یانە گردین ئیٛستەیەو مارێوی دوەپای95میلیون ساڵەی!

ئیٛستەیەو مارێوی دوەپای95میلیون ساڵەی!

131

ئیٛستەیەو مارێوی دوەپای95میلیون ساڵەی!

ئیٛستەیەو ئەوەمەنەو (فوسیلوfossil ) تیٛک نەشیەو جوٙرێ جە مارێوە باستانیی نەوەڎ و پەنج میلیون ساڵەی بەنامیٛ”Najash rionegrina”،نیشاندەرو ویەردەی سەرسام ئاوەرو ئی گیاندارینە.

شوٙنەو هەرمانەی زانشتیو دیرینەئەشناسێو بەنامیٛ”فیرناندوٙ گاربیروگلیو”و دویٛ زانشمەندیٛ تەریٛ جە وەڵاتو ئارژانتینی پوٙ فوسیلو سەرە ومازی ئی مارەیە و دماتەرۆ سەرو جمجمەی(کاسەوسەرەی)کەوت بەرۆ کە ماریٛ باستانی دوەپای بییٛنیٛ.

چەنی بیەیو نەمەنەو ئی دوەپایە و تەکاموڵو  کاسەو سەرەو ماری و ئینە کە چەنی تەشکو ماری پیجوٙرە و ئیسەیە بەرئامان،یوٙ جە پەرسەی کریٛڵی زانشتمەندان.

بە پەیلوای زانشتمەندان،بیەی دویٛ پایان جە لاو قننەو ئا مارەیە مەسەلمنوٙ کە ژیواری ئاویش نەبیەن، بەڵکو وشکی ژیو بیەن.

چنڎەها ساڵیٛ دیرینەئەشناسیٛ سەرو ئی گیرام و باوەڕەیە بیٛنیٛ کە ویەردەو وەڵینەو گرڎو ئا مارا ئاروٙ ئینای سەرو زەمینیەنە، ملوٙوە سەرو جوٙریٛ جە مەزوکیٛ کوٙریٛ باستانییٛ ویٛشاریٛ کە قەڎیمیتەرینشا نامیٛش “Scolecophidians” ەن، بە دەمیٛوە وردی(دەم قوچیا) فرە ئەو کرمیٛ مشوٙ، وەلیٛم ئی ئیٛستە سەلمناش کە ئی مارە یانی Scolecophidians” “و ماریٛ باستانییٛ هیچ ئەو یوٙی نمەشا و جیاوازی ئینابەینشانە، پیجوٙرە کە ئی ماریٛ دەمشا گەورەن و داراو کەللەسەرێوە چەمیایەنیٛ کە تا بەئاروٙ ئی تایبەمەندیە هەر مەنەن و تاخایەتیٛ خاستەریچ بیەن، پیجوٙرە کە ماریٛو ئیسەی ڕاوکەریٛ چابوٙک و کارئامیٛنیٛ و ئاسانتەر نەچیرەکەیشان موەران.

ئیٛستەیەو فوسیلو ماری دوەپای گیرامەو پەیلوای وەڵینو زانشمەندیٛ دیرینەئەشناسیٛ کە واچیٛنیٛ تخمو مارا ملوٙوە سەرو کرمیٛ دەم وردییٛ باستانی، توشو پوچی بیەن و فاڕیایش سەرئامان وکەوت بەرۆ کە نا ئینە ڕاس نیەن و ئیمە مشیوٙم یاومیٛ پی باوڕ و قەناعەتەی کە وەختو ویٛشەنە چی سەرو زەمینیەنە ماریٛ دوەپایچا بیەنیٛ.

سەرچەمە:
https://www.sciencealert.com/the-skull-of-an-ancient-snake-with-rear-limbs-is-helping-scientists-understand-snake-evolution

ئامادەکەردەی : وەڵاوگاو هەورامانی

 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەلوەدا، شیٛخی ڕیشەدار جە شیٛخەکانو ھوٙرامانی

ئەلوەدا، شیٛخی ڕیشەدار جە شیٛخەکانو ھوٙرامانی بوٙنەو کوٙچی دمایی کاکە باقی شەفیٛعی،شاعیٛر،…