یانە ئەدەب و هونەر نامیە گەوریٛ و دەریە ویٛرانە

نامیە گەوریٛ و دەریە ویٛرانە

109

“نامیە گەوریٛ و دەریە ویٛرانە”

مەگیٛڵناوە جە دەورەو دەرەبەگ و خانانە، کابرایە جە دەگاو ویٛشاوە مەلوٙ پەی دەگایە تەری، بە هوٙر کەوت جە وٙاڎەو نیمەڕوٙی مەیاووٙ دەگاکیٛ و فرە ئەوراش مەبوٙ و ماچوٙ ، بەشکەم یوٙ واچوٙ بوٙ یانە و واردەمەنیەم بڎوٙ پەنە، ئەر نا خاس نمواچوو. چی ویروو فکرەنە مەبوٙ یوٙ مەیاووٙش پەنە و ماچوٙ ؛ پەی چیٛ نمەلی پەی دیوەخانی، چاگەنە نان و تفاقیە وەش مەڎا بە میٛمان و ڕاویاری . پەی ویٛش ماچوٙ با بلو بە خوا نانم کەوتەن دلیٛ ڕوەنی، مەلوٙ و مەیاووٙ دیوەخان و مەلوٙ دلیٛ. کەسیە نمواچوٙ دا فەرماوە. ئاڎیچ سووچیەنە هوٙر مەتووتیوٙ و پیٛسەو هەتیمیە کز مەکەروٙ و ماچوٙ؛

نانی وشکت بوٙ و بیٛ منەت بژاوی

نە تەماو خانی و چاشتەو پڵاوی

ڕاویار جە سارا سەراو مەوینوٙ

هەر مەلوٙ ڕارە و نمەیاووٙ ئاوی

ئەچی ویرانە بیٛ ، خان ئاماو دیش سووچیەنە کزش کەردەن و ڕەنگەش هوٙر پرووسقیاینە، واتش پەنە ؛ ئەریٛ گیان ئینە ئوٙخر؟ واتش ؛ ئوٙخروٙ بە خەیر ڕاویارنا ، بابەیم کیاستەنا پەی ئاساوی و چن منیە یەویٛم ئاردیٛنیٛ بهاڕووشا، ئاخر ئاساوەکەو ویٛمان جە کار کەوتە بیٛ و هەمتەر واتش هەواڵیە ئاڵفەکەو کاکە بلەیچ بزانە ئەر مەڎاما پەنە با بلمیٛ کەنمیٛش. خانی وات پەی چیٛش ڕەنگەو پڕاینە ، مەر توٙ کوٙڕوو کیٛنی ؛ ئیٛڎیچ ڕوەش نەویٛ واچوٙ ئەورامەن ، بە لارە ملیەوە واتش کوٙڕوو حەلەو سەلەینا . خانی وات ؛ ئوٙ خوٙ بابەیو مەژناسوو ، قەومیٛنمیٛ ، ئەڎالیٛ بابەو توٙ چەنی ئەڎاو ئەڎایم لالوٙزا و مەتیە زاینیٛ .

ئەو جە ئەورایی وینوٙ سەوزەپوٙش

جە لاش نەمەنەن ئەقڵ و فام و هوٙش

چەو لاوە واناش پەی لەیلیٛ و مەجنوون

ئیٛڎیچ واق بیەنوو پەیش گیٛرتەنش گوٙش

ئیٛڎ هەر بەڵیٛش پەی کەریٛ و ئیٛتر سیٛوەریٛ لاریٛ بییٛوە و خانی وات ؛ ئەر مەلیوە پەی دەگای ، هوٙرزە بلە وە با دیٛروٙ سەر نەی ، بەڵام سڵامم بیاونە لاو بابەیت و واچە خانی وات ویرش مەی لوایمیٛ ڕاوە و کەڵە نەچیرەکەما کوٙشت و ڕانیەش بریٛشتما .

ئیٛتر کابرای داماگ هەر بە ئەورایی سەرە تەکنیٛ ، بەڵام واتش سەروو چەمی سڵاموٙ بەروو لاو بابەیم و ماچوو؛ بابە تویچ دویٛ دیوە خانیٛ کەرەوە، بەڵام بیٛ نانو بیٛ ئاو .

دمە مەبریٛژوٙ پەی نانە چەوریٛ

حەفت ڕویٛ نانیە نیەنە دلیٛ مانیٛ

واچیٛ تیٛر موەردیٛ گوٙشتیچ مەبریٛژوو

یوٙ نانش نەویٛ و لویٛ پیازی سانیٛ

 ئیبراهیم یەعقوبی

 hewraman
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەر گوٙشیٛو بوٙ پەی ئەژنەویەی؛ تەقەو پاو ئی رازا مەی

ئەر گوٙشیٛو بوٙ پەی ئەژنەویەی؛ تەقەو پاو ئی رازا مەی هوٙرئەوەگیٛڵنای؛ ڕەنگین زەمانەو قەدٚی…