە خوانەنە!  بەڵام ئاروٙ لازما گرد٘ مللەتیٛ پەی ویٛش هوٙشیار بوٙ و خەموو ویٛش وەروٙ، ئیٛند٘ا چیٛروو کوٙنگڵە (چرخ، لاستیک) بیٛ ڕەحمەکاو ڕوٙزگارینە پلچ بوٙوە و ئیٛتر ئا وەختە ئاخ و ناڵە و زوخاو وارد٘ەی و زوخاو هوٙرمتەی دەرد٘ە مەوەروٙ! چی بابەتەنە گەرەکما سەروو نامیٛ “مەلایری” شیکاریە ورد٘ و گولانە وزوو وەروو دەسیتا، پا ئاواتە دەرد٘وەر و یاگیٛ پەسەند٘ی بوٙ. “مەلایر” یوٙ جە شارەکاو سانتراپوو هەمەد٘انین. ئی شارە، شاریٛ وەش ئاو و هەوان و ساحیبوو هوٙرکەوتیٛوە جوٙغرافیایی فرە وەشی و دڵگیریا.  ئی شارە یاگیٛ پیٛد٘ا بیەی کەریمخانی زەندیا و جە باری جوٙغرافیایی و ڕەگەزیرە پیٛسە مەحاڵ و ڕەگەزی (گوٙران / هەورامان) حەسابی تاریٛخیش سەر کریوٙ. نامیٛ ئی شاریە جە دویٛ بەشا وەش بیەن: (ملە + ئایر).  ملە یانیٛ (ملەگا / کەش) و ئایریچ هەر ئایرا کە سەرجەم یانیٛ: ملەگا (کەشوو) ئایری. هەرویٛ واتەکیٛ هەورامییٛ ڕەسەنیٛنیٛ و ئیسەیچ دلیٛ خەلکینە باویٛنیٛ و ڕوٙنە دەها و سەد٘ها کەڕەتیٛ دەمواچ کریا. ئینە پەیلوا و سەرەنجوو ویٛم بیٛ سەروو ئی کەلیمیٛوە. چند٘ ساڵیٛ چەیوەڵ ڕام کەوتە ئی شارە و جە دوکانداریٛ خەڵکوو مەلایری پەرسام و واتم داخوٙم ماناو مەلایری چیٛش بوٙ؟ جوابەنە واتش: “یعنی کوه آتش!” منیچ واتم گوڵت فەرماوا، ڕیٛک هەر ئانەن کە توٙ فەرماوی. واتم پەنەش ماناو “ملەی” مزانی؟ ماچوٙ: “نا!” واتم ئەی ماناو “ئایری”؟ ماچوٙ: “نا! منیچ واتم جە زوانوو ئیٛمەنە ملە یانیٛ (کوە) و ئایر یانیٛ (آتش)! ماچوٙ ڕاس ماچی؟ واتم بە خود٘ا ڕاس ماچوو. ماچوٙ زوانتا چیٛشا؟ واتم هەورامی. ماچوٙ: ” چند٘ مەکین! ئینایدیٛ سانتراپوو کرماشانینە؟” واتم بەڵیٛ، سانتراپوو کورد٘ەسانی و ئیٛراقیچەنە هەنمیٛ. دەسش گیٛرتا و ئارد٘اش وەروو بەرەو دووکانەکەیش و ماچوٙ: “ئا کەشە بەرزەیە وینی کە شاروو مەلایری پاڵش دان پەووە؟” واتم بەڵیٛ: ماچوٙ ئینە هەر ئا کەشەنە کە من ماچووش و قەد٘یم “ئاتەشگاه” بیەن. دیارا ئیٛشارە سەروو دەورانوو وەڵیٛ ئیسلامیا و مەربووت بە ئاینوو زەردەشتین. دەس وەشیم چەنە کەرد٘ و ئاد٘ فرەتەر مەمنوون بی پەی ڕوٙشگەریەکەیم.

چەنی وەشەسیاییم. سوبحان ئەمینی

 hewraman
  • سان سەهاک مەرەوموٙ

    سان سەهاک مەرەوموٙ ئەز سەهاکانان، یورتم هودایی یورتم هودایی، یورتم هودایی مەرەوموٙ: یوٙ جە…
  • شەبەکیٛ کیٛنیٛ؟

    #شێخ شەهابەدینی دزاوەری، پیرۆزتەرین شێخوو شەبەکەکان و گۆڕەکێچش گەورەتەرین مەرقەد٘وو موقەدە…
  • مەحمود خانو دزڵییٛ و گیانو هامکاری

    مەحمود خانو دزڵییٛ و گیانو هامکاری بوٙنەو یاڎو سەڎ ساڵەو ئازاڎ کەردەی سلێمانی چیٛردەسو ئین…
Load More In ویەردە و هەورامانی

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خوٙلوو ڕازوانوو هەورامی شارو هەڵەبجەینە مەلوٙ ڕاوە

خوٙلوو ڕازوانوو هەورامی شارو هەڵەبجەینە مەلوٙ ڕاوە دماو هەرادیای ئامادەکاریەکان پەی خوٙلوو…