هەنار

70

مه‌هدی لالۆ حمه‌مراڎی!

مه‌کیانه‌ په‌ی وێت پووکاڵاوی. مه‌گێره‌یچ ئه‌و دڵ. پووکاڵاوی هیچ ئه‌گه‌ر ئاو و بووڵاو‌یچش ئه‌و ‌سه‌ر بۆنه دیسان‌ په‌ی ئێمه‌مانان و گردینو ئا که‌سانه که‌ ڕاس و ناڕاس ئانه‌ن‌ بییه‌و بییه‌یشان جه‌ گرد چێوی وه‌شته‌ر و مانادارته‌ره‌ن. ئه‌ئی وه‌رێسێ بنه‌ڕاو دنیایوه‌ بنجه‌ش یۆنه‌ هه‌رچه‌نده‌ به‌ دیم و ئه‌وه‌گێڵنای جۆراوجۆرێشوه‌‌‌: دیده‌و وه‌رانوه‌ری نه‌ئیشۆنه‌ خاسته‌ره‌ن.

وه‌لێمکه‌تێ ئه‌پاسه‌یچه‌ نییه‌ن یه‌کسه‌ر که‌ تۆ لواینی و مه‌لینه‌ په‌یش. ئانه‌ چه‌ خییاڵه‌ن تۆ وینانت. چه‌نی دڵ و ده‌ست ئامان و مه‌ینه‌. هه‌نار هه‌ناره‌ن. هه‌ر جۆر بۆنه هه‌راڵه‌، چه‌شکه‌ و وینایش دایمه‌و خودای‌ وه‌شه‌ن و بییه‌و نه‌بیه‌ی ماوه‌رۆنێوه‌ هه‌له‌کێ. تورش و شیرینش. ئیسه‌ نه‌خوازه‌ڵا هه‌نارو ده‌ره‌قووڵه‌که‌و لاپاڵو رۆخانه‌ی، دماو وه‌شت و واران و خرمه‌و دڵیی. ئیتر پیشیایش با‌که‌تێ بمانۆنه‌‌.

 بنیه‌ره‌ ئێمه‌یج نه‌واچمێنه‌ و ئادێچ نه‌گێرانێش و نه‌گێرته‌بۆشان ئه‌و وێشان و نه‌لوابۆنه‌ ئه‌و مل و دڵ. مه‌په‌شۆکیه‌. به‌ یه‌قیین، که‌رده‌نش، که‌رده‌نشان، مه‌که‌رانێش و مه‌گێرانێش. دڵمان به‌ینه‌ و نه‌ینه‌ زووه‌ن که‌ردێنێشان به‌ مله‌وانێ و مله‌وانێشان.

 ته‌نیا ئانه‌یچه‌‌ نه‌ که‌ واتێبێت و واتمان و واتت هه‌ی هوو به‌ڵکوم گردینشان و هینه‌و گردو عه‌شیره‌یچ، به‌ تایوه‌ت په‌تاڵ پایه‌کان. ئه‌سڵه‌ن ئادێچ نه‌بانێ وه‌یلانێ و دڵ سۆتێ و پووش جه‌ستێ هه‌ر هه‌نێ بگێرانێشان ئه‌و وێشان و بنجه‌و مانایشان. وه‌یڕۆ و لچگازنایش نییه‌ن و نه‌گه‌ره‌که‌ن. چه‌مو ئه‌من و تۆ ته‌نیا دیارگاو دنیای نییه‌ن. تا قامی قییامه‌ت ئینه‌ به‌زمشه‌ن و بییه‌ن تا بییه‌ن.

 هه‌قه‌ن و وه‌شیچه‌ن هه‌ر که‌س به‌ حه‌ز وێش دنیای بووینۆنه‌. وێم هه‌نان و نه‌به‌زیچ مه‌زانۆنه‌ بنارو کراویه‌دۆڵیاوه ‌لاو گردو ئی ده‌ره‌ رۆزگارانه‌ به‌ خیاڵ هه‌رکه‌س هه‌رچێوش واته‌بۆنه‌ کریان و بییه‌ن به‌ گه‌رده‌نبه‌نده‌و ملێ و دڵیی.

به‌ شانازیوه‌ و بێ جیاوازی. باوجوا فره‌شان ئه‌وپه‌رو بێعاریچوه‌ و ده‌مو بێعاراوه‌ ڕازیایبانێوه و واچیایبانێوه‌‌‌. جار و بار گردو هه‌ناران به‌ تورش و شیرینشانوه‌ به‌ که‌ریمو که‌را‌مه‌تدارانیچوه‌ مژنه‌ مه‌که‌رانێ و ئه‌پاسه‌یچش په‌ی مه‌لانێ گردو خیلقه‌تیش بۆنه‌ش وێشو وێشانه‌ن و وێشان. پانه‌یچوه‌ شاهێدی دانا، گێره‌ بگێرۆنه‌ ڕه‌ویه‌و بێده‌نگیی و بێ جواوی به‌ڵام بێدڵیی و لالووتی که‌سێش نه‌که‌رده‌ن و نمه‌که‌رۆنه‌.

ئیسه‌ بنیه‌یمێره‌‌ فه‌رزه‌که‌یچ ئه‌پاسه چه‌رخییاو و خونچیا بۆنه و دماته‌ریچ دیسان‌‌. عه‌ینو مووسا که‌لیموڵڵای یه‌خه‌گێرته‌ی به‌ شوانه‌ی و شوانه‌کان ئاقیبه‌تش نادیاره‌ن و  ئه‌وه‌ڵش دڵ توورنای. هه‌ر ئه‌نده‌شه‌ چه‌نه‌ مه‌زانمێنه‌ و مه‌زانانه‌‌. ئه‌ر ڕه‌حمیچمان نه‌بۆنه‌ خاسته‌ره‌ن ڕه‌حمین بنمانمێنه‌‌‌. نامان و نییه‌ن په‌ی که‌سی بێوه‌ریمان و بێوه‌ریشان بکه‌رۆنه‌ ئه‌چا ئومیدو ژیوایه‌ و خییاڵانه‌ و دڵوه‌شیانه‌! تا وه‌ختێوته‌ر. داریوش ره‌حمانی. مه‌ریوان. ئابان و 1398 ک. رۆجیاری. ئوکتوبرو 2019 میلادی

 hewraman
  • باروٙڵ و میٛمانەکەش

    باروٙڵ و میٛمانەکەش  شەوێوه‌ باڕۆڵ مێمانش بێ و سەرقاڵوو قسەکەردەی چەنی مێمانەکەیش بێ،…
  • یانەو فەتەی میٛمانیٛشا هەنیٛ

    یانەو فەتەی میٛمانیٛشا هەنیٛ ئەژنیەنش و نەمسانش. حەتتا مەکیچشا ئاردٚیٛبیٛنیٛ چەنی ویٛشا! ن…
  • ڕازەو مروٙچەی و مەشوولەی

    ڕازەو مروٙچەی و مەشوولەی زمسان بێ ، هەرد و درەخت جلێ چەرمێش کەردێ بێنێ وەر، مەشولێچ یانە و…
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن

 مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن نویسەر: مە…