یانە زانای نیشانیٛو کەمی ڤتامین”د”

نیشانیٛو کەمی ڤتامین”د”

88

نیشانیٛو کەمی ڤتامین”د”

نیٛشانیٛو کەمی ڤتامین دی سەرو لاشەیوە، وریتییٛنیٛ جە هەستەکەردەی بە لاوازی و مانیای سەرمڕەی، ئیٛش و پیٛشەکانو لاشەی و مازی(کەمەر) زەنگوٙڵیٛ، خەمۆکی”افسردگی” یوٙتەرەن جە نیشانیٛو کەمی ڤتامین دی، دێر وەشبیەیوەو زەخمو لاشەی، کەمبیەی هازەو ماساوڵەکانو لاشەی چون ڤتامین دی یاردیدەرن پەی ڕادەو کالسیومی لاشەنە، کەمی ڤتامین دی نونگەو قژڕیٛزاین ،فرە توش بیەی بەنەوەشی پیٛسەو هەڵامەتی و هەوکەردەی شوٙشیٛ و سینەی…هتد. دیارتەرین نیشانیٛ کەمی ڤتامین دی کە بەرمەگنونە جە ئانزانەنە، ئیٛشو جومگەی و زەنگوٙڵان، ئیسەتیٛ جە سنعەو پیرینە فرەپۆماوەدیارەن، گوچانە مەگیٛرمیٛ دەسماوە .

تەرسەو کەمی ڤتامین”د” فرەتەرەنە جە کەسانی بەتەمەنینە، چون ویٛشان کەم مەڎانە وەرو وەرەتاوی و لیشکەو ڕوٙجیاری( بە هاماکاری لیشکەو ڕوٙجیاری لاشە؛ ویٛش مەتاووٙنە ڤیتامین دی دروسبکەروٙنە، بە نونگەو فاڕای چەربی چیٛرو پوٙسی، کە سەرینی تەرین ڕاگاو دەسکەوتەی ڤتامین”D” ین لاشەو ئانزانینە. چەنی ئانەیچ ئا کەسە نەوەشیٛ کە بە ڕیٛکو پیٛکی دەرمانو کۆرتیزۆنی مەوەرانە، تەرسەو کەمی ڤیتامین دی بەر مەگنوٙنە سەرشانوە. پەی ویٛپاریزنای و توشنەبیەی بە کەمی ڤتامین”D” مەشوٙنە وێمان دەیمیٛ وەرو لیشکەو ڕوٙجیاری بەپاو ڕانمایەکانو دکتوٙری، هەرپاسە مەشوٙ کەلک بگیٛرمیٛ جە ئا واردان کە ڤیتامین دی شان چەنەن پیٛسەو زەردەنیەو هیٛڵەی، یەهەرو گاوی، ماساوی سەلەمون، شوٙڤان و سیٛفیٛ شیرینیٛ(مەشوٙ بزانمیٛ کە واردەنە نمەتاومیٛ ڤتامین دی تەمامان دەس بگنوٙنە)، شوٙنیەرە کەلک بگیٛرمیٛ ئەچا دەرمان و چارەسەریە کە بەشیٛوەو( ئەمپول ڤتامین دی، حب ڤتامین دی) ئامادیٛ کریێنیٛ پەی واردەی.

ڕوانە لاشە ئەوەجەش بە( iu400-800)یوەی دلیٛدەوڵەتی.ئەگەر چامنەی زیاتەریچمان دسبگنوٙ قەیدش نیەن.فرەو مەردمو سەرزەمینی ڕادەو ڤتامین دی ونیٛشان کەمە، نزیکەو بلیوٙنێوە سەرو زەمینیوە کەمی ڤیتامین دیشان هەن، شونیەرە هیچ بەویٛش نمەزانوٙنە کە کەمی ڤتامین دی شان هەن.

ڤتامین دی گرنگی فرەش هەن پەی تەندروسی لاشەی، وەرگیری لاشەی قەوەت مەکەروٙنە، هەرمانەو ماساوڵەکانو لاشەی و مەژگی میقاتە مەکەروٙنە، هەرپاسە هەرمانەو کارکەردەی و شوٙنەمای بڕێ دەرمانان خاسە کەرانە دلیٛو لاشەینە پیٛسەو دەرمانو کەم کەردەی کوٙلیستروٙڵو ونیٛ.

سەرچەمە:healthline. https://www.healthline.com/nutrition/vitamin-d-deficiency-symptoms

   دکتوٙر ناجح گوڵپی 2/11/2019

 hewraman
Load More In زانای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن

 مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن نویسەر: مە…