یانە گردین نەقڵێوو(ئەمنیە)ی

نەقڵێوو(ئەمنیە)ی

48

نەقڵێوو(ئەمنیە)ی

وەختێو ڕەزاشا مەنتەقەو لهۆنی گێرۆوە بەگەکێ هەکە حاکمێ لهۆنی بیێنێ.تانا گێرۆ وزۆشا زیندٚان و تانا تەبعیدێشا کەرۆ پەی شارە دوورەکاو ئێرانی .بڕێوشا سێمنان بڕێو داموغان و…..ئیجا جە فرەو دەگایەکانە پاسگاو جاندارمیلی منیۆرە. دەگاو(نەروی)پاسگاش پەشتەو دەگاکێوە بۆ یانە نمەگنۆوە لای سەریش، ئیجا قسێمەی قسێ بڕۆ کابرەیو خەڵکوو دەگاکێ دڵش کناچێوێوە بۆ کناچەکێچ فرە ئادٚش گەرەک بۆ بەهەر دەلیلێو هەک کناچەکێش نمەدٚانێ پەنە و گەرکشا بۆ بدٚانێش بە جوانێو تەری بە نامێو(عەلیڕەزا)ی پاسە کە من ئەژنەویەنم فرە جوان خاس و قەوەت بیەن، کابراکە هۆرزۆ مڕەمۆ ملۆرە هەڵەبجە چاگەنە بڕێو چەتێ بیێنێ ئیرانیێ و ئێراقیێ پێوەرە، ئێتر ئەیا مخالفێ حکوومەتەکا بیێبا یا چەتێ کاروانی ڕووتەو کەردەی. ئانەشە نمەزانوو بەڵام مزانوو پەنەشا واتێنێ چەتێ، ملۆ لاو گەورەکەیشا ماچۆ من مۆشکڵێوێ چیمنێمە هەنەو ئانا سەرەو وێم هۆرم گێرتەن و ئامانا لاو جەنابیت ، ئادیچ گلش مدۆ وەو سیڵاحش مدٚۆ پەنە کەرۆش شەریکوو وێشا،دمای چندٚ ڕوا چوار پەنج نەفەرێش چەنی کیانۆ ماچۆ لۆدێ نەروی عەلیڕەزای باردێ بەڵام هۆشتا بۆ نەکوشدێش، ئادٚێچێ مەیا پا کەشانە وێشا حەشار مدٚا تا شەوە مەیرە وەزانە دلێ دەگەی یەرێشا ملا یانەو عەلیڕەزای دوێشا دلێ باخەکەو وەروو دەگاینە کەمینە کەرا پێسەو نیرووی پشتیوانی. ئانێشا هەک ملا یانە ململانی فرێ کەرا چەنی عەلیڕەزای بەڵام چوون فرە قەوەت بۆ نمەتاوا کێشا بەر ئێتر خەریکا هامساکێچ بزان بە مەسەلەکێ. یۆ چەتەکا خەنجەرێوە کوۆ عەلیڕەزایەرە زامدٚارش کەرۆ یانەنە کێشاش بەر مدٚانێش وەروو خەنجەرا. قاڵەکە زلبۆ، چی ئەسنانە پاسگا چڵاکیۆرە ئەمنیێوی تارانی هەکە فرە زیرەک بۆ چەنی دوی سەروازا پڕارە ملا سەردەموو ڕۆمەڵخەزاکێوە چەتەکێ بەرمشا ئەمنیەکە بە تفەنگ تەقنای منیۆ شۆنیشا. یۆ چانیشا هەکە کەمینەنە بۆ تفەنگێو منیۆ سینەو ئەمنیەوەو دارنۆشەو.ئاشەوە عەلیڕەزا و ئەمنیە کوشیا و چەتێ بەرمشا پاسگا هەواڵ کیانۆ پەی نەوسوودٚێ چێوی چیمنە قۆمیان. نەوسوودٚە بە تەلگراف بۆ یا هەرچی هەواڵ مدٚا پاوەی. پاوە دەسوور مدٚۆ هەر چا دەگانە ئەمنیەکەی شۆردێ و سراوندێش خەڵکوو دەگەی پاڵوو مەرقەدٚەکەو پەشتەو دەگەیوە قەبرێوەی زلە کەنا ئەمنیەو عەلیڕەزاش منانە دیوارێوی توەنین بەینشانە منیا و خاکشا کەراسەر. چەوساوەن ئا یاگێ بڕیانش ملەرە قەبرەو ئەمنیەی،

قەیۆم دانشوەر نەروی

 hewraman
  • ئارسن

    ئارسن  کابرێوە مەسیحی بوٙ کەشاروو ڕەشتینە جە ئەۮای بوٙ ، دەورەو ئەوەڵوو دەرزوەنای هەر…
  • مەشورەت و پەرس و ڕا جە هەورامانەنە

    مەشورەت و پەرس و ڕا جە هەورامانەنە مەشوەرەت خاسەن سەلاح بیٛ گەڕەن شاپەڕ قووەتش بە خوٙردەی …
  • هوٙرز و نیشت چەنی ئاژەڵی

    هوٙرز و نیشت چەنی ئاژەڵی چاوەختەوە کە ئاژەڵ لینی کریان، ئانزان هەوڵیٛش دێنیٛ کە خاستەر و ف…
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن

 مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن نویسەر: مە…