یانە ئەدەب و هونەر به بەهانیٛ کتیٛبوو «شەوچەرە»ی

به بەهانیٛ کتیٛبوو «شەوچەرە»ی

125

به بەهانیٛ کتیٛبوو «شەوچەرە»ی

سی و شش ساڵیٛ چەی وەڵتەر، یانیٛ ساڵەو ۱۳۶۲ جە شاروو پاوەیەنە کەلاسوو دوەموو دەبیرستانی بیٛنیٛ. دیارا من جە مهاجرینی جەنگی بیٛنیٛ و جە خانەوادیٛوی فەقیر و کەم دەرامەدٚەنە ژیویٛنیٛ و تەنانەت ئا کاغەزیٛ کە دەرسوو ریازی و شیمی و فیزیکی شا سەرەو تەمرین کەریٛنیٛ، کاغەزانیٛو بیٛنیٛ کە جە شیشەبڕیەکەو سەروو کووچەکەیماوە تەهییەشا کەریٛنیٛ. تاتەیم بە شیشە بڕەکەی ئەسپارابیٛشەرە، وەختاریٛو شیشیٛت پەی ئامای، ئا کاغەزیٛ کە نیاینیٛشا بەینوو شیشەکا، تا نەدٚاوە یوٙترینی و مەڕیا، فڕەشا نەدٚەی، بنیەشارە پەی ئیٛمە، چوون زاڕوٙڵەکیٛم سەروو ئانیشاوە منویسا. ئەڵبەتەنە تاتەیم نەواتەبیٛ کە ئیٛمە فەقیریٛنمیٛ و نمەتاومیٛ کاغەزیٛ چەرمیٛ پسانمیٛ. واتەبیٛش زاڕوٙڵەکیٛ هەر وەششا میٛ سەروو کاغەزی کاهیەو بنویسا!!

جە حاڵیٛوەنە کە خەریکا، جەنگ و ویٛرانی و ئاوارەیی و بیٛ یانە و لانە و فەقر و فەڵاکەت و چەکمەسەرییٛ و تەنانەت جوانیچ جە ویرما مشانیٛوە، بە ڵام بڕیٛو چیٛویٛ و بڕیٛو کەسیٛ هەنیٛ کە هەرگیز جە یادٚ نمەشانیٛوە. ئاروٙ بە تەماشا کەردٚەی کتیبوو«شەوچەرە»ی، نویستەو خاتوو گوٙنای ڕاپەیمای، کە وەڵینە کەش بە قەڵەموو ماموٙسا «عارف قادریان»ی ڕازیابیٛوە، ئەیزەن لوانیٛوە توٙف و هەواو دەورانوو مەدٚرەسەی، ئا زەمانە کە جەنابشا ماموٙساو نە تەنیا شیمی، بە ڵکووم ئەخلاقی و موٙدارایما جە دەبیرستانوو شوهەداو هەشتوو ئابانوو پاوەیەنە بیٛ.

شاراوە نیا ئانیٛ کە شیمیشا وانان مزانا شیمی دەرسیٛوی فەرارا و زوو جە یادٚوو بنیادٚمی مشوٙوە، بەڵام جەنابشا بە هەر شیٛویٛوی ممکین و بە بیٛ تووڕەیی سەعیە کەریٛ کە ئیٛمە خاس خاس حاڵییٛ کەروٙ. ئاخوٙر ئاوەختە ڕەسم پاسە بیٛ کە مەشیا ماموٙسا تووڕەبیایا تا مسیار بە قەوڵی مەعرووف سوو ئیستیفادٚە نەکەروٙ! من هەر گیز بە جەنابیشاوە تووڕەییم نەدٚی. ویقار و مەتانەت ئامیٛتەو واتەی و کردٚەوەیشا بیٛ. هەرگیز نەدٚیم کە کەڕەتیٛو غەیبەت کەروٙ و تەشریف ناوەروٙ سەروو کەلاسی. ئیٛمە فەرە حەز کەریٛنمیٛ کە ڕویٛو نیٛ، بەڵام ئادٚ هەمەیشە وەڵیٛ گردٚ کەسیەنە ئیٛ و دماو گردٚ کەسیەو لویٛوە. ئیجا ماچوٙ:«مارکس» به ماوەو پانزە ساڵیٛ گردٚ ڕویٛو یەکەم کەس بیٛ کە لویٛ دلیٛ کتیٛب خانەی و ئاخر کەسیچ بیٛ کە زییٛرە بەر! زاڕوٙڵیٛ بە شوٙخیەو واچیٛنیٛ حەلاب نیا یانەشا نزیکوو دەبیرستانیا پەوکەی زوو میٛ و دیٛر ملوٙوە! ئاروٙ یوٙ جە سوٙخەنڕانە ئازیزەکا بە ڕاسی و بە ڕیٛک و پیٛکی باس چانەیشە کریا کە مشیوٙم ئیٛمە قەدٚروو ئا ماموٙسایاما بزانمیٛ کە دەرسشا پەنە داینمیٛ و بە قەوڵوو شاعیٛری فارسی:

«معلم هست پیامبری که به رتبت برتر ازو نیست جز خدای معلم
بهای هر کس ز کار اوست معین کیست که تعیین کند بهای معلم
ره زمین گر بر آسمان شده هموار این همه باشد ز فکر و رای معلم»

غرور نەگیٛروٙما و دەڵەتمەردٚی و دەوڵەمەندٚی و زل بیەی جە سیٛوەروو ویر و ئەندٚیٛشەو ئا ماموٙسایانە بزانمیٛ کە زمنوو ئانەیە وانای و نویستەشا پەنە نیشانە دایمیٛ، نیشانەشا دایمیٛ کە چەنی ویر کەرمیٛ و خاسی و خرابی لەیەکی دەیمیٛوە. هەر ئەچیٛگەو دەسوو تەماموو ماموٙسایەکام ماچیٛ کەرو. خاسەتەن ستاییٛشگەروو قەڵەموو ماموٙسا عارف قادریان یەنا.

دەسوەشی تایبەت پەی خاتوو گوٙنای کە ئاوەزدارانە قسیٛ کەروٙ و بیٛ گوٙمان نویستەکیچش هەر پیٛسەو قسەکانش ژیرانیٛ و تەئسیرگوٙزاریٛنیٛ. شەوچەرە ی موانمیٛوە و باریٛش چەنە هوٙرگیٛرمیٛ.

وەلی فەتاحی
۹۸/۱۰/۱۲

 hewraman
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەلوەدا، شیٛخی ڕیشەدار جە شیٛخەکانو ھوٙرامانی

ئەلوەدا، شیٛخی ڕیشەدار جە شیٛخەکانو ھوٙرامانی بوٙنەو کوٙچی دمایی کاکە باقی شەفیٛعی،شاعیٛر،…