یانە ئەدەب و هونەر لەزەتوو خاسی کەردەی

لەزەتوو خاسی کەردەی

21

لەزەتوو خاسی کەردەی

زاڕوٙڵە فەقیریٛوە کەبە وردەواڵە ورەشی دلیٛ شاریرە خەرجوو وەنایش بەرئاریٛ ، روٙیٛ قەرانیٛوە شکەنەبەریٛ  ومەحەل بیٛ ئاوراییچەنە ویەروٙوە ، دەسی بیٛدەسەڵات بڕیاوەنە بلوٙ بەرەو یانیٛوە داواونانیٛوە کەروٙ ،عانیٛ تەقەشدا وەنەو بەریٛوە کناچڵیٛوەجوانە بەرەش کەردەو ، پەشوٙکیاوجیاتی نانی داواو ئاویش کەردە ۰ کناچڵەکیٛ وەختاریٛ دیا رەنگەش پڕیٛنە وەروو ویٛشەرە واتش : ڕەنگا ئاوراش بوٙ دەم و دەس لواوە یانەرەو ئاووەرییٛ ( لیٛوان ) گەورە شوٙتش پەی ئارد ۰ کوڕلەکە شوٙتەکەش نیا سەرەوە وچەودما ئارامیٛ واتش : واڵەکیٛم چننۮە کەروٙ ؟ کناچەکیٛ وات : ئەۮاما فیٛریٛش کەردیٛنمیٛ پەی خەیروخەیراتی هیچما جە کەسی گەرەک نەبوٙ ۰ کوڕلەکەیچ کەردشەو جواب : دەسیٛت وەشیٛ با و خانەت ئاوا بوٙ ، کوڕلەکە کەنامیٛش هاروارد کلی بیٛ گریکش کەوتەنەو ئاماوە سەروو ویٛ و جمارەپەی یانەی ، کورلەکە هەکە کەردەوەو ئی کناچیٛش دی بڕیا وەنە دەس جە وەنای نەکیٛشوٙ ، وەڵتەر وەروو نەۮاری بڕیابیٛ وەنە دەس جە وەنای هوٙرگیٛروٙ ۰ ساڵەها چەو دماتەر ژەنیٛوە جوانە ئازاریٛوە سەختەش پوٙرە پیٛچیا . دوکتوٙرا شاری سەرەش چەنە بەرنەکەریٛنیٛ ۰ ناعیٛلاج بەردەشا پەی شاریٛوە گەورەتەری  ، شارە گەورەکەنە داوایچشا کەردە وەنەو دوکتوٙرهارواردکلی پەی تەگبیرکەردەی بەی و وینوٙش ۰ 

هەکە دوکتوٙر هاروارد ژەنەکیٛش دیە و نامیٛ ئاشاریشە ژنیە کە  چاوە ئامیٛبیٛ ، چەمیٛش برووسکیٛوەشا شانا و دەم ودەس ئەژناساش ۰ پیایانە شەرتەش کەردە هەرچیچ جە دەس بەی پەی نەجاتیش کوٙتایی نەکەروٙ ۰ شونەو زوٙرە زمیٛ و دەردیسەریٛ فریٛرە بی بە دلیلووخەیری و ژەنەکیٛ وەشەبیەوە ۰ چن روٙی دماتەر ژەنەکیٛ بە تەرس و لەرزەوو خەرجوو عەمەڵیوٙ لواپەی لاو دوکتوٙری و دماو دەس وەشی و خانە ئاوایی کەردەیش پەرساش پەی خەرجوو عەمەڵەکەی ، دڵنیەیچ بیٛ هەتا مەنیٛنە نمەتاووٙ بارش کەروٙ  ، عانیٛ سوورەتەکیٛشا دا دەسەو دیش نویسیان  تەماموو خەرجیش بە ئاووەریٛوە شوٙت دریان ۰ ئیمزا دوکتوٙر هارواردکلی ، ژەنی بە سەرسامیوٙ

کەوتەوە ویروو ئاڕوٙیە کە کوڕلەیوە ئاما وەروو بەرەیٛ و ئاو وەریە شوٙتەکەش پەی ئارد ، ژەنەکیٛ خوٙڕخوٙڕ هەرسیش متیٛ و تەنیا تاواش واچوٙ : خوۮایا هەزار جاریٛ وەنەت زیاۮ بوٙ کە هەڵای عەشق و وەشەسیاییت ئینا دڵوو خەڵکینە ۰

محەمەد فەهیم

سەرچەمە : فەزای مەجازی

 hewraman
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

فەتە بای بوٙ بە نمایندە

فەتە بای بوٙ بە نمایندە فره داذ و فەریادٚم کەردٚ. هیچش نەبەخشا. گیان، گوٙش نمەدٚوٙ بە کەسی…