یانە گردین ئاروٙ جەشاروٙ سنەی ویٛرەگانە شیٛعرەی لوا ڕاوە

ئاروٙ جەشاروٙ سنەی ویٛرەگانە شیٛعرەی لوا ڕاوە

47

 یانەوماموٙستابیٛسارانی وهەرمانەی بەرزە

ئاروٙ جەشاروٙ سنەی ویٛرەگانە شیٛعرەی لوا ڕاوە

بەبەشداری تاقمەی فرە جە چالاکاو بوارو فەرهەنگی،شاعیٛرا وئەدیبا جە شارەکاو سنەی، مەریوان، سەوڵاوا، پاوەو و هەورامانی و بەیاردی دەسەو ڕاوەبەرو یانەو ماموسا بیٛسارانی ویٛرەگانە شیٛعرەی ڕەنگامیٛ لوا ڕاوە.

چی ویٛرەگانە شیٛعریٛنە ماموٙساحەمەشەریف عەلیرەمایی شیٛعرەی ڕەسەنەش پیٛشکەشو بەشداربیا کەرد.

دکتوٙر حەمەڕەحیم غوڵام وەیسی وەرپەرسو یانەو ماموٙسابیٛسارانی چەنی  وەش ئامای،کاری فەرهنگیش بە موٙهیٛم جە قەڵەم دا، واتش هەورامان بنەما ودەرەتانەی گەوەرەن وئامیانەین کە دەها فەرهەنگ و وزوان و بنەزوانش چەنە بیەنەو وجەکنارو شارستانیەتو چین، میٛسر وئیٛرانی، هەورامان نامەیە بەرزە بییٛنە.

دماتەر سەباح شیانی دەبیرونیانەو ماموسابیٛسارانی، بەوەنەیو شیٛعرەی پەڕمەژگی جەباوەتو کوٙمەڵایەتیوە، کوٙنیشتەکەش ڕازناوە و دیارش وست کە خەریکەن شیٛعرەی کوٙمەڵایەتیە بوٙ بە بەشەی جە محتوا و شیٛعرەی هەورامی و دماو کاک سەباحی دادە ماریا عەزیزی هەرجە باوەتو کوٙمەڵایەتیوە شیٛعریٛش وەنەوە ونیشانەش دا کە شیٛعرەو هەورامانی

خەریکەن ڕەنگاوڕەنگە بوٙ.

فەیسەڵ هیدایەتی شیٛعرەی  دریٛژەش بەدەنگی ئاهورایی وەنەوە وبەشدارە عەزیزەکا تەشویٛقی باششا کەرد.

ئەچیٛگەنە هوٙنەرمەندو دیارو هەورامانی هیوا شامحمدی ئاهەنگەی ئارام وڕوٙح ئەفزاش پیٛشکەش کەرد.

دلیٛرئەداک بەوەنەیو شیٛعرەی پەڕجە ماناو و مەحتوا هەورامان و سنە وشیٛعرەش چەنی فەلسەفەی تیٛکەڵاوە کەرد.

کاک سابیٛر عەزیزی دریٛژەش دا بەهەمان ڕاگاو شیٛعرەی کوٙمەڵایەتییٛ و حازرا چەپڵەوارانشاکەرد.

حیٛکمەت محمدی بەدەنگە ڕەسەنەکەیشوە ماناو شیٛعریٛش بەیان کەردە و بەڕاسی شیٛعرەیش وەنەوە کە ماناو شیٛعریٛش چەنە تکیٛ. ئەحمەد عبداڵهی جەبنکەو ئادانی شیٛعرەی سوٙرانیەش واناوە.

پەی باشتەربیەیو ویٛرەگا شیٛعرەکەی کاک نائب منبەری وگروەکەش دویٛ ئاهەنگەبەزمیٛ باشیٛشا پیٛشکەش کەردیٛ کە شیٛعرەو شاعیٛری نامدار ماموٙساسەییدی بیٛنیٛ.

حسیٛن وەفایی زوٙمی شیٛعرەی نەویٛش واناوە ونیشانەش دا هەورامیچ تاوانش ویٛش بدوٙ قەرەو شیٛعرەی نەویٛ.

محی الدین محمدی خواشتی شیٛعرەی سوٙرانیەش واتە باڵاو ئاوییەریرە.

کیٛوان محمدی ژانی شیٛعرەی پەڕجە عەشق و وەشەویسیش وەنەوە.

ئەسمەر ئیٛبراهیمی شاعیٛرەی سنەیە شیٛعرەی سوٙرانیەی نەویٛش وەنەوە.

وئاخر شیٛعرەیچ دادە ئیٛلهام مرادی بیٛ،ە ئیٛلهاموٙ ئانەیش دا کە زوانو وئەدەبوهەورامی خەریکەن ڕوەو شکوٙمەندی گوٙزەشتەیش گیٛڵوٙوە.

مەراسم بەپیٛشکەشکاری کاک هاشم حسامی هویەیی نووسیار و شاعیٛر لواڕاوە وجە کوٙتایی بەرنامەکەینە تەقدیرکریا جە تاقمەی جە شاعیٛرا وچالاکاو ئی ویٛرەگانە شیٛعرەی.

وەلی کاکایی پەنجشەمە 14/9/1398

 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خوٙلوو ڕازوانوو هەورامی شارو هەڵەبجەینە مەلوٙ ڕاوە

خوٙلوو ڕازوانوو هەورامی شارو هەڵەبجەینە مەلوٙ ڕاوە دماو هەرادیای ئامادەکاریەکان پەی خوٙلوو…