یانە هەورامانی بشناسدیٛ ئا کەلیمیٛ کەپەی خەڵاتی یام هەقەدەس و چیٛوداینە بەکاربرییٛنیٛ

ئا کەلیمیٛ کەپەی خەڵاتی یام هەقەدەس و چیٛوداینە بەکاربرییٛنیٛ

72

ئا کەلیمیٛ کەپەی خەڵاتی یام هەقەدەس و چیٛوداینە بەکاربرییٛنیٛ

  • چیٛرچوٙکانە یام چیٛر زەنگوٙڵانە ، ئیسە بیەن بەچیٛر میٛزی ئەدارا.
  • شیروایی یا ماڵ: زەڕیٛوە بیٛ کە دیاری کرییٛ زەما بۮوٙش بە یانەو هەسوورەی .
  • پاقەۮەمانە: دیاریێوە بیٛ کە پەی پیٛۮابیەی زاڕوٙڵەی درییٛ .
  • زوان گوشاۮانه: ئاخەڵاتینە کە پەی زوان گیٛرتەی زاڕوٙڵەی دریوٙنە.
  • شەرمەوانە: خەڵاتێوە بیٛ درییٛ بە وەیویٛ هەتا چاکەسیە کە شەرموانەکەی مۮوٙ شەرم نەکەروٙ
  • سەرقەڵەمانە: زەڕیٛ بیٛ کە درییٛ بە دوٙعا نویسی.
  • دەس وەشانە: زەڕیٛوەن کە دریوٙنە پا کەسیە هەرمانیٛوەش ریٛکەوستیٛنە .
  • حاجیانە: نانوو چاشتیٛوەن عانیٛ حاجی حەجەنە مەیوە .
  • پاگوشانە یام پاوە کەردەی  یام باوەخون: میٛمانییٛوەن کە دماو شووکەردەی کناچیٛ کریوٙنە.
  • رەنجبەرانە: هەقەدەسێوە بیٛ کە درییٛ بەرەنجبەری.
  • شوانانە، یام شەرتەشوان: هەقەدەسوو شوانەی بیٛ.
  • جمعانە: نانیٛوەن کە شەوانو جمعەی دریوٙ بە خاۮموو مزگی، یام ئاوەزیٛنیٛ کە شەوا جمعەی مزگینەدریان بە خەڵکی .
  • ئاغانە: دەخڵ و دان یام  زەڕیٛوە بیٛ درییٛ بە ئاغەی یا مالکوو زەمینی.
  • پووشانە: زەڕیٛوەن دریوٙنە، بابەتوو لەوڕیای حەیوانی .
  • هەرانە: زەڕیٛ بیٛ کەدرییٛ جەڕاو نەزانکاری یام مامەڵە پەشیمانینە .
  • وەزەبان: خەڵاتیٛ بیٛ کەپەی پەیۮا بیەی زاڕوٙڵەی درییٛ .
  • دەراڵانە: درییٛ بە کەسیٛ هەرمانیٛوە جوٙرە کەریٛ، ڕیٛکش وزیٛ.
  • حەماڵانە: درییٛ بەکوٙڵبەری بابەتوو هوٙرگیٛرتەی کەل وپەلی .
  • شاگردانە: زەڕیٛوەن کە دریوٙ بە شاگردی.
  • دەربەژەنانە: پەشتە بەرانە: عانیٛ وەیوە یانەو تاتەیشەو ئیٛ بەر کابرێوە چەقوو بەرەکەی گیٛریٛ و هەتا زڕێوەشا نەۮایه نازیٛ وەیٛوەکیٛ بزیوٙرە .
  • باربوو: کوٙمەک یام زڕیٛوە بیٛ درییٛ بە کەسیٛوە کە یانیٛش کەردیٛنیٛوە وەیام چیٛویٛوە گرانش سانایە.
  • کاکە بەشانە: بەشیٛوە زیاۮە بیٛ کە دماو مەردەی تاتەی درییٛ بە کوڕی گەورەی .
  • قیٛخانە: زڕیٛوە بیٛ کە خەڵک دیٛنیٛش بە قیٛخاو دەگای .
  • خاۮمانه: هەقوو خاۮموو مزگی بیٛ .

 وەنەدی- محەمەد فەهیم/ وەڵاوگاو هەورامانی

  • مزانی”مزگانی” :  زەڕێوەن یام چیٛوێوەن کە دریوٙ بەکەسێوە هەواڵێوە وەش ماوەروٙنە.
  • بەردڕکانە: ئەوسا ئەگەر جل و سیپاڵی تازەت کەردایێ پەنەت واچیٛنیٛ بارە بەردرکانەکەیش، یانی وەڵێ ئانەی دڕیوٙنە مەشوٙ شیرینی یام چیٛوێ دەی بە دوسانو برادەرانت.
  • دڎانە ڕوانە: چاشتێوە بیٛ کرییٛ”گەنمیٛ و نوەی” پەی دڎان زیای زاڕوٙڵەی بەخشیٛنیٛشەوە ملو بەرو هامسایرە.
  • پاوەیوانە: ئا زەڕەنە کەدریوٙ بە پاوەییٛ.
  • خەتەنە سورانە: ئازەرەنە کەدریوٙ بە زاڕوٙڵەی وەختو خەتەنە کەردەینە
  • ونانە: پوڵێوەن جیاتی پیاکوشتەی مدریوٙنە.
  • بارکی، بارکانە، بارکیانە: پوڵێوەن بەراش بارکی ژەنێوە تازە زاڕوٙڵەش بیەبوٙ یام تازە شوش کەردەبوٙ یام تازە یانیٛش کەردێ باوە پەی فرەو چیٛوی بارکانە پەنەوازەن.

 ئینەشا بە هامکاری چند هامرێوە فەیسبوکەنە زیادمان کەرد(بەختیار لهونی و شەوقی شەیدا و د.ناجح)

20/10/2019 د. ناجح گوڵپی

 hewraman
Load More In هەورامانی بشناسدیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن

 مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن نویسەر: مە…