یانە هەواڵیٛ پەی جاری دوەمی کەلاسو زوانو هەورامی شارو سنەینە مەلوٙ ڕاوە

پەی جاری دوەمی کەلاسو زوانو هەورامی شارو سنەینە مەلوٙ ڕاوە

80

پەی جاری دوەمی کەلاسو زوانو هەورامی شارو سنەینە مەلوٙ ڕاوە

ساڵەو پاری خولێوە وانایو زوانی هەورامی جە کتیٛبخانەو شارو سنەینە لواڕاوە، هیزیچ چوارشەمە(27/11/2019) دوەم خولو وانای و فیٛربیەی زوانی هەورامی جە هەمان یاگیٛنە بەبەشداری مسیارانو زوانو هەورامی لوا ڕاوە، ئی کەلاسو زوانیە، بە هەوڵ و تەقەلاو فەرهەنگ دوٙس و پاریٛزنەرو زوانی هەورامی کاکە حەمەی فەهیمیوە بریوٙنە ڕاوە، بەنامیٛ وەڵاوگاو هەورامانیوە گەرمتەرین سپاسو پەنەزانایش پەنە ماچمیٛ، چیٛگەوە دەسیٛش ماچ کەرمیٛ و بەگەرمی فشارمیٛشان، ئومیٛد کەرمیٛ ڕاش ڕوٙشنەو پەڕ ڕاویارە بوٙنە، هیوا سەرکەوتەی پەی مسیارەکاش وازمیٛ. فەرماودیٛ ئینەیچ هاگاداری نامەکەشەن کە جە کەناڵەو(وەندەی) هوٙرماگیٛرتەن.

بەنامیٛ خوۮاو زوانا

ئازیزا و وەشەسیایا زوانی هەورامی !

سڵامیٛوەتا بە رەنگینی دەرە و باخا بەهەشت ئاساکەو هەورامانی بە گردوو بەشەکاشەو وەنەبوٙ

بە کەرموو شاو کەرمدارا هیزی چوارشەممە ششەموو ئاخرمانگوو پاییزوو ۹٨ ئەوەڵین جەلەسەو دوەمین کەلاسوو زوانی هەورامی جە کتیٛبخانەو مەرکەزی شاروو سنەینە بە بەشداری واڵە و برای ئازیزی لوا راوە ، ئەر مەنەیمیٛ ئی کەلاسە تا ۳ مانگی دریٛژەش هەن، هەرپاسە وەڵتەر عەرزما کەردەن ئی کەلاسە گرۮ واڵە و برەیوە تاوا چەنەش بەشداری کەرا و هیچ زەڕیٛوە بابەتوو بەشداری کەردەیش نمەسنیوٙ . تەنیا مەرامیچما پاریٛزنای زوانی ئەۮایمانە. تکاما ئانیٛنە هەر ئازیزیٛوە تەشریف ماروٙ سەرەمڕ و ریٛک وپیٛک بەی چوون باسەکا زەنجیرەیینیٛ حەیفا جە یوٙترینی بڕیا. ویٛچما عال زانمی  هەنگامەکیٛما وردیەنە وەلیٛم جە هیچی خاستەرەنە، هەرکەسیٛ تەشریف ماروٙ پا و پاڵاش سەروو چەماما ،ئەر مەنەمیٛ ئی کەڕەتە ئاشیٛعریٛ ماموٙسا مەولەویچە کە سەروو کەلاسیوٙ شی کریاوە بە شەرحەو هەم سەروو کاناڵەو وەنەدیوٙ وە هەم سەروو کاناڵەو ئەدەب و زوانیوٙ منریارە .

جاریٛوەتەر سەرکەوتەی و وەشیتا جە خوۮاو دنیای پەڕ ڕەنگ و دەنگی ئاواتە وازیٛنمیٛ .

 hewraman
Load More In هەواڵیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

فەتە بای بوٙ بە نمایندە

فەتە بای بوٙ بە نمایندە فره داذ و فەریادٚم کەردٚ. هیچش نەبەخشا. گیان، گوٙش نمەدٚوٙ بە کەسی…