یانە گردین ئارسن

ئارسن

106

ئارسن

 کابرێوە مەسیحی بوٙ کەشاروو ڕەشتینە جە ئەۮای بوٙ ، دەورەو ئەوەڵوو دەرزوەنای هەر چی شارەنە تەمامنوٙ، بەرەگەیوەنە کە بیٛ دەسی و نەبیەی یاووٙ لاو گرکەسی روٙێوە ئەۮاش پاڵتاوێوەش ساناو پەی کەروٙش وەرشوو کیانوٙشەو پەی مەۮرەسەی وەلیٛم عانیٛ مەۮرەسەنە مەیوە پاڵتاوەکەش پوٙرە مەبوٙ ، وەختاریٛ ئەۮاش ماچوٙش پەنە : پاڵتاوەکەت کوٙن ؟ ماچوٙ: هام کەلاسییٛ موسڵمانم جلەکیٛش ئاۮیٛ نەبیٛنیٛ پاڵتاوەکەم بەخشا پەنە !

دماتەر ئارسن روە کەروٙ دەوا و دەرمان وەشکەردەی تەجرەبی و هەرچیٛگەوە شوٙرەتش وەڵا بوٙوە، ئا پیاگەورە وەختاریٛ وینوٙ کەسانیٛ هەنیٛ زەڕوو دەوا و دەرمانیشا نیا گنوٙ وار وچوەرو پەیۮا کەردەی دەرمانەکەیشا و بەخەرجوو ویٛشەو ملوٙ پەی تارانی و دەرمانو نەۮارا چەنی ویٛش ماروٙوە و بە سیٛ یەکیٛوە قیمەتەکەیش مۮوٙشاپەنە ، ئەوەڵەو دەسیٛوە گیٛلەبەشەریٛ دەس کەرا خرابە واتەیش وبە تاوانەو عەرمەنی بیەی دەرمانەکەیش حەرام زانا و چنڎ کەڕەتیٛوەیچ ناپیایانە وزاش زینۮنان، بەڵام ئی پیا ئازادە بڕیوٙ وەنە بوٙ بەمەسیٛحیو رەشتی و دار و نەۮاریش هەڕاج کەروٙ هەتا دەواخانەیوە منیوٙرە، وەرە وەرە خەڵکوو رەشتی پیایەتی ئارسنیشا پەی بەرگنوٙ و دەواخانەو ئارسنی بوٙ بە قیبلیٛ بیٛکەس وکارا رەشتی .  زانایا رەشتی ملا زیارەتش و قوٙڵیٛ هیٛمەتی چەنیش هوٙرماڵا و ئەوڵین دەواخانە وشەو و ڕوٙی ئیٛرانی چەنیش منیارە و هەرکەسیٛ بەپاو دەسەڵاتیش زەڕ جەم کەروٙوە و مۮوٙش دەسوو ئارسنی، چەودما بە کوٙمەکو بازاریا و عالما ئەوەڵین سەراو پیر و لاکەوتا ئیٛرانی رەشتەنە بینا منیوٙ بیٛ ئینەیە تاقەقەرانییٛ جە دەوڵەتوو وەختی بسانوٙ، ئی سەرا بوٙ بەباوانوو لاکەوتا. دماو رەشتی ئارسن تاووٙ تارانیچەنە بەهەزاران مەینەتیٛ سەراو پیرا ( کەهریزەکی ) بنیوٙرە، کەئیسەیچە هەڵای ئی دەواخانە و سەراو لاکەوتا  خزمەتگوزاری نەۮارا کەرا.

سەرئەنجام ساڵەو ۱۳٥٦ روٙجیارینە مەحاڵو گیلانی تازیەباروچەم هەرسینیٛ کەروٙ و ڕوە کەروٙوە بەرەو کەرمدارا، روٙیٛ دماو کوٙچی یەکجاریش شارو  رەشتی بوٙبە ساراو مەحشەری وخەڵکوو رەشتی بە هەردین و و رەگەزەیوە گەورەیییٛ مرمانا بە نامیٛ ئەسپەردەکەردەی: ( مەسیٛحوو رەشتی )

تەرمەکەش چنڎ سەعاتیٛ سەرو شانا خەڵکیۆ بوٙ و مەردم بە ئەڵڵاهو ئەکبەر واتەی وسەڵەوات دایۆ بەراش پەی ئەسپەردەکەردەی.  ئەوەڵەو موسڵمانیٛ نمازا ئیٛ شیٛرە پیایە زیارەتەڵانوو عەرمەنیانە بنیا و گەرەکشا بوٙ زیارەتەڵانو موسڵمانانە ئەسپەردەش کەرا بەڵام بە میانجگەری عالما، دماو چن سەعاتا جەنازەکەش بریوٙ کلیساو رەشتی، ئا ڕوە موسڵمان و مەسیحی رەشتی هەڵقیٛ بەسا دەورو کلیسا وچکلەکیٛ رەشتیرە هەتا تەرمو ئی پیا گەورەیە ئەسپەردەکریوٙ.

ئی پیا باشەرەفە وەختاریٛ مروٙ نوکەچەنیٛ ماڵ و داراییش چەنەجیا مەمەنوٙ بەڵام مەحاڵیٛوە تازیەبارکەروٙ…

ئازادەگی و پیایەتی بەدین و مەزهەبی نیا، ئەرتاوی خزمەتو خوۮای و بەننۮا خواینەبی ئەوپەڕشا .

محمەد فەهیم … کەناڵەو وەنەدی

 hewraman
  • نەقڵێوو(ئەمنیە)ی

    نەقڵێوو(ئەمنیە)ی وەختێو ڕەزاشا مەنتەقەو لهۆنی گێرۆوە بەگەکێ هەکە حاکمێ لهۆنی بیێنێ.تانا گێ…
  • مەشورەت و پەرس و ڕا جە هەورامانەنە

    مەشورەت و پەرس و ڕا جە هەورامانەنە مەشوەرەت خاسەن سەلاح بیٛ گەڕەن شاپەڕ قووەتش بە خوٙردەی …
  • هوٙرز و نیشت چەنی ئاژەڵی

    هوٙرز و نیشت چەنی ئاژەڵی چاوەختەوە کە ئاژەڵ لینی کریان، ئانزان هەوڵیٛش دێنیٛ کە خاستەر و ف…
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن

 مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن نویسەر: مە…