یانە گردین ۲۲ موٙچیارییٛ نەختیٛ جە حەزرەتوو زەردەشتی

۲۲ موٙچیارییٛ نەختیٛ جە حەزرەتوو زەردەشتی

151

۲۲ موٙچیارییٛ نەختیٛ جە حەزرەتوو زەردەشتی.

ئی موٙچیاریە نەختیٛ زیاتەر جە یەریٛ هەزاریٛ و حەوتسەد٘ ساڵان وچیەنیٛ و پیٛسه نەختینەی مەنیٛنیٛ جیا پەیما.

فەرماودیٛ و سەرەنجەشا دەیدیٛ .

  1. نە پەی ئا چیٛویە کە ویەرد٘ەن خەفەت وەردیٛ، نە پەی ئا چیٛویە کە هەڵای نامان وەرۆ.
  2. وەڵیٛ ئانەینە جواب دەیدیٛوە، خاس ویریٛش سەر کەردیٛوە. (قەد٘یمی فەرماووٙ: “قسیٛ ویٛچە، جا واچە!!).
  3. گەنجەفە و مەخسەرە مەکەردیٛ بە کەسی.
  4. نە بە ڕاس، نە بە دروٙ، قەسەم مەوەردیٛ.
  5. ویٛتا شەریکوو (شەریکەو) ژیوایتا هوٙرچندیٛ.
  6. بە زەرەروو خەڵکی دڵ وەشیٛ مەبیدیٛ و کەیفتا نەبوٙ.
  7. دەسند٘ە و ڕەشاوەتداریٛ بیدیٛ و تا تاودیٛ جە ماڵ و سامانیتا بەخشدیٛ.
  8. کەسی مەخەڵەتندیٛ تا خەم نەنیشوٙ دەروونتا و ویژدانتا ڕەحەت بوٙ.
  9. بە گرد٘ چیٛوی و گرد٘ کەسی متمانی کەردیٛ.
  10. ڕای خاسە بنیەیدیٛرە پەی خەڵکی تا خاسە بەیوٙوە ڕاتا.
  11. پاکیٛ و بیٛ تاوانیٛ بیدیٛ تا باکتا جە هیچی نەبوٙ.(قەد٘یمی فەرماووٙ: “هەرکەس پاکا، بیٛ باکا) 
  12. شوکرانەوجاریٛ بیدیٛ تا لایقیٛ گرد٘ خاسیە بیدیٛ.
  13. چەنی خەڵکی ڕووڕاسیٛ و یەک دڵیٛ بیدیٛ، تا بیٛ ویٛنیٛ بیدیٛ.
  14. ڕاس واچیٛ بیدیٛ تا پایداریٛ و پایەداریٛ بیدیٛ.
  15. ویٛتا بە زل مەزاندیٛ تا ڕەفیٛقیٛ و دوٙسیٛتا فریٛ با.
  16. با دوٙس و ڕەفیٛقیٛتا فریٛ با تا مەیشوور و نامد٘اریٛ بیدیٛ.
  17. خاسیٛ بیدیٛ تا ژیوایتا بە وەشی ویاردیٛ.
  18. هەرگیز تووڕیٛ و دلیٛ چەما تاڵیٛ مەبیدیٛ.
  19. ویژدانداریٛ بیدیٛ و بە پاو ویژدانی ڕەفت کەردیٛ تا وەشبەختیٛ و عاقیبەت خەیریٛ بیدیٛ.
  20. جوانمەرد٘یٛ بیدیٛ تا ئاسمانییٛ و ئەهوورایییٛ بیدیٛ.
  21. بە قین و غەرەز دەروونتا گڵیاو مەکەردیٛ.
  22. جە دین و باوڕەنە زیاد٘ەڕەوی مەکەردیٛ تا پاک و ڕاس مەندیٛوە.

سوبحان ئەمینی   ۱٥، ۹، ۱۳۸۹ کوٙچی ڕوٙجیاری

 hewraman
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەورامی فڵتە فڵتا یام ئا چیٛوە قەرچیێ و ئاوسبیەێو دەسو ئیستعماری درکناش؟

هەورامی فڵتە فڵتا یام ئا چیٛوە قەرچیێ و ئاوسبیەێو دەسو ئیستعماری درکناش؟ جە پەرچەو ئا کەسی…