یانە هەورامانی بشناسدیٛ جە نەبیەیت؛ هەساریٛ مەگەرەوانیٛ

جە نەبیەیت؛ هەساریٛ مەگەرەوانیٛ

84

جە نەبیەیت؛ هەساریٛ مەگەرەوانیٛ

هومایون موحه‌ممه‌دنژاد

 هەتا دڵت ئاسمانی نەبوٙ ،هەساریٛ خاس نمەژناسی،ئەرهەناسەت، وەشبوٙ، نەبوٙ، وەهاری خاس نمەژناسی.

هەوارەکاو شاهوٙی،ویمیر،هەوڵی،که‌ریسان،هەڵای، هه‌رزه‌له‌شا نەپیٛتیٛنه و هامدەنگ چەنی هەناسەو مووسیقایی  جوانوو پاوەشاری”گوڵیٛوه‌م دا ده‌موو وایوٙ” گڤەو واگژەو وەشەسیایی، چووپیەو تامەزروٙییش، کیٛشتیٛنە .

هه‌ناسه‌و ژیواو هەورامانی!

 ئاوەز و ژیرلەییت جە لاو مەکتەبوو مەولەوی و بیٛسارانی سەرچەمەش گیٛرتەن و ئاوه‌و حیٛکمه‌ت و زاناییت جە حەڵقەو دەرسوو میرزاو پاوەشاری،هوٙر لیشتیٛنە.

ئەی سەرقافڵەو کارەوانوو فام و ژیری!

ڕاو ژیری و زانایی نەک جە فیٛکر و ویرتەنە ،ڕیٛخەش بەستە بیٛ، بەڵکووم جە لیٛباس و سیپاڵەنە، دیاردەو فەرهەنگی هەورامیانە بیەن، کەوا پانتوڵ و چوخە ڕانەک، باڵاو ماموٙسایەنە، هەورامیانەش، دیاری دیٛوە

مشیوٙ سالیٛکوو دەریاو عیٛرفانی بی، هەتا بزانی مەلەوانوو بەحروو فامی، جە  شەپوٙل و گیٛجاوەو نەفامی ،نمەتاووٙ وەرپەنگش بوٙ

یوٙسفوو هەورامانی

ڕیٛخەو گوراڵەکات هەتا قووڵایی مەژگ و ئاوەزیما بنجەش دەینەرە،ئانەی بزاندیٛ ئارگاییٛوە کە شمە و ئەنجومەنوو پاوەی پەی زوان و فەرهەنگوو پاوە و بە گردی پەی هەورامانی مەرزنابیٛرە،هەڵای ڕوٙشن و ویٛپا مەنیٛنە و ئاروٙ ، ئەشکوٙفە و هه‌راڵه‌و وه‌هاروو فه‌رهه‌نگیما،ته‌نگیانه و ئاوه‌زوو زاڕوٙڵه‌کاو هه‌ورامانی چووزه‌شا دان‌ به‌ر و فیٛرگاو ئەدەب ،زوان ، فەرهەنگ و کیٛ بیه‌یما مه‌رزیانه‌ره و کوٙڵه‌کیٛو یانه‌یما جه دیمه‌که‌و خامەو نویسەرا و شاعیٛرەکاو دەهەو شەسی، پیٛسه‌و جه‌نابیت و مەرحووم کاکەغازی خەلیلی،کاکەحەمەرەشیدٚ ئەمینی، کاکەهادی سپەنجی، کاکەباقی شەفیعی، کاکەموٙمن یەزدانبەخش، کاکەفەریدوون بەهرامی،کاکەموعتەسەم شافیٛعی و…، هیٛقم و هیٛقم ته‌ر بیه‌ن.

ئیٛمه‌یچ به پاو ئانه‌یه‌ پیٛسه‌و مسیار و وەردەسوو ئادٚیشا ،مووچیاریەکاشا پیٛسەو گوٙشەوارەی، ئاویٛزەو گوٙشوو دڵ و دەروونیما کەردەن.

ئی شیٛعریٛ ماموٙسا یوٙسفی هیچ وەخت جە ویرمەنە ، فەراموٙش نمەکریوٙ:

ڕەوانشاد یوسف رسوڵ ئابادی چەنی کاک همایونی

{شەویٛ وەختیٛ هەساریٛ مەگرەوانیٛ بە لای لای دیدٚەکەو توٙ مەسرەوانیٛ

سەحەر گوراڵەکیٛ تەنگوو هەسارگای

بە پژمەو نوهەناسەیت  بەر  مەدٚانیٛ

وەرو مانگە، گموو ساراو نەزانی

مەگەر دانامە نامیٛت بەر کەرانیٛ

سەر و گیانم گمیٛ بان، با نەفامان

ئەگەر ئیمان بە ئەشقت ناوەرانیٛ

زەمین و ئاسمان تەنگەبەریٛوەن

هەڵوٙ زادٚیٛ، نە مردٚاریٛ وەرانیٛ

ڕژ و دڕک و ترامەن گەورە ژیوای

مەگەر”یوٙسف” نیشانیٛ، بویەرانیٛ}

ماموٙساکەم

ئەریٛ یاد٘ت نەکەروو

         چیٛشم دەسەڵاتەن!!!

پیٛشکەش بە ڕوٙحوو ماموٙسایم:

دەی بوٙ کەسم واچوو پنەت     باوڕت بوٙ دروٙ نیەنە!!

بوٙنەو توٙوە دڵوەش بیەنا

   گیرەم باوشی،

    هەتا سەوای ،ورکەم نیا

سوورەچنار!،توٙ بی خود٘ا

ڕازەودڵیت ،واچە پنەم!!!

ئەشکووفەکەم 

  خوٙ تەنگیاوە دلیٛ بەرەو 

چەماو  توٙنە       قەڵەم سوور و 

       ڕەنگ تاونوٙوە  نامەکیٛ توٙ                      برقە دوٙوە

ساڵەی تازە ، هوٙرگیسیوٙنە ،

              جلیٛ سووریٛ کەروونە من 

 گڕی واتش هوٙرزە بوٙریٛ

تیٛکەڵ کەرمیٛ      گجییٛ  سووریٛ

هەرچن 

 بیەن فڕەو جارا ،  هامدەنگ چەنی خوٙ هەسارا

        گوزەر کەرمیٛ ، پیٛسەو جارا  

ئەفسانەیچ بوٙ  

 شاد٘ی وزمیٛ ئەو هەناری

هەوار بەسمیٛ کوٙ و کوٙساری

   واچوو پنەت باوڕت بوٙ

      کەوا و پانتوڵ،

سوخەمە و پەسەک

 پەی ورموو شاعیٛروو پاری

 زاڕوٙڵیٛ، وەش ویاریٛنیٛ

بوٙرە بلمیٛ  هانەو لاری            هەرچن نەمەن وەشی پاری

     گیٛرەم باوشی ،هەراڵەڕەنگ

            سوورەساویٛ ،مد٘وٙ سەمەر

       باوڕت بوٙ هیشتا مەنەن 

              قەوڵ و قەراروو جارانی

          ئەر باوڕت مەنەن پنەم!!!

جە بلوگفاو هەورامان هانەبەرچەمیم هوٙرگیٛرتەن

 hewraman
Load More In هەورامانی بشناسدیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خوٙلوو ڕازوانوو هەورامی شارو هەڵەبجەینە مەلوٙ ڕاوە

خوٙلوو ڕازوانوو هەورامی شارو هەڵەبجەینە مەلوٙ ڕاوە دماو هەرادیای ئامادەکاریەکان پەی خوٙلوو…