یانە هەواڵیٛ هەواڵێوە فەرهەنگی

هەواڵێوە فەرهەنگی

49

 به‌ پاو واته‌و دڵشاد هیوا ی ماموٙساو دانشگاو سه‌لاحه‌دینی، 26 هه‌زار سه‌فحیٛ ده‌سنویسیٛ به‌ زوانو گوٙرانی و کوردی که‌ گردینشان نه‌سریٛنیٛ، مووزه‌و لوورو فه‌رانسه‌ینه‌ ئیزیاینیٛوه‌. دوانزه‌ ده‌فته‌ریٛ [دوانزه‌ هه‌زار سه‌فحیٛ] ئه‌چی ده‌سنویسه‌‌ نه‌سر یا په‌خشانانه‌ به‌ زوانو گوٙران- هوٙرامینیٛ. ئی ده‌سنویسانه‌ که‌ قدمه‌تشان مه‌گیٛڵوٙنیٛوه‌ په‌ی 207 ساڵی چیٛوه‌رته‌ری، ساڵه‌کانو 1806 میلادینه‌ قاهیٛره‌و میسرینه‌ نویسیاینیٛ که‌ دماته‌ر 1812 میلادی کونسوولو فه‌رانسه‌ی [ژان لوی ئاسوٙلان دو شیٛرویل] مه‌به‌روٙنیٛشانوه‌ په‌ی کتیٛبخانه‌و پادشایی پاریسی. به‌ واته‌و دڵشاد هیوای، نویسه‌نده‌و ئی نه‌سه‌رانه‌ دیار نییه‌ن و گیٛره‌ ده‌سیٛو ته‌ڵه‌بیٛ و ماموٙسای بییٛبانیٛ که‌ ئه‌لئه‌زهه‌ره‌نه‌ ده‌رسشان وانان به‌ڵام دلیٛنه‌و ئی مه‌تنانه‌ مەنمانان، ئی مه‌تڵه‌بانه‌ که‌ فره‌ته‌ر حه‌کا‌یه‌تیٛنیٛ [هه‌زارو یه‌ک شه‌ب و کلیله ‌و دمنه‌…] زوانانیٛوته‌‌ریوه‌ هوٙرگیڵیاینیوه‌ سه‌رو ئی زوانانه‌‌. گردینو ئی ده‌ستنویسانه‌ کریاینیٛ به‌ مایکروٙفیلم و ده‌سنویسه‌کایچشان به‌شو ئارشیوو زوانو گوٙرانی و کوردینه جه‌ مووزه‌و فه‌رانسه‌ینه‌ به‌ شیٛوه‌یه‌ ریٛک و پیٛک سه‌بت و پاریٛزیاینیٛ .

زوان و ئەدەبیاتو گوٙرانی. داریوش رەحمانی

 hewraman
Load More In هەواڵیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خوٙلوو ڕازوانوو هەورامی شارو هەڵەبجەینە مەلوٙ ڕاوە

خوٙلوو ڕازوانوو هەورامی شارو هەڵەبجەینە مەلوٙ ڕاوە دماو هەرادیای ئامادەکاریەکان پەی خوٙلوو…